«ەلەكتر قۋاتى – تابيعي قوردالاناتىن مۇناي دا ەمەس, گاز دا ەمەس»

دۇيسەنبى كۇنى ەلىمىزدىڭ عانا ەمەس, بۇكىل ورتالىق ازيانىڭ ەلەكتر ەنەر­گەتي­كاسى سالاسىندا كەزەكتى ايتۋلى وقيعا ورىن الدى. يسلام ينفرا­قۇرى­لىمدىق قورى جاي اكتسيالارعا جازىلۋ جولىمەن «ورتالىق ازيا ەلەكتر ەنەرگەتيكالىق كورپوراتسياسى» اق كاپي­تالىنا ەنىپ وتىر. ەندىگى جەردە يق كومپانيانىڭ جارعىلىق قورىنا 50 ميلليون اقش دوللارىن ينۆەستيتسيالايدى. جۋىردا عانا ورتالىق ازيا ەلەكتر ەنەرگەتيكالىق كورپورا­تسيا­سى ەۋروپالىق قايتا قۇرۋ ءجا­نە دامۋ بانكىمەن قوماقتى زاەم كەلىسىمىنە قول قويعانىن ەسكەرسەك, بۇل واەك ومىرىندەگى ەكىنشى ەلەۋلى وقيعا. وسى ارادا يسلام ينفرا­قۇرى­لىمدىق قورى يسلام دامۋ بانكى مەن ازيالىق دامۋ بانكىنىڭ بىرلەسكەن قورى بولىپ تابىلادى. سينگاپۋردە شتاب-پاتەرى بار Capi­tal Advisors Partners Asia (بۇ­دان ءارى – CapAsia) جەكە كومپانياسى قوردىڭ باسقارۋشى كومپانياسى ەكەندىگىنى ەسكە سالا كەتكەن ءجون. ال, واەك – قازاقستانداعى اسا ءىرى, جەكە تىكەلەي ينتەگراتسيا­لانعان, ەلدىڭ ەلەكتر قۋاتىنىڭ 7 پايىزىنان ارتىعىن وندىرەتىن ەنەرگەتيكالىق كومپانيا. سونىمەن جاڭا قاراجات كوزى كومپانيانىڭ ۋاكىلەتتى مەملەكەتتىك ورگانداردىڭ كەلىسىمىمەن ءازىر­لەن­گەن جانە ماقۇلدانعان ينۆەس­تي­تسيالىق باعادارلاماسىن جۇزەگە اسىرۋعا جۇمسالماق. قىسقاسى, بۇل كاپيتال – پاۆلودار جانە سول­تۇستىك قازاقستان وبلىستا­رىن­داعى گەنەراتسيالاۋشى اكتيۆتەرى­نىڭ قۋا­تىن ارتتىرۋعا, ءوندىرىستىڭ ەكو­لوگيالىق كورسەتكىشتەرىن جاق­سارتۋعا, قالدىقتاردى قايتا ءوڭ­دەۋ, جىلۋ مەن ەلەكتر قۋاتىن جوعال­تۋدى ازايتۋ ماقساتىندا جەلىلىك اكتيۆتەردى قايتا قۇرۋ مەن ج­ە­تىل­دىرۋگە باعىتتالاتىن بولادى. ماڭىزدى وقيعاعا وراي وتكەن ءباسپاسوز ءماسليحاتىندا واەك ديرەكتورلار كەڭەسىنىڭ توراعاسى الەكساندر كلەبانوۆ: – يسلام ينفراقۇرىلىمدىق قو­رى­نىڭ  «ورتالىق ازيا ەلەكتر ەنەرگەتيكالىق كورپوراتسياسىنىڭ كاپيتالىنا ەنۋى  كۇللى قازاق­ستان­نىڭ ەنەرگەتيكا سالاسى ءۇشىن ماڭى­زى زور ۇلكەن وقيعا. بۇل كەلىسىم ەنەرگەتيكا سالاسىنداعى كوممۋنال­دىق كاسىپورىنداردىڭ جۇمىسىنىڭ اشىقتىعىن كورسەتەدى. ول جەكە ينۆەستورلار ءۇشىن دە, ءىرى حالىقارالىق دامۋ ينستيتۋتتارى ءۇشىن دە ينۆەس­تيتسيالىق تارتىمدى سالا بولىپ كەلە جاتقانىنىڭ دالەلى, – دەدى. اقيقاتىندا, يسلام ينفرا­قۇ­رى­لىمدىق قورىنىڭ واەك كاپي­تالىنا كىرۋى تەك كومپانيا ءۇشىن عانا ەمەس, تۇتاس ەلدىڭ ەلەكتر ەنەر­گەتي­كالىق سالاسى ءۇشىن اسا ماڭىز­دى. بۇل مامىلە قازاقستاننىڭ ەلەكتر ەنەر­گەتيكاسىنىڭ جەكە ين­ۆەس­تورلارى ءۇشىن دە, ءىرى حالىق­ارالىق دامۋ ينس­تيتۋتتارى ءۇشىن دە ينۆەستيتسيالىق تارتىمدى سالا بولىپ كەلە جاتقان­دىعىنىڭ دالەلى بولسا كەرەك. ءباسپاسوز ءماسليحاتىندا جۋرنا­ليس­­تەر­دىڭ قويعان ساۋالدارىنا وراي, Cap­Asia پرەزيدەنتى دوكتور يوگانن باستين: – بۇل ءبىزدىڭ ورتالىق ازياداعى العاشقى ينۆەستيتسيامىز. ءبىز ورتا­لىق ازياداعى ءىرى جەكە ەلەكتر ەنەر­گەتي­كالىق كومپانياسىمەن جانە باس ين­ۆەس­تورلارى بولىپ تابىلا­تىن ەۋ­رو­پالىق قايتا قۇرۋ جانە دامۋ بانكىمەن سەرىكتەس بولعانى­مىزعا قۋا­نىش­تىمىز. واەك كوم­پانياسى ءوزى­نىڭ ۇتىمدى مەنەدجمەنتىمەن, كورپوراتيۆتىك مادە­نيەتى­مەن جانە بەدەلىمەن باۋرادى. ءبىز كومپانيانىڭ پاي­دالانۋشى سيپاتتا­مالارىن جاقسار­تۋعا, قۋاتتى پايدالانۋ تيىمدىلىگىن ارتتىرۋعا جانە زيان­دى قالدىق­تاردى ازايتۋعا باعىت­تالعان ۇتىم­دى ينۆەستيتسيالىق باع­دار­لاماسىن قولداۋعا دايىنبىز. ءبىز قازاق­ستان­دى ۇكىمەتتىڭ ەلدىڭ ينفرا­قۇرىلى­مىن ودان ءارى دامىتۋدى جانە قارجىلاندىرۋدى قامتاماسىز ەتۋگە جەكە سەكتورلاردى تارتۋ امالىن ۇستانعاندىعىنان يق ءۇشىن نەگىزگى نارىق دەپ تانيمىز, – دەدى. كەلەسى قىرىنان قاراعاندا, يسلام ينفراقۇرىلىمدىق قورىنىڭ «ورتالىق ازيا ەلەكتر ەنەرگەتيكا­لىق» اق كاپيتالىنا كىرۋىن زاڭدى­لىق دەپ تە قاراۋ كەرەك. بۇل كەلى­سىم­دەردىڭ بارىنە قازاقستاندىق كومپانيا وڭايلىقپەن قول جەتكىزىپ وتىر­عان جوق. بۇل ەلباسى مەن ۇكى­مەتتىڭ جۇرگىزگەن ەكونوميكالىق سايا­ساتىنىڭ كەزەكتى تابىستى كورى­نىسى. ماسەلەن, 2009 جىلى مەملەكەتىمىز «ءتاريفتى ينۆەستيتسياعا ايىر­باستاۋ» تەتىگىن ىسكە قوسقانىن بىلەمىز. «ەلەكتر قۋاتى – تابيعي تۇردە ءوز­دىگىنەن قوردالاناتىن مۇناي دا ەمەس, گاز دا ەمەس» دەپ الەكساندر كلە­بانوۆ مىرزا العا تارتقانداي, ور­­تالىق ازيانى ايتپاعاننىڭ ءوزىن­­دە, تمد ەلدەرىنىڭ بارىندە دەرلىك ەلەكتر نىساندارىنىڭ توزۋى ەرتەدەن كەلە جاتقان كوكەيكەستى ماسە­لە­نىڭ ءبىرى. ولار­دىڭ كەيبىرى ينۆەستيتسيالانسا, كەيبىرىنە ءالى قاراجات تار­تىل­ما­عان. الايدا وسىنىڭ ءبارى­نە قاراماي, ەلەكتر قۋاتى  قىمبات­تاعان جوق, تاريف تۇراقتى بولعا­نىن تۇتى­نۋشى­لار بىلەدى. ايناش ەسالي. الماتى.