«ەلباسىنىڭ سارابدال ساياساتىنىڭ ارقاسىندا قازاقستان دوس¬تىق پەن بىرلىكتىڭ مەكەنىنە اينالىپ قانا قويماي, الەمگە ىرىس پەن ىنتىماقتىڭ ۇلاعاتتى ۇلگىسىن تانىتا الدىق. كەشەگى ستاليندىك قۋعىن-سۇرگىن كەزىندە قيىر شىعىستان كارىستەر, ەدىل بويىنان نەمىستەر, سولتۇستىك كاۆكازدان قاراشاي-بالقارلار, شەشەن-ينگۋشتار, قىرىم تاتارلارى مەن مەسحەت-تۇرىكتەر جەتى جۇرتقا مەكەن بولعان سىر ءوڭىرىن پانالادى. قازاق حالقى ولاردى جاتسىنباي, دارحان كوڭىلىن ءبىلدىرىپ, قۇشاعىن ايقارا اشتى. سىر ەلى ولارعا تۋعان ءۇيى بولا ءبىلدى. قيىندىق اتاۋلىنى جەڭەتىن ءبىر عانا كۇش بار, ول – بىرلىك», دەدى وبلىس اكىمى.
بۇگىن قالادا جالپىحالىقتىق سەرۋەن, ورتالىق الاڭدا ۇلتتىق سپورت تۇرىنەن سايىستار, ءا.تاجىباەۆ اتىنداعى وبلىستىق امبەباپ عىلىمي كىتاپحانادا «قازاقستان – دوستىق مەكەنى» تاقىرىبىندا كىتاپ كورمەسى جانە وبلىستىق تاريحي-ولكەتانۋ مۋزەيىندە «قازاقستان حالقىنىڭ ءشاي ءىشۋ ءداستۇرى» اتتى كورمە ۇيىمداستىرىلدى. «سىر انا» مونۋمەنتىنەن «تاعزىم» الاڭىنا دەيىنگى ارالىقتا وبلىس جاستارىنىڭ «مەنىڭ ەلىم» موتوجارىسى, قالالىق مادەنيەت جانە دەمالىس ساياباعىندا اشىلۋ ماۋسىمى جانە وبلىستىق فيلارمونيانىڭ «سىر سامالى» ۆوكالدى-اسپاپتىق ءانسامبلىنىڭ «دوستىق ءانى» كونتسەرتى ءوتتى.
