تۇرمىستا سەرىك, ىستە كومەكشى

بۇگىندە ايشىلىق جەرلەرگە قولما-قول داۋىس جالعاستىرعان تەلەفون بايلانىسى قىز­مەتىنىڭ قاي ءتۇرى بولسىن ەشكىمگە تاڭسىق ەمەس. ۇشى-قيىرسىز ولكەمىزدىڭ قيان تۇكپىرىندەگى اۋىل تۇرعىندارى ءاپ-ساتتە قالاعان مەكەندەردەگى تۋعان-تۋىسقان­دارى­مەن, تامىر-تانىستارى­مەن تىلدەسىپ جاتادى. مۇنى بىلاي قويعاندا بۇل بايلانىستىڭ جىلدان-جىلعا جەتىلدىرىلىپ, جاقسارا ءتۇسۋى ساندىق تا, ساپالىق جاعىنان دا تانىعىسىز وزگەرىستەرگە وركەن جايدى­رىپ كەلە جاتقاندىعى جانە ءمالىم.سونىڭ جارقىن ايعاعى قاراعاندى ايماعىنان ايقىن اڭعارىلىپ كەلەدى. جاقىندا وبلىستىق تەلەكوممۋنيكاتسيا دي­رەك­تسياسى تانىستىرۋىنان بىلگەنىمىزدەي, ءوز بۋىن­دارىندا اتقارىلىپ وتىرعان ىستەر اۋىز تول­تىرىپ ايتارلىقتاي ەكەن. وسى ورايدا اقتوعاي, شەت اۋ­دان­دارىنداعى اۋىلدىق ەلدى مەكەن­دەردە راديو­قول­جەتكىزۋ تەحنولوگياسى بو­يىنشا تەلە­فون­دان­دىرۋ­دىڭ 3 كەزەڭدى جوبا­سىن ىسكە اسىرۋ­دىڭ شىعا­رىلعان قورىتىندىسى ءبىراز جايدى العا تارتادى. الدىمەن  اقتوعاي وڭىرىندە بارلىق 36 شا­عىن ەلدى مەكەن تولىق تەلەفوند­اندىرىل­عانى­نا توقتالىپ وتۋگە بولادى.اۋدان اۋماعىندا 15 اۆتوماتتى تەلەفون ستانساسى ورناتىلعان, ونىڭ 6-ۋى ساندىق جانە 9-ى انالوگتىق سانالادى. اۋدان ورتالىعىندا بيىلعى جىل باسىندا  660 نومىرلىك WLL CDMA ءبىر بازالىق ستانسا  جۇ­­مىس ىستەۋگە كىرىستى.  1 ساۋىردەن باستاپ وعان 475 ابونەنت قوسىلدى. ال ونىمەن كورشىلەس شەت اۋدانىنداعى 61 ەلدى مەكەننىڭ ءبارى تەلەفون بايلانىسى قىز­مەتىمەن قامتاماسىز ەتىلگەن. اتالعان ايماق­تاعى 19 اۆتوماتتى تەلەفون ستانساسىنىڭ 13-ءى ساندىق, 6-ۋى انالوگتىق  بولىپ تابىلادى. جاقىندا اقسۋ-ايۋلى كەنتىندە 660 نومىرگە ەسەپتەلگەن  WLL CDMA بازالىق ستانسا ورنا­تىلىپ, وعان 592 ابونەنت جالعاستىرىلدى. جالپى  العاندا  «2008 جىلدان WLL CDMA – 450 تەحنولوگياسىن قولدانۋ ارقىلى تەلەكوم­مۋ­نيكاتسيانىڭ اۋىلدىق بايلانىسى جۇيەسىن دامىتۋ جانە مودەرنيزاتسيالاۋ»  سەرپىندى جوبا­سىن ىسكە اسىرۋ  اياسىندا وسى ۋاقىتقا شەيىن قاراعاندى وبلىسىندا  قۇ­را­مالى سىيىمدىلىعى 11.163 ءنومىرلى, سونىڭ ىشىندە  قالالىق تەلەكوممۋنيكاتسيا جۇيەسىندە 800, سەلودا 10.363 ءنومىرلى 16 بازا­لىق ستانسا ورناتىلدى. مۇنداي ىستەر الداعى ۋاقىتتا جالعاسا بەرەدى. قاراعاندى وبلىستىق تەلەكوممۋنيكاتسيالار ديرەك­تسيا­سىنىڭ باس ديرەكتورى  بورانباي امانوۆ  «جو­عارىدا  اتالعان جوبانى ىسكە اسىرۋدىڭ  بيىل 3 كە­زەڭدىگىن ورىنداپ شىعۋ جوسپارلانىپ وتىر. ديرەكتسيا جۇمىسىن دامىتۋ باع­دارلاماسىنا سايكەس   سىم­سىز راديوقولجەتكىزۋ تەح­نو­لوگياسىن قولدانۋ ار­قىلى  اۋىلدىق تەلەفون جۇيەلەرىن دامىتۋ مەن مودەرنيزاتسيالاۋ 2013 جىلعا دەيىن جالعاس­تىرىلادى. اتاپ ايتقاندا, اباي, اقتوعاي, قار­قارالى, شەت, جاڭاارقا اۋداندارىندا سونىمەن بىرگە شاحتينسك, ساران جانە جەزقازعان قالالارىندا WLL CDMA 450 12 بازالىق ستانساسىن ورناتۋ  جوسپارلانعان. اۋىلدىق تەلەكوممۋنيكاتسيالار جۇيەسى سىيىمدىلىعىن 7133 نومىرگە ۇلعايتۋ كوزدەلۋدە, – دەپ ورتاعا سالعانداي بۇل باعىتتاعى جۇمىس اۋقىمى كەڭ.جەرگىلىكتى  بايلانىسشىلاردىڭ  تۇتىنۋشى­لارعا ۋاقىت تالاپ-تالعامىنا ساي قىزمەت كورسەتۋ جولىندا ءىس-ىزدەنىستەردى تەرەڭدەتىپ, العا تارتۋى اردايىمعى ماقساتى. ايتا كەتۋ كەرەك, CDMA (Code Division Multiple Access) ستاندارتىنىڭ ەرەكشەلىگى سول, ساندىق بولىپ تابىلادى, 450 مگتس دياپا­زو­نىن­داعى جيىلىك تولقىنىن قولدانادى.   CDMA 450  بازالىق ستانسالارىنىڭ  اۋىلدىق جەرلەردەگى كوم­كەرۋ ايماعى 25-35 شاقىرىمدى قۇراي­دى. جالعىز ستانسا 1000 ابونەنتكە قىزمەت ەتە الادى. جوبانىڭ سەرپىندى سيپاتتى سەبەبى,   WLL CDMA-450 جوباسى  شىعىندىق, ورىندالۋ , سونداي-اق پايدالانۋ كەلەشەگى جاعىن ەسكەرگەندە   اۋىل ءۇشىن  اناعۇرلىم ءتيىمدى سانالادى. ال ەلىمىز بويىنشا جوبانىڭ ىسكە اسىرىلۋى كەزىنەن  باستاپ 420-دان استام بازالىق ستانسا ور­نا­تىلدى. بۇگىندە CDMA-450 جۇيەسى  قازا­ق­ستاننىڭ بارلىق اۋماعىندا ورنىققان جانە 4750 اۋىلدىق ەلدى مەكەندى قامتيدى. تەلەفون بايلانىسى قىزمەتىندەگى جاڭا ءۇر­دىس­تەردىڭ ەل ءىشى ورتاسىنا قانداي وزگەرىستەر ەنگىزىپ جاتۋىمەن اقتوعاي, شەت اۋداندارىنداعى الىس   اۋىلداردا بولۋ ارقىلى  تانىسقان بۇ­قارا­لىق اقپارات وكىلدەرى تۇرعىلىقتى جۇرتتان بۇل ىسكە دەگەن ريزاشىلىق پىكىرلەردى ءجيى ەستىدى. سولار­دىڭ ءبىرى قىرداعى  قىراتتار ەتەگىندەگى قىستاقتا تۇراتىن فەرمەر ءارى بەلگىلى ساياتشى تىلەۋقابىل ەسەنبەكوۆتىڭ   ءوزىمىزدى بىلاي قوي­عان­­دا سىرت جەرلەرمەن دە ەركىن سويلەسە بەرۋگە مۇمكىندىك كەڭدىگىنە العىسى شەكسىز. ونىڭ پايداسى اسىرەسە, ىسكەر ادامدارعا اسا ۇلكەن ەكەنىن ايتادى ول. قاشاندا ۇلگىلى ىستەرگە باستاماشى, ءوز جۇ­مىس سالاسىندا تۇتىنۋشىلارعا بارشا جاقسى­لىق­تى سىيلاۋعا قۇشتار «قازاقتەلەكومنىڭ» ايماقتاعى بولىمشەسىندەگى ىستەردىڭ بۇل ءبىر پاراسى عانا. ەل تاريحىنداعى ايتۋلى مەرەكەگە سۇبەلى ۇلەس قوسۋدى مۇرات ەتكەن قاراعاندىلىق بايلانىسشىلار تاۋەلسىزدىكتىڭ 20 جىلدىعىنا دەيىن ءالى تالاي جەتىستىكتەرمەن قۋانتا بەرمەك. ايقىن  نەسىپباي. قاراعاندى.