ۇلىبريتانيا تاق مۇراگەرى ۇيلەندى

كەشە لوندوندا حانزادا ۋيليام مەن كەيت ميددلتون نەكەلەستى. الەم ەلدەرى كوپشىلىگىنىڭ نازارىن اۋدارعان بۇل وقيعا لوندوننىڭ ۆەستمينستەر ابباتتىعىندا ءجۇ­زەگە استى. سالتاناتقا 1900 ادام قاتىسسا, ەل استاناسى كوشەلەرىنە تۋريستەردى قوسا العاندا, ميلليوننان استام بريتاندىقتار شىقتى. كەيبىر دەرەك كوزدەرى سالتاناتتى ءراسىمدى تەلەديدار ارقىلى دۇنيە ءجۇزى بويىنشا 2 ميللياردتان استام ادام تاماشالاعانىن كولدەنەڭ تارتىپ وتىر. ال ۇيلەنۋ تويىنان كەيىن ۋيليام مەن كەيت كەمبريدج گەرتسوگى جانە گەرتسو­گينياسى اتاندى. بۇل اتاقتى جاس جۇبايلارعا پاتشايىم توڭىرەگى سىيلادى. اتالعان وقيعاعا وراي كىشىگىرىم جانجال دا تۋىندادى. ويتكەنى, ەلدەگى بۇرىنعى پرەمەر-مينيستر توني بلەر سياقتى كەيبىر تانىمال ادامدار سالتاناتقا شاقىرىلماعان بولاتىن. ناتو اۆياتسياسى بەس مارتە سوققى بەردى كەشە ناتو-نىڭ اسكەري-اۋە كۇشتەرى ليۆيا استاناسىنا اۆياتسيادان بەس ءمار­تە سوققى بەردى. تريپولي قالاسىنىڭ ور­تا­لىعىنا ارالارىنا بەس ءمينوت سالىپ زىمى­راندار مەن بومبالار تاس­تال­عان. قالانىڭ اين-زارا اۋدانى بۇ­عان دەيىن دە بىرنەشە مارتە اۋە سوققىسىنا ۇشى­راعان بولاتىن. ليۆيا باسشىسى مۋاممار كاددافيدىڭ ۇكىمەتى اۋە سوققىسىنا بايلانىستى ەشقانداي تۇسىنىك تاراتقان جوق. قازا تاپقاندار مەن قيراعان عيماراتتار تۋرالى دا ەش­قانداي مالىمەت كەلتىرىلمەيدى. جالپى, ليۆيا اۋماعىنا اۋە­دەن سوققىلار بۇۇ قاۋىپسىزدىك كەڭەسى قارار قابىلداعان 17 ناۋرىزدان بەرى جاسالىپ كەلەدى. تورنادودان 300-دەن استام ادام كوز جۇمدى اقش-تا, سوڭعى مالىمەت بويىنشا, تابيعي اپات – تورنادودان 305 ادام قازا بولعان. ادام ءولىمى ەڭ كوپ تىركەلگەن شتات الاباما بولىپ تابىلادى. وندا 204 ادام وپات بولسا, كەم دەگەندە 1700 ادام ءتۇرلى دەڭگەيدە دەنە جاراقاتىن العان. تەننەسسي شتاتىندا – 34, ميسسيسيپيدە – 33, دجوردجيادا – 14, اركانزاستا 12  ادام باقيلىق بولعان. سونداي-اق ۆيرد­جينيا شتاتىندا – 5, ميسسۋريدە – 2, ال كەنتۋككيدە 1 ادام كوز جۇمعان. اقش-تىڭ جاڭا تاريحىندا ەڭ كوپ ادام شىعىنىنا اكەلگەن تورنادو 1974 جىلى تىركەلگەن ەكەن. سول جولى تابيعي اپاتتان 310 ادام ومىرىمەن قوشتاسىپتى. تۋنيس پەن ليۆيا اسكەرى «شەكىسىپ قالدى» ليۆيا ۇكىمەتتىك اسكەرلەرى مەن وپپوزيتسيا كۇشتەرى اراسىنداعى تەكەتىرەس بارىسىندا العاشقىلارى سوڭ­عى­لارىنىڭ ىزىنە ءتۇسىپ قۋعان بولاتىن. قارسىلاستار قىز­دى-قىزدىمەن تۋنيس شەكاراسىنان ءوتىپ, سول ەلدىڭ داحيبۋ قالاسىنا كىرىپ كەتكەن. وزگە ەگەمەن ەلدىڭ شەكاراسىنان اتتاۋ قارسى رەاكتسيا تۋعىزاتىنى تۇسىنىكتى ءجايت. ءسويتىپ, تۋنيس باسشىلىعى ليۆيامەن شەكاراسىنا ءوز اسكەر­لەرىن تارتقان بولاتىن. ارتىنشا ءتۋنيستىڭ ۇكىمەتتىك اسكەرلەرى مەن ليۆيا قارۋلى كۇشتەرى اراسىندا كەسكىلەسكەن ۇرىس ءجۇردى. ەكى جاقتان قانداي شىعىن بار ەكەنى تۋرالى ناقتى مالىمەت جوق. تۋنيس وسى وقيعاعا وراي