ءوزارا ارەكەتتەستىك كورىنىسى

جاقىندا دوحا قالاسىندا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قايرات وماروۆتىڭ كاتار مەملەكەتى سىرتقى ىستەر ءمينيسترىنىڭ ورىنباسارى مۇحامەد ابداللا م. ءال-رۋمەيحيمەن كەزدەسۋى ءوتتى, دەپ حابارلادى قر ءسىم-ءىنىڭ ءباسپاسوز قىزمەتى. كەزدەسۋ بارىسىندا كازاقستان­دىق ديپلومات ءوزىنىڭ ارىپتەسىنە الداعى 28-30 ماۋسىم كۇندەرى استانا قالاسىندا وتەتىن يسلام كونفەرەنتسياسى ۇيىمى سىرتقى ىستەر مينيسترلەرى كەڭەسىنىڭ 38-ءشى سەسسياسىنا قاتىسۋعا كاتار پرەمەر-ءمينيسترى – سىرتقى ىستەر ءمينيسترى شەيح حاماد بەن دجاسيم بەن دجابەر ءال تانيگە ارنالعان شاقىرۋى بار قازاقستان سىرتقى ىستەر ءمينيسترى ەرجان قازىحانوۆتىڭ ارنايى حاتىن تا­بىستادى. م.ءال-رۋمەيحي قازاقستاندا تاۋەلسىزدىكتىڭ سوڭعى 20 جى­لىن­دا قول جەتكىزىلگەن وڭ وزگە­رىس­تەردى اتاپ ءوتىپ, پرەزيدەنت ن.نازار­باەۆ­تىڭ دامىعان مەملەكەت قۇرۋ قابىلەتىن جوعارى باعالادى. حالىقارالىق كۇن ءتار­تى­بىندەگى وزەكتى ماسەلەلەر بو­يىن­شا ىنتى­ماقتاستىقتى ودان ءارى دامىتۋدىڭ زور الەۋەتىن بىلدىرە وتىرىپ, كاتارلىق تاراپ قازاقستانمەن ەكونوميكالىق, گۋ­مانيتارلىق سالالاردا, ونىڭ ىشىندە, كونفەس­سياارالىق ۇنقا­تىسۋدى ودان ءارى دامىتۋ باعى­تىندا ءوزارا ارەكەت­تەسۋدى تەرەڭ­دەتە تۇسۋگە ىقىلاستى ەكەندىگىن ءبىلدىردى. كەزدەسۋ بارىسىندا ق.وماروۆ سۇحباتتاسىنا قازاقستانىڭ يكۇ سىرتقى ىستەر مينيسترلەرى كەڭە­سىن­دەگى توراعالىعى كەزىندەگى قىز­مەتىنىڭ باسىمدىقتارى تۋرا­لى, سونىمەن قاتار, سول كەزەڭدەگى ەلىمىزدە وتكىزىلۋى جوس­پارلانعان شارالار جونىندە ءاڭ­گى­مەلەپ بەردى. جوعارى لاۋازىمدى ديپلومات كاتارلىق تاراپتىڭ قازاقستاننىڭ يكۇ-داعى توراعالىعىنا بارىن­شا قولداۋ كورسەتەتىندىگىن ايتىپ, وسى ءبىر جاۋاپتى ىستە ساتتىلىك تىلەدى.