ءىV استانا ەكونوميكالىق فورۋمى: يننوۆاتسيالىق كونگرەسس – ينتەگراتسيالىق ماسەلەلەردىڭ شەشىمى

استانا ەكونوميكالىق فورۋمى اياسىندا ءتورت جىل بويى وتكىزىلىپ كەلە جاتقان ءداستۇرلى يننوۆا­تسيا­لىق كونگرەسس بيىل دا وتەتىن بولىپ جوسپارلاندى. يننوۆاتسيالىق كونگرەسس جانە «يننوۆاتسيا مەن ينۆەستيتسيا» تا­قى­رىبىنداعى كورمە استانا ەكو­نو­ميكالىق فورۋمىنىڭ اياسىندا 3-4 مامىردا وتپەك. فورۋمنىڭ پلە­نارلىق وتىرىسىندا قازاق­ستان پرەزيدەنتى نۇرسۇلتان نازارباەۆ, بۇۇ باس حاتشىسىنىڭ ورىنباسارى يان كۋبيش, نوبەل سىيلىعىنىڭ يەگەرلەرى روبەرت ماندەلل, دجون نەش, رودجەر كرو­نبەرگ, دجەيمس ميررليس, فينن كيلەند قاتىسادى دەپ كۇ­تىلۋدە. مۇنداي ايتۋلى جيىنعا اتاعى جەر جارعان ەكونوميستەر مەن نوبەل سىيلىعىنىڭ يەگەر­لەرىنىڭ قاتىسۋى يننوۆاتسيالىق كونگرەستىڭ ماڭىزدىلىعىن اي­قىن­داي تۇسپەك. بۇل ەلىمىزدىڭ ەكو­نوميكالىق دامۋ باعىتىن اي­قىن­داپ, ينۆەستيتسيالىق ساياساتتىڭ كەمەلدەنە تۇسۋىنە جول اشادى. سونىمەن بىرگە, فورۋم اياسىندا «Astana Invest 2011» تاقى­رى­بىندا ينۆەستيتسيالىق فورۋم جانە باسەكەلەستىك ماسەلەسى ءجو­نىندە سەمينار وتكىزىلۋ دە جوس­پارلانىپ وتىر. كاسىپكەرلەر مەن ونەركاسىپشىلەر ساۋدا-ەكو­نومي­كا­لىق بايلانىس سالاسىنداعى قا­رىم-قاتىناستىڭ كەڭەيۋى جانە ەۋرازيا كەڭىستىگىندە ءوزارا ءتيىمدى ينۆەستيتسيالىق كليماتتىڭ ور­نا­ۋى, سونداي-اق, ەكونوميكانى دا­مىتۋ ماقساتىندا ءوزارا قارىم-قا­تىناس ماسەلەلەرىن تالقىعا سالماق. يننوۆاتسيالىق كونگرەستىڭ باع­دارلاماسىندا مەملەكەتارا­لىق سايا­سات, ينتەگراتسيالىق ۇدەرىس جانە حالىقارالىق يننوۆاتسيالىق بىرلەسكەن شارالار تەتىگى تال­قى­لاناتىن پلەنارلىق وتىرىس تا كوزدەلگەن. بۇندا نەگىزگى ماقسات ين­تەگراتسيالىق مۇمكىندىكتەردىڭ جاڭا باعىتتارىن ىزدەستىرۋ بولىپ وتىر. كونگرەسكە 300-دەن استام حا­لىقارالىق جانە قازاقستان سا­راپ­شىلارى, شەنەۋنىكتەر مەن ۇلت­تىق كومپانيا وكىلدەرى قاتى­سادى. كونگرەسس اياسىندا نوبەل سىيلىعىنىڭ لاۋرەاتى, سكولكوۆا عىلىمي-تەحنيكالىق كەڭەسىنىڭ تەڭ توراعاسى رودجەر كرونبەرگ «ۇلتتىق يننوۆاتسيا جۇيەلەرىنىڭ ينتەگراتسياسى» تاقىرىبىندا بايانداما جاسايدى. «ۇلتتىق يننوۆاتسيالىق قور» اق پەن حالىقارالىق يننوۆاتسيا­لىق ينستيتۋتتار اراسىندا كەلىس­سوزدەر مەن مەموراندۋمدارعا قول قويۋ, بىرلەسكەن جوبالاردى ءجۇ­زەگە اسىرۋ ماقساتىندا يندۋس­تريالىق-يننوۆاتسيالىق جوبالار كورمەسى وتكىزىلمەك. كونگرەسس بارىسىندا جاھان­دىق جانە ايماقتىق ينتەگراتسيا ماسەلەلەرى بويىنشا سەسسيا وتكىزىلمەك. ونىڭ باستى ماقساتى – جاڭا ينتەگراتسيالىق شەشىمدەر مەن مەملەكەتتەردىڭ باسەكەلەس­تىك­كە قابىلەتتى جەتەكشى بولۋ ءمۇم­كىندىكتەرىن قاراستىرۋ, سون­داي-اق, قىتاي, رەسەي جانە ور­تالىق ازيا ەلدەرىمەن ساۋدا-ەكونوميكالىق قارىم-قاتىناستى نىعايتۋ. بىلتىر وسى كونگرەسس اياسىندا رەسەي, بەلارۋس, پولشا, چەحيا, شۆەيتساريا, ۋكراينا, ەستونيا, اۆستريا, ءازىربايجاننان كەلگەن بيزنەسمەندەر دەلەگاتسياسى مەن باسقا دا مەملەكەتتەر وكىلدەرى ءوزارا تاجىريبە الماسىپ, ەكو­نو­ميكالىق پروبلەمالاردى شەشۋ­دىڭ جولدارىن قاراستىرعان ەدى. اشىق اڭگىمە بارىسىندا داع­دا­رىستان كەيىنگى كەزەڭدە جەكە بيزنەستى ەۋروپا مەن ازيا مەملەكەتتەرى اراسىندا ءوزارا دامىتۋ قا­رىم-قاتىناسى تالقىلاندى. بي­ىل­عى ماقسات تا سول بولماق. فورۋم اياسىندا ءىرى قازاق­ستاندىق كومپانيالار مەن شەتەل كومپانيالارى اراسىندا كەلىس­سوز­دەر مەن مەموراندۋمدارعا قول قويۋ, ينفراقۇرىلىمدار مەن بانك سەكتورىنا ينۆەستيتسيا تارتۋ كوزدەلىپ وتىر. بىلتىرعى فورۋم ناتيجەسى بويىنشا, ءوزارا ءىس-قي­مىل جونىندەگى كەلىسىمدەر مەن مەموراندۋمعا, ەۋروپا ينۆەستي­تسيا­لىق بانكىمەن قۇنى 1,5 ميلليارد دوللار تۇراتىن ينۆەس­تي­تسيالىق جوبالاردى قارجىلان­دى­رۋ جايىنداعى كەلىسىم-شارتقا قول جەتكىزىلگەن بولاتىن. س.الماسوۆ.