«ۇدەمەلى يندۋستريالدى-يننوۆاتسيالىق دامۋ» مەملەكەتتىك باعدارلاماسى اياسىندا 2 كەزەڭدە ىسكە اسىرىلعان جوباعا 675 ملن تەڭگە ينۆەستيتسيا تارتىلىپتى. ءبىرىنشى كەزەڭى بويىنشا 2014 جىلدىڭ سوڭىندا 36 ادام جۇمىسپەن قامتىلىپ, قىتايدان اكەلىنگەن تەحنولوگيادا قىسقى اياق كيىم شىعارىلا باستاعان.
«بۇل جوبا «بيزنەستىڭ جول كارتاسى – 2020» باعدارلاماسى اياسىندا ينفراقۇرىلىممەن قامتاماسىز ەتىلدى. بۇگىنگى تاڭعا دەيىن كاسىپورىنىمىز جالپى قۇنى 100 ميلليون تەڭگەنى قۇرايتىن 270 مىڭ پار اياق كيىم ءوندىردى. ءبىز نەگىزىنەن ىشكى نارىقتى قامتاماسىز ەتىپ, يمپورتتىڭ ورنىن باسۋعا تىرىسۋدامىز», - دەيدى «حايات» جشس-نىڭ ديرەكتورى ۇلىقبەك راجاپوۆ.
ال, جوبانىڭ 2-ءشى جەلىسىن ىسكە قوسۋ ءۇشىن «وڭتۇستىك» ايو-نان 100 ميلليون تەڭگە بولىنگەن. بۇل قارجىعا تۇركيادان اياق كيىم تىگەتىن جاڭا قوندىرعى ساتىپ الىنىپتى. ناتيجەسىندە كاسىپورىندا 50 ادام جۇمىسپەن قامتىلىپ, مەجەلەنگەن 1 ميلليون جۇپ جازعى جانە قىسقى اياق كيىم وندىرۋگە مۇمكىندىك تۋىپ وتىر.
«اياق كيىم فابريكاسىنىڭ بارلىق ينفراقۇرىلىمدىق جۇيەلەرى «بيزنەستىڭ جول كارتاسى» باعدارلاماسى اياسىندا ىسكە اسىرىلدى. سونداي-اق قۇرىلىسقا قاجەتتى قاراجاتتى وبلىسىمىزداعى ينۆەتيتسيالىق قۇرىلىمدار بەرىپ وتىر. ەندىگى ماسەلە – تىڭعىلىقتى جۇمىس ىستەپ, اۋداننىڭ ەكونوميكاسىنا ۇلەس قوسۋ. كاسىپورىن باسشىلارى ەگەر سۇرانىس ارتسا, فابريكامىزدى ۇلعايتامىز دەپ وتىر», - دەيدى ماقتاارال اۋدانىنىڭ اكىمى عالىم يسمايلوۆ.
مۇنداعى قازىرگى سۇرانىسقا يە جازعى اياق كيىمنىڭ باعاسى – 260-280 تەڭگەدەن بوساتىلىپ جاتىر. نەگىزگى نارىق - وڭتۇستىك قازاقستان وبلىسى مەن الماتى قالاسى. جازعى كەبىستەردىڭ ساپاسى دا جامان ەمەس. سۇرانىس كۇن ساناپ ارتىپ وتىر.
