كۇلكى قاي قوعامدا دا قارۋ ورنىنا جۇرەدى

ساتيريك, تاتار ۇلتىنىڭ وكىلى عۇمار احمەت­شيننىڭ قوستاناي وڭىرىنە عانا ەمەس, ەلىمىزگە اتى ءمالىم. قازاق ساتيراسىنىڭ قامشىگەرى تەمىربەك قوجاكەەۆتىڭ «تەپكىسىنەن» شىققان ونىڭ «كوزى سىنىق تەبەن», «كوزىلدىرىكتىڭ كەسىرى», «قولدى بول­عان قوراز» جانە «ۇمىتشاقتىق زوبالاڭى» اتتى كىتاپتارى وقىرمان قولىندا ءجۇر. ءۇن­دەمەي ءجۇرىپ كۇلدىرىپ, ب ۇلىنگەندى ءسوز سويى­لى­مەن ءتۇرتىپ تۇزەتىپ جۇرەتىن جازۋشى جەتپىستىڭ جەلكەسىنە مىنسە دە ءالى شىعارماشىلىق تۇ­عىردان تايعان جوق. سوڭعى جىلدارى ساتيريك اعامىزدىڭ ليريكالىق ولەڭدەرى ءباسپاسوز بەتىنەن ءجيى كورىنەتىن بولدى. وقىرماندارمەن بولعان كەزدەسۋدە اۆتور شىعارمالارىمەن قاتار, جالپى ساتيرانىڭ ءبۇ­گىن­گى قوعامداعى ورنى تۋرالى دا ماسەلە كوتەرىلدى. – ساتيرا جانرى قاي ۋاقىتتا دا قوعامداعى جات قىلىقتاردى, دامۋعا كەسەل بولىپ وتىرعان جايلاردى سىناپ-مىنەيدى, ولاردى بولدىرماۋعا تىرىسادى. قاسقىردى دالانىڭ سانيتارى دەسەك, ساتيرانى قوعامنىڭ سانيتارى دەۋ كەرەك. كەڭەس وداعى جىلدارىندا بۇل جانردىڭ بەل­سەن­دىلىگىنىڭ كۇشتى بولعانىن دا ايتا كەتكىم كەلەدى. ول كەزدە گازەت بەتىندەگى فەلەتونعا ىلىككەن باسشىلار تىكەلەي جاۋاپ بەرۋشى ەدى. ال قازىر قوعام باسقا, بىراق ساتيرا ءۇنسىز جاتقان جوق. كۇلكى قارۋ ەكەنىن ءالى كورسەتىپ كەلەدى, – دەدى جازۋشى عۇمار احمەتشين. جازۋشى شىعار­ماشىلىعى تۋرالى ساتيريك كۇلاش بايدالى, اقىن اقىلبەك شاياحمەت, وقىرمان تولەگەن شولانوۆ پىكىرلەرىن ايتتى. عۇمەكەڭ – تاتار مەن قازاققا تەل جازۋشى. سوعىستان كەيىنگى اۋىر جىلدارى اكەسى عاريفوللا اۋليەكول وڭىرىندەگى قازاق اۋىلىنا كوشىپ كەلىپ, بالالارىن قازاق مەكتەبىندە وقىتتى. قىزىل ساياساتتىڭ قىراعى كەزىنىڭ وزىندە اكەسى دە, قازاندا ءدىني مەدرەسەدەن ءبىلىم العان اناسى دا اۋىلدى يماندىلىققا ۇيىتتى. ال قازاق ءتىلىنىڭ كاۋسارىمەن سۋسىنداعان عۇمار بالا جاسى­نان ءسوز ونەرىمەن «اۋىردى». قازىر قازاق ادە­بيە­تىندەگى ساتيرا جانرىنىڭ كورنەكتى وكىلىنە اينالدى. جازۋشى بۇل باقىتىنىڭ قازاق دالاسىنىڭ كيەسىنەن ەكەنىن ءاردايىم ايتىپ وتىرادى. ءنازيرا جارىمبەتوۆا. قوستاناي.