فورۋمعا قاتىسۋعا مۇددەلىلىك

ساۋد ارابياسى كورولدىگىندەگى قازاقستان ەلشىلىگىنىڭ حا­بارلاماسىنا قاراعاندا, اتالعان ەلدىڭ وكىلدەرى 4-ءشى استانا ەكونوميكالىق فورۋمىنا جوعارى دەڭگەيدە قاتىساتىن بولادى. بۇل ماسەلە قازاقستان ەلشىسى قايرات لاما ءشاريفتىڭ ساك يندۋستريا جانە ساۋدا ءمينيسترى ابداللا بەن احمەدپەن كەزدەسۋ بارى­سىندا تالقىلانعان. ابداللا بەن احمەد قازاقستاننىڭ ورتالىق ازياداعى جەتەكشى ءرولىن جانە فورۋمنىڭ كورولدىك ءۇشىن ما­ڭىزدىلىعىن ەسكەرە كەلە ەل باس­شىلىعىنىڭ ۇلكەن دەلەگاتسيا جىبەرۋ جونىندە ۇيعارىم جاسا­عان­دىعىن مالىمدەگەن. الدىن-الا جاسالعان كەلىسىم بويىنشا ەلدىڭ بىرقاتار مەملەكەتتىك ورگاندارى مەن دامۋ قورى جانە ءىرى بيزنەس قۇرىلىمدارىنىڭ باسشىلارى ەن­گەن دەلەگاتسيانى يندۋستريا ءجا­نە ساۋدا ءمينيسترى ابداللا بەن احمەدتىڭ ءوزى باستاپ كەلمەك. كەزدەسۋ بارىسىندا مينيستر ەكى ەل اراسىنداعى ساۋدا ەكونو­ميكالىق جانە ينۆەستيتسيالىق ىنتىماقتاس­تىق جاعدايىنا قانا­عات­تانعاندىق ءبىلدىردى. سونىمەن قاتار, ول ەكى ەلدىڭ ۇلكەن الەۋەتىن ءتيىمدى پايدالانۋ ماقساتىندا كوپ سالالى قارىم-قاتىناستار ارنا­سىن ودان ءارى تەرەڭدەتە ءتۇسۋدىڭ قاجەتتىگىن اتاپ كورسەتتى. استانا ەكونوميكالىق فورۋمى مىنە, وسى ىنتىماقتاستىق­تى ودان ءارى دا­مىتۋدىڭ جاقسى ديالوگ الاڭى بولا الار ەدى. قازاقستان ەلشىلىگىنىڭ حا­بار­لاۋىنشا, استانادا وتە­تىن فورۋم اياسىندا ساۋد ارابياسى يندۋستريا جانە ساۋدا ءمينيسترى مەن قازاق­ستان رەسپۋبليكاسى يندۋستريا جانە جاڭا تەحنولو­گيا­لار, كولىك جانە كوم­مۋني­كاتسيالار, اۋىل شا­رۋا­شى­لىعى مينيس­تر­لىك­تەرىنىڭ, سون­داي-اق «سا­مۇرىق-قا­زى­ن­ا» ۇاق-تىڭ ءبىرىنشى باس­شىلارىنىڭ كەز­دەسۋلەرى جوس­­پارلانىپ وتىر. سونى­مەن قاتار, ابداللا بەن احمەد ەكو­نو­ميكالىق ينتەگراتسيا ىستەرى جونىندەگى مينيستر جانار ايتجانوۆامەن دە كەز­دەسىپ, ەلىمىزدىڭ بۇكىل­الەم­دىك ساۋدا ۇيىمىنا ءوتۋ ماسەلەسىن تالقىلاماق. دوكتور ابداللا بەن احمەد قازاقستاننىڭ وسى ماسەلە جونىندەگى تالپى­نىس­تارىنا كورولدىك تا­را­پىنان قولداۋ كورسەتىلە­تىندىگىن مالىمدەگەن. وسىلايشا, تاياۋ شى­عىس ءجا­نە سولتۇستىك افريكا ەلدەرى ارا­سىندا كوشباسشى اتانعان ەل قازاقستانمەن قارىم-قاتىناسقا تۇسۋگە ۇلكەن ىقىلاس تانىتىپ, استانا ەكونوميكالىق فورۋمىنىڭ اياسىندا وتەتىن ءىس-شارالارعا زور ءمان بەرۋدە. سۇڭعات ءالىپباي.