ءدىن جانە ازاماتتىق قوعام ىستەرى ءمينيسترى نۇرلان ەرمەكباەۆ قۇجاتتىڭ مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىنىڭ باعىتتارىنا جانە «بولاشاققا باعدار: رۋحاني جاڭعىرۋ» باعدارلامالىق ماقالاسىنا تولىعىمەن سايكەس كەلەتىنىن باياندادى.
قۇجات جوباسىندا اتالعان سالاداعى مەملەكەت ساياساتىنىڭ باسىمدىقتارى ناقتىلانعان. ماسەلەن, ءدىني بىرلەستىكتەردىڭ قارجىلىق-شارۋاشىلىق جانە ۇگىت-ناسيحاتتىق قىزمەتىنىڭ اشىقتىعىن قامتاماسىز ەتۋ بويىنشا تالاپتار ناقتى بەلگىلەنگەن. سونىمەن قاتار زايىرلى دامۋ قاعيداتتارىن نىعايتۋ جۇمىستارى جالعاستىرىلۋدا. اتاپ ايتقاندا, زايىرلى مەملەكەت ءدىني بىرلەستىكتەردىڭ ىشكى ىستەرى مەن ەرەجەلەرى ماسەلەلەرىنە ارالاسپايتىنى, ار-وجدان بوستاندىعى ءۇشىن جاعدايلار تۋدىراتىنى ايتىلعان. ايتسە دە, مەملەكەت ءدىني بىرلەستىكتەردىڭ مازمۇندىق جانە قوعامدىق قىزمەتىن رەتتەپ جانە باقىلاپ وتىرادى, زاڭدار مەن مەملەكەتتىڭ مۇددەلەرىن ساقتاۋىن تالاپ ەتەدى.
سونىمەن قاتار, ۇسىنىلعان قۇجاتتا ءدىني ۇرانداردى جامىلعان كەيبىر ءدىني اعىمداردىڭ ەكسترەميستىك يدەولوگياسىنا قارسى تۇرۋ جانە ب ۇلىك سالۋ قىزمەتىن بەيتاراپتاندىرۋ بويىنشا جالپى مەملەكەتتىك جۇيەسىن قالىپتاستىرۋ تۋرالى ايتىلعان. بارلىق سالالاردا – ءبىلىم, مادەنيەت, سپورت, باق, دەنساۋلىق ساقتاۋ, وتباسى جانە نەكە ينستيتۋتتارىندا كەشەندى جۇمىستار جۇرگىزۋ ۇسىنىلادى.
تۇجىرىمدامانىڭ جۇزەگە اسىرىلۋى جاڭا گەوساياسي شىنايىلىقتار, ىشكى جانە سىرتقى قاتەرلەر اياسىندا قازاقستاندا تۇراقتىلىق پەن قاۋىپسىزدىكتى نىعايتۋدى قامتاماسىز ەتۋگە باعىتتالعان. بۇل جۇمىستار رەسمي تۇردە تىركەلگەن ءدىني بىرلەستىكتەر مەن ازاماتتىق قاۋىمداستىقتى تارتۋمەن بارلىق مۇددەلى مەملەكەتتىك ورگانداردىڭ تىعىز ارەكەتتەستىگى ارقىلى جۇزەگە اسىرىلادى.
