قايرات ءابدىراحمانوۆ كەزدەسۋدى اشا وتىرىپ: «قازاقستان اقش-پەن كوپقىرلى ستراتەگيالىق ارىپتەستىكتى دامىتۋعا ايرىقشا ماڭىز بەرەدى جانە جاڭا اكىمشىلىكپەن تىعىز ءوزارا ءىس-قيمىل جاساۋعا نيەتتى», - دەدى.
ءوز كەزەگىندە ر. تيللەرسون پرەزيدەنت ن.نازارباەۆتىڭ قۋاتتىلىعى بويىنشا الەمدە 4-ءشى ورىندى الاتىن يادرولىق قارۋدان باس تارتقان تاريحي شەشىمىن ەرەكشە اتاپ كورسەتتى, وسى ارقىلى ونىڭ حالىقارالىق قوعامداستىقپەن دوستىق قاتىناستاردى دامىتۋعا, ساياسي جانە ەكونوميكالىق تۇراقتىلىققا, شەتەلدىك ينۆەستيتسيالاردى تارتۋعا باعىتتالعان كورەگەن تاڭداۋىن دۇنيەجۇزى مويىندادى.
سۇحباتتاسۋشىلار قازاقستاندىق-امەريكالىق ستراتەگيالىق ارىپتەستىكتى ءىس جۇزىندە جۇزەگە اسىرۋ ماسەلەلەرىن, سونداي-اق بۇعان دەيىن نۇرسۇلتان نازارباەۆ پەن دونالد ترامپ اراسىنداعى تەلەفون ارقىلى سۇحبات بارىسىندا ايقىندالعان ساۋدا-ەكونوميكالىق ىنتىماقتاستىقتى كەڭەيتۋ جولدارىن تالقىلادى.
قۇراما شتاتتاردىڭ استانادا وتەتىن «ەكسپو-2017» حالىقارالىق مامانداندىرىلعان كورمەسىنە قاتىسۋى سۇحباتتىڭ جەكە تاقىرىبى بولدى.
حالىقارالىق كۇن تارتىبىنە قاتىستى ونىڭ وزەكتى ماسەلەلەرى بويىنشا, ونىڭ ىشىندە سيرياداعى, اۋعانستانداعى جاعداي, يران يادرولىق باعدارلاماسى مەن كورەيا تۇبەگىندەگى جاعداي بويىنشا قىزىقتى پىكىر الماسۋ بولدى. ق.ءابدىراحمانوۆ قازاقستاننىڭ جاھاندىق جانە وڭىرلىك قاۋىپسىزدىك سالاسىنداعى وتكىر ماسەلەلەردى شەشۋگە سىندارلى تۇردە قاتىسۋعا دايىن ەكەنىن مالىمدەدى.
استانا پروتسەسىنە قاتىستى قازاقستاندىق تاراپ اقش وكىلدەرىنە ۇرىس قيمىلدارىن توقتاتۋ رەجىمىنە بايلانىستى سيرياارالىق رەتتەۋدىڭ وسى باعىتىن قولداۋدى جانە وعان باقىلاۋشى رەتىندە بەلسەندى قاتىسۋدى جالعاستىرۋىن تاباندى تۇردە ۇسىندى.
قازاقستاندىق سىرتقى ساياسي ۆەدومستۆو باسشىسى سۇحباتتاسۋشىعا 29 تامىزدا اەحا-نىڭ قازاقستاندا حالىقارالىق تومەن بايىتىلعان ۋران بانكىن (تبۋب) رەسمي اشىلۋى جوسپارلانىپ وتىرعانىن حابارلادى. اقش ۇكىمەتى مەن «يادرولىق قارۋدى ازايتۋ باعدارلاماسى» قورىنىڭ تبۋب قۇرۋداعى ۇلەسىن ەسكەرە وتىرىپ, امەريكالىق تاراپقا رەسمي سالتاناتقا قاتىسۋ ءۇشىن شاقىرۋ بەرىلدى. جوعارى دەڭگەيدەگى مۇمكىندىكتەر مەن باسقا دا بايلانىستار تالقىلاندى.
كەزدەسۋ سوڭىندا ر. تيللەرسون اراداعى دوستىق پەن جەمىستى قارىم-قاتىناستاردى اتاپ وتە وتىرىپ, پرەزيدەنت ن. نازارباەۆقا ءوزىنىڭ ىزگى تىلەكتەرىن جەتكىزۋدى ءوتىندى.