ليۆياعا نارازىلىق ءبىلدىردى. ليۆيانىڭ رەسمي ادامدارى ازىرشە ءوز ارەكەتتەرىنە ەش تۇسىنىك بەرمەي وتىر. قادىروۆتىڭ جىلدىق تابىسى – 4,2 ملن. چەشەنستان پرەزيدەنتى رامزان قادىروۆ وتكەن جىلى 4,2 ملن. رۋبل تابىس تاۋىپتى. بۇل تۋرالى رەسپۋبليكا ۇكىمەتىنىڭ رەسمي سايتىندا جاريالانعان. قادىروۆ بارلىق اقشاسىن ءوزىنىڭ جۇمىس ورنىندا وتىرىپ تاپ­قان. قوسىمشا تابىسكوزى جوق كورىنەدى. پاتەرىنىڭ اۋماعى 36 شارشى مەتر دەيدى. ال زايىبى بولسا, 210 شارشى مەترلىك پاتەردە تۇرادى ەكەن. رەسمي سايتتا پرەزيدەنت زايىبى مەن بالالارىنىڭ تابىسى تۋرالى ەشتەڭە ايتىل­مايدى. قادىروۆتىڭ جەكە مەنشىك كولىگى دە جوق كورىنەدى. سونى­مەن ءبىر مەزگىلدە, ينتەرنەتتە چەشەنستان باسشىسىنىڭ كولىگى دەپ كورسەتىلگەن بىرنەشە قىمبات ماشينەلەر پايدا بولعان. ءتارتىپ ساقشىلارىنىڭ ءوزى قىلمىسكەر ءۇش بۇرىنعى ميليتسيونەر ماسكەۋدىڭ «ۆنۋ­كوۆو» اۋە­جايىندا داعىستان تۇر­عىن­دارىنان 31 ميلليون رۋبل ۇرلاعانى ءۇشىن باس بوستاندىقتارىنان ايىرىل­دى. ءتۇر­مەگ­ە قامالعان الەكساندر اداموۆ, يگور ۆورونوۆ جانە سەرگەي چەچەل 5 جىل 3 ايدان 7 جىل 9 ايعا دەيىنگى مەرزىمگە تۇرمەگە قامالدى. اتالعان بۇرىنعى ءتارتىپ ساقشىلارى 2008 جىلدىڭ 17 قىركۇيەگىندە تەكسەرۋ ءۇشىن ماحاچكالانىڭ ەكى تۇرعىنىن توقتاتادى. ال ولاردىڭ سومكەلەرىندە 348 ميلليون رۋبل, 1,73 ميلليون دوللار جانە 600 مىڭ ەۋرو بار ەكەن. التىن كورسە پەرىشتە جولدان تايادى دەگەندەي, ميليتسيونەرلەر 31 ميلليون ءرۋبلدى زورلىقپەن تارتىپ الادى. ۇرلىقتارىن جاسىرۋ ءۇشىن قۇجاتتاعى سومانى تومەندەتىپ كورسەتەدى... بەنزين بۇلاي قىمباتتاپ كورگەن ەمەس گەرمانيادا بەنزين قۇنى رەكوردتىق دەڭگەيگە كوتە­رىلدى. بۇرناعى كۇنى 15 مىڭ نەمىس جانارماي قۇيۋ ستان­سالارىندا 95-ءشى بەنزين ورتاشا ەسەپپەن 1,604 ەۋرودان ساتىلدى. ءسويتىپ, گفر-دە 2008 جىلدىڭ شىلدە ايىن­داعى رەكورد «جاڭاردى». سول كەزدە اتالعان ماركالى بەنزيننىڭ ءليترى 1,595 ەۋرودان ساتىلعان ەكەن. بۇل قىمباتتاۋ جاز ماۋسىمىنىڭ كەلۋىمەن تۇسىندىرىلەدى. ەۋروپادا بەنزيننىڭ وسى جولعى ماۋسىمدىق قىمباتتاۋى ورتاشا ەسەپپەن 20 پايىزدى قۇراپ وتىر. بۇعان, سونىمەن قاتار, اقش-تا بەنزين قورىنىڭ ازايۋى قوسىلعان. سونىڭ سالدا­رىنان امەريكالىقتار بەنزيندى ەۋروپا رىنوك­تا­رىنان بەلسەندى ساتىپ الا باستاعان. اتالعان ۇدەرىسكە قىتايداعى بەنزين تۇتىنۋ ءوسىمى دە ءوز ىقپالىن تيگىزۋدە كورىنەدى. قىسقا قايىرىپ ايتقاندا: ەگيپەت باسشىلىعى جاقىن ارادا ادامدار مەن تاۋارلاردىڭ ەركىن قوزعالىسى ءۇشىن رافاح شەكارا وتكەلىن اشاتىنىن حابارلادى. وسىلايشا گازا سەكتورىنداعى توسقاۋىل الىنىپ تاستالاتىن بولدى. مىسىردىڭ وڭتۇستىگىندە بورتىندا جولاۋشىلارى بار پاروم اپاتقا ۇشىرادى. اپات سالدارىنان كەم دەگەندە 43 ادام سۋعا كەتتى. وقيعا ءنىل ارقىلى بەني-سۋەيف پروۆيتسياسىنا بەت العان پارومنىڭ اۋدارىلۋىنان ورىن الدى. ينتەرنەت ماتەريالدارى نەگىزىندە ازىرلەندى.