كوكەيكەستى ماسەلەلەر قارالدى

پارلامەنت سەناتىنىڭ دەپۋتاتتارى ەر­مەك جۇماباەۆ پەن عاريفوللا ەسىم جا­قىندا پانامادا اياق­تال­عان پار­لامەنتارالىق وداقتىڭ 124 اس­سام­بلەياسى جۇمىسىنا قاتىستى, دەپ حا­بار­لادى وسى پالاتانىڭ ءباسپاسوز قىزمەتى. الەمدەگى 120 ەلدەن دەلەگات قاتىسقان جي­ىن­دا مىڭجىلدىقتى دامىتۋ ماقساتتارىنا پارلامەنتتىك اسەر ەتۋگە قول جەتكىزۋمەن بىرگە, تابيعات رەسۋرستارىن, اۋىل شارۋاشىلىعى ءون­دى­رىسىن باسقارۋ سالالارىن ورنىقتى دامىتۋ, دەموگرافيالىق ساياساتتى زاڭنامالىق تۇردە بەكىتۋدىڭ ءرولى تۋرالى ماسەلەلەر تالقىلاندى. پىكىرسايىس بارىسىندا دەنساۋلىق ساق­تاۋ­داعى باستامالاردى, ونىڭ ىشىندە ايەلدەر مەن بالالاردىڭ دەنساۋلىعىن قورعاۋ جونىندەگى جاھاندىق ستراتەگيانى جۇزەگە اسىرۋعا پارلامەنتكە ەسەپ بەرۋ ماسەلەلەرىنە نازار اۋدارىلدى. جيىندا سونىمەن قاتار پارلامەنتارالىق وداقتىڭ 2012 جىلى كامپالادا (ۋگاندا) بو­لا­تىن 126 اسسامبلەياسىنىڭ كۇن ءتارتىبى قارالدى. شارا اياسىندا قازاقستاندىق پارلامەنتشىلەر فرانتسيا سەناتى مەن يسپانيا دەپۋ­تات­تارى – ر.پيكچيامەن جانە ل.ەگۋسكيگيررەمەن, پارلامەنتارالىق وداق دەموكراتيا جانە ادام قۇقى جونىندەگى كوميتەتىنىڭ جاۋاپتى حاتشىسى م.گۋنەنگپەن كەزدەستى.