قۇرمەتتى وتانداستار!

قازاقستان حالقى اسسامبلەياسى سىزدەردى ىرىس پەن ىنتىماقتىڭ, بەيبىتشىلىك پەن كەلىسىمنىڭ مەرەكەسى – قازاقستان حالقىنىڭ بىرلىگى كۇنىمەن قۇتتىقتايدى! تاۋەلسىزدىكتىڭ العاشقى كۇن­دە­­رى­نەن باستاپ ەلدى تۇراق­تىلىق پەن بەيبىت دامۋعا باستاعان حا­لىق­تىڭ كەڭدىگى مەن ەلباسى ن.ءا. نازارباەۆتىڭ كە­مەڭ­گەر ساياساتى ەلىمىزدە ەتنوستىق ەرەكشەلىگىنە, الەۋ­مەت­تىك, ءدىني جانە وزگە دە شىعۋ تەگىنە قاراماستان, جاس مەم­لەكەتتىڭ بارشا ازاماتتارىنىڭ ۇيىسۋىنا نەگىز بولدى. بابالار ارمانى شىندىققا اينالىپ, تۇعىرلى تاۋەل­سىز­دىككە قول جەتكىزدىك. ەل بىرلىگىن تۋ ەتىپ,  ەلىمىزدە ءسانتۇرلى ەتنوستىڭ بالاسى ءبىر شاڭىراق استىندا تاتۋ-ءتاتتى ءومىر سۇرۋدە. بۇگىندە قازاقستان حالقىنىڭ بىرلىگى كۇنى مەرەكەسى بەيبىت ءومىر مەن ىنتىماقتا تۇرمىس كەشىپ وتىرعان ەل تۇرعىندارى ءۇشىن ىستىق ىقىلاس پەن دوستىق نيەتتىڭ ءداس­تۇرىنە, جارقىن بولاشاققا دەگەن سەنىمنىڭ باس­تاۋى­نا  جانە كوپشىلىكتىڭ اسىعا كۇتەر شاتتىق مەيرامىنا اي­­نالدى. بۇل كۇن – ءاربىر قازاقستان ازاماتى ءۇشىن وتانعا دەگەن سۇيىسپەنشىلىك سەزىمنىڭ, ازاماتتىق بورىش پەن جالپىۇلتتىق كەلىسىمنىڭ مەرەكەسى. حالىق بىرلىگى مەرەكەسى كۇنى ەل ازاماتتارى ۇلت پەن ۇلىستىڭ وتكەن كە­زەڭ­دەگى تاريحى مەن ونىڭ ساباقتارىن دارىپتەپ, الەم­دىك قوعامداستىق تاراپىنان مويىندالعان ەلىمىزدەگى قوعامدىق كەلىسىم مەن ەتنوسارالىق تولەرانتتىلىقتى پاش ەتەدى. دانا حالقىمىز «كوپتىڭ قولى بىرىكسە, كوككە جەتەدى» دەپ تەگىن ايتپاعان. قازاقستاننىڭ باستى جەتىستىگىنە اينالعان قوعامدىق كەلىسىم ەلدىڭ ناتيجەلى الەۋمەتتىك-ەكونوميكالىق, قوعامدىق-ساياسي دامۋىنىڭ كەپىلىنە جانە نەگىزىنە اينالدى. تاياۋدا ەلىمىزدە وتكەن كەزەكتەن تىس پرەزيدەنتتىك سايلاۋ ەل بىرلىگىن كورسەتىپ, ۇلىستى ۇيىستىرا ءتۇستى. حالقىمىزدىڭ الەم الدىنداعى ابىرويىن تاعى ءبىر اسقاقتاتىپ ءوتتى. ۇستىمىزدەگى جىلى ەلىمىز تاۋەلسىزدىگىنىڭ 20 جىلدىعىن اتاپ وتۋدە. بۇل ايشىقتى كەزەڭ ءبىزدىڭ سارا جول تاڭداپ, بەرىك بەرەكەنىڭ بەلەسىنە بەتتەگەنىمىزدى دالەلدەپ بەردى. ءاربىر ازاماتىن باۋىر ەتى بالاسىنداي باۋىرىنا باسقان ىستىق وتانىمىزدىڭ وركەندەۋىنە جول اشتى. حالقى­مىز­دىڭ اتىن الەمگە ايگىلەپ, مارتەبەسىن ءوسىردى. ەلباسىمىز ن.ءا.نازارباەۆ قازاقستان حالقى اسسام­بلەياسىنىڭ حVII سەسسياسىندا سويلەگەن سوزىندە: «قازاق­­ستان­دى, قازاقتى دوستىقتىڭ كيەلى شاڭى­را­عىنا تە­ڭە­سەك, ءتۇرلى ەتنوستار ونىڭ التىن ارايلى ۋىقتارى ىسپەتتى», دەپ كورسەتتى. سونداي-اق ءوز سوزىندە: «تاتۋ ەلگە تىنىشتىق ورنايدى, بەيبىت ەلدە عانا بەرەكە بولادى», دەپ اتاپ ءوتتى. بارشا ەتنوس ءبىر اتانىڭ بالاسىنداي بەيبىت تۇرىپ جاتقان بايتاق دالانىڭ دارحان مىنەزدى ۇلدارىنىڭ بەرەكە مەن  بىرلىكتى  ەگىز ۇعىمدار دەپ ءتۇسىنۋى ەلدىڭ بولاشاعىن ايقىنداپ تۇر. قۇرمەتتى وتانداستار! بارشاڭىزدى بەيبىت كۇننىڭ مەرەكەسى – بىرلىك كۇنىمەن قۇتتىقتايمىز! تاۋەلسىزدىگىمىز باياندى, مەملەكەتتىگىمىز ماڭگى, ەڭسەلى ەلىمىزدىڭ كەلەشەگى جارقىن بولسىن! قازاقستان حالقى اسسامبلەياسىنىڭ كەڭەسى. استانا قالاسى, 2011 جىل.