قۇبىر تارتۋعا قارجىلىق قولداۋ قاجەت

جەرگىلىكتى جەرلەر ماسەلەلەرىنىڭ شەشىمى سول وڭىردەن شىققان دەپۋتاتتاردىڭ بەلسەندىلىگىنە بايلانىستى. مۇنداي بەلسەندىلىك ەڭ الدىمەن دەپۋتاتتىق ساۋالداردا كورىنىس تاۋىپ, ولار ۇكىمەتتە, باسقا دا مەملەكەتتىك ورگانداردا تالقىلانىپ جاتادى. سونداي ساۋالداردىڭ ءبىرىن سەناتتىڭ اگرارلىق ماسەلەلەر جانە قورشاعان ورتانى قورعاۋ كوميتەتىنىڭ توراعاسى ب.جىلقىشيەۆ باستاعان, و.راحمەنبەرديەۆ پەن ق.ايتاحانوۆ قۇرامىندا بار ءبىر توپ دەپۋتات پرەمەر-ءمينيستردىڭ اتىنا جولداعان ەدى. دەپۋتاتتىق ساۋالدا وڭتۇستىك قازاقستان وبلىسىنداعى قازى­عۇرت جانە شاردارا اۋداندارى تۋرالى ايتىلادى. اتالعان اۋ­دان­دارداعى ەلدى مەكەندەردە تەمىر جول جۇيەلەرى جۇرگىزىلمەگەن. سو­عان بايلانىستى بۇل اۋداندار حال­قى قىسقى وتىندى ۋاقتىلى الا المايدى ەكەن. كەلتىرىلگەن مالىمەتتەرگە قاراعاندا, ەكى اۋدان حالقىن گازبەن قامتاماسىز ەتۋ ماسەلەسى تۇبەگەيلى شەشىلىپ, ول قازىرگى كۇندە جۇزەگە اسۋدا. وعان قاجەتتى جوبالىق-سمەتالىق قۇ­جات­تار تولىق دايىن بولىپ, قۇ­رىلىس ءتيىستى ورگان تاراپىنان بەكىتىلىپ تە قويىلىپتى. الايدا ەندىگى ماسەلە – سول قۇرىلىس جۇ­مىس­تارىنا قارجى بولگىزۋ. وسىعان وراي سەناتورلار نىساندار قۇ­رى­لىسىنا 2011 جىلى رەسپۋب­لي­كا­لىق بيۋدجەتتى ناقتىلاۋ كەزىندە قارجى بولۋگە ىقپال ەتۋدى سۇرا­عان. وڭتۇستىك قازاقستان وبلىسى­نىڭ اۋداندارىنا گاز قۇبىر­لا­رىن جۇرگىزۋ جوبالارىن قارجى­لاندىرۋعا قاتىستى دەپۋتاتتىق ساۋالعا ۇكىمەت باسشىسى ءتو­مەندەگىشە جاۋاپ بەرىپتى. كارىم ءماسىموۆتىڭ سوزىنەن بەلگىلى بولعانداي, مۇناي جانە گاز مينيسترلىگى وڭتۇستىك قا­زاق­ستان وبلىسى شاردارا اۋدانىن گازداندىرۋ جوبالارى بويىنشا قۇجاتتاردىڭ تولىق پاكەتىن جانە سالالىق ساراپتامانىڭ وڭ قورى­تىندىسىن 2011 جىلعى 8 اقپان­داعى №11-02-459 حاتپەن, كەيىننەن 2011 جىلعا ارنالعان رەسپۋب­لي­كالىق بيۋدجەتتى ناقتىلاۋ كەزىندە قاراستىرۋ ءۇشىن قارجى مينيسترلىگىنە تاپسىرعان. الايدا 2011 جىلعا ارنالعان رەسپۋبليكالىق بيۋدجەتتى ناقتىلاۋ كەزىندە رەس­پۋبليكالىق بيۋدجەت كوميسسياسى وتىرىسىندا قولداۋ تاپپاعان. ەسەسىنە اتالعان وبلىستىڭ قازى­عۇرت اۋدانىن گازداندىرۋ بوي­ىن­شا ينۆەستيتسيالىق جوبا قازىرگى كەزدە قاراستىرىلىپ جاتقانى ايتىلعان. جاۋاپتا مۇناي جانە گاز مينيسترلىگىنىڭ سالالىق سا­راپ­تاماسىنىڭ وڭ قورىتىندىسىن العاننان كەيىن اتالعان جوبا قار­جى مينيسترلىگىنە ۇسىنىلاتىن, 2012-2014 جىلدارعا ارنالعان رەسپۋبليكالىق بيۋدجەتتەن قار­جى­لاندىرىلاتىن بيۋدجەتتىك ين­ۆەس­تيتسيالىق جوبالاردى قالىپ­تاس­تىرۋ كەزىندە قارالاتىنى دا كولدەنەڭ تارتىلىپتى. قالاي بولعان كۇندە اتالعان وبلىسقا قاراستى شاردارا مەن قازىعۇرت اۋداندارىندا تابيعي وتىننىڭ جوقتىعى جانە مۇندا حالىقتىڭ تىعىز شوعىرلانۋى گاز قۇبىر­لارىن تارتۋدىڭ قاجەتتىگىن ءدا­لەل­دەۋدى قاجەت ەتپەسە كەرەك. دەپۋتاتتاردىڭ كوتەرىپ وتىر­عانى دا وسى ماسەلە. سوندىقتان رەسپۋبليكالىق بيۋدجەتتەن قار­جى­لاندىرىلاتىن بيۋدجەتتىك ين­ۆەس­تيتسيالىق جوبالار قۇرامىنا ەنىپ جاتسا, قۇبا قۇپ بولار ەدى. بۇل اتالعان ەكى اۋداننىڭ ءور­كەن­دەۋىنە, تۇرعىندار جاعدايىنىڭ جاق­سارۋىنا مۇمكىندىك تۋعىزار ەدى. اسقار تۇراپباي ۇلى.