قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ بۇيرىعى №110

2011 جىلعى 3 ناۋرىز, استانا قالاسى تاسىمالداۋ پروتسەسىنە قاتىسۋشىلاردىڭ ءوزارا تەحنولوگيالىق ءىس-قيمىل جاساۋ قاعيداسىن بەكىتۋ تۋرالى «تەمىر جول كولىگى تۋرالى» قازاقستان رەسپۋبليكاسىنىڭ 2001 جىلعى 8 جەلتوقسانداعى زاڭىنىڭ 14-بابى 2-تارماعىنىڭ 4) تارماقشاسىنا سايكەس بۇيىرامىن: 1. قوسا بەرىلىپ وتىرعان تاسىمالداۋ پروتسەسىنە قاتىسۋشىلاردىڭ تەحنولوگيالىق ءوزارا ءىس-قيمىل جاساۋ قاعيداسى بەكىتىلسىن. 2. قازاقستان رەسپۋبليكاسىنىڭ كولىك جانە كوممۋنيكاتسيا مينيسترلىگىنىڭ كولىك جانە قاتىناