جىلدا ەكى ءونىم جيناۋ بالقاشتىقتارعا تاڭسىق ءىس بولماعالى وتىر

ەرتە جەتىلىپ-پىسەتىن كوكونىس تۇرلەرىنەن اۋا رايى قولايسىزداۋ ارقا جەرىندە جىلى وڭىرلەردەگىدەي جاز باسىندا, كۇز اياعىندا قايتالاي ءونىم جيناۋعا بولا  ما؟ بولادى ەكەن. باسقاسىن ايتپاعاندا قامبانى كارتوپ پەن قيارعا ەكى رەت تولتىرۋعا مۇمكىندىك جوق ەمەس ەكەن.بالقاش جاقتاعى « توراڭعى» شارۋا قوجالىعى وسى ماۋسىمدا وعان ايماق بويىنشا العاش قول جەتكىزۋدى ويلاستىرىپ, تۇقىم وتىرعىزىپ تا ۇلگەردى قازىر. وسى ىسكە ۇيىتقى الەكساندر ساموحۆالوۆتىڭ پايىمداۋىنشا, ماۋسىم ايى ورتاسىنا دەيىن ەكەۋى دە ءپىسىپ, ءونىمى جيناۋعا ابدەن بولاتىن  كورىنەدى. سودان سوڭ ىلە جاڭا تۇقىم قايتا ەگىلىپ, كۇز جەمىسى كۇتىلەدى. كۇن قىزۋى جاز بويى جوعارى ءارى سۋلاندىرۋعا جاعداي بارشىلىق توراڭعىلىق اۋلى ماڭىندا بۇرىننان بوس جاتقان القاپتى بەرەكە كوزىنە اينالدىرۋ ماقساتىنا جەتەتىندىگىنە ءۇمىتتى. مۇنداي نيەت جايدان-جاي كەلمەپتى. بالقاش­تىقتاردىڭ ساياجايلارىنداعى باقشا­لارىندا    قيار مەن قىزاناقتى ەكى رەت وسىرەتىندىگى بالا كەزىنەن ەسىندە  بولاتىن. ۇمىتىلىپ كەتكەن بۇل ءتاسىلدى ۇزاق ۋاقىتتان سوڭ قولدانۋدى باستاۋشى ازىرگە ءوزى عانا. ءبىر ءتاۋىرى تالپىنىسىن قولداۋشىلار تابىلىپ تا جاتىر. – بۇل ىسكە تىڭعىلىقتى دايىندالدىق. كوك­ونىس وسىرۋگە شەبەر جاندار كومەگىنە سۇيەنبەكبىز. باستاپقىدا قيىندىق از بولمايتىندىعىن سەزەمىز. قايتكەندە العان  بەتتەن  اينىماۋعا  بەكىنىس بەرىك,– دەيدى الەكساندر الەكسەەۆيچ. ساتىنە وراي ودان ارىدەگى ويى دا وسال ەمەس. جاز پەن كۇزدە جينالعان ونىمدەردى دەرەۋ وڭدەيتىن شاعىن كاسىپورىن قۇرۋ كوزدەلۋدە. كارتوپ ساقتاۋ قويماسى سالىنسا, قيار تۇزدالعان دايىن كۇيىندە وتكىزىلەدى. راس,  ساموحۆالوۆتىڭ تالابىنا كۇماندانا قاراۋ­شىلار جوق ەمەس. ول الدىمەن سونى سەيىلتكىسى كەلەدى. ورتالىق قازاقستان ايماعىندا ءبىر جىلدا قا­تا­ىنان ەكى رەت ءونىم الۋعا بولا­تىن­دىعىن دالەلدەۋگە قۇشتار. ال ونىڭ وعان قابىلەتى  جەتەتىن سىڭايلى. ايقىن نەسىپباي. قاراعاندى وبلىسى.