«دوستىق» اللەياسى اشىلدى

كەشە سەمەيدە وسىنداعى جاڭا كوپىردىڭ سول جاعا­لاۋ­ىن­دا «دوستىق» اللەياسى سالتا­نات­تى جاعدايدا اشىلدى. وب­لىستىڭ جەر-جەرىنەن وسى شا­راعا ارنايى شاقىرىلعان ءتۇرلى ۇلت وكىلدەرى, قالا جۇرتشى­لى­عى بەس الاڭعا توپتاستىرىلدى. ءبىرىنشى الاڭعا جينالعاندار سالاماتتى ءومىردى ناسيحاتتاسا, ەكىنشى الاڭداعىلار ۇلتتىق وي­ىن تۇرلەرى بويىنشا ونەر كور­سەتىپ جاتتى. ال كەلەسى الاڭ­داعىلار ەلىمىزدەگى بەيبىتشىلىك پەن ءوزارا كەلىسىمدى بەينەلەدى.وسى جەرگە استاناداعى بەيبىتشىلىك جانە كەلىسىم سارايىنىڭ ماكەتى قويىلدى. قاي الاڭنىڭ بولسىن وزىندىك ءمانى زور بولدى. ولاردىڭ ارقايسىسىن 200-دەن 500-گە دەيىن قالا تۇرعىندارى تاماشالادى. بۇدان كەيىن جاڭادان اشى­لىپ وتىرعان «دوستىق» اللەيا­سى­نا 20 ۇلت وكىلدەرى 20 ءتۇپ اعاش وتىرعىزدى. يگىلىكتى شارا سوڭىندا الگى 20 ۇلت وكىلدەرى قولىنان 20 كوگەرشىن كوگىلدىر اسپانعا شارىقتاپ ۇشتى. فلەش­موبقا قاتىسۋشىلار بولسا, ءبىر مىڭ شاردى بيىككە سامعاتتى. وسى تۇستا اسپاندا «دوستىعىمىزعا – 20 جىل» دەگەن جازۋ پايدا بولدى. سول كۇنى مۇندا «ار-نۇر» دەپ اتالاتىن جاستاردىڭ بيزنەس ورتالىعى دا سالتاناتتى جاع­دايدا اشىلدى. جينال­عان­داردى وسى ورتالىقتىڭ يەسى اسەت دوسقوجانوۆ ءوز ماقسات­تارى­مەن تانىستىردى. ءبىر كەزدە يەسىز قاڭىراپ قالعان ۇلكەن عيماراتتىڭ قاتارعا قوسىلۋى سەمەيلىكتەردى قاي جاعىنان بول­سىن قۋانىشقا بولەدى. شىن­دىعىندا ونىڭ قايتا ءجون­دە­لىپ قاتارعا قوسىلۋى قالا ور­تالىعىنىڭ اجارىن اشا ءتۇستى. ال وسى ەكى شارانىڭ ال­دىن­دا قالاداعى ءبىرىنشى جىلۋ ەنەر­گەتيكالىق ورتالىعىنىڭ جاڭا­دان سالىنىپ جاتقان قازاندىعى ىسكە قوسىلعان ەدى. بۇل دا سەمەيلىكتەر كوپتەن اسى­عا كۇتىپ ءجۇر­گەن ماڭىزدى شارۋا بولاتىن. اتالعان شا­را­لاردىڭ بارىنە دە وبلىس اكىمى بەردىبەك ساپارباەۆ ارنايى كەلىپ قاتىستى. ءتۇس اۋا قالالىق اكىمدىكتە وبلىستىق اكىمدىكتىڭ كوشپەلى ءما­جىلىسى بولىپ ءوتتى. وندا دا سەمەيدى ودان ءارى كوركەيتۋ ماسەلەسى قوز­عالدى. تاۋەلسىزدىك مەرەكەسى قار­ساڭىنداعى مۇنداي شارالاردىڭ  قاجەتتىلىگى ايتپاسا دا تۇسىنىكتى. داۋلەت سەيسەن ۇلى. سەمەي.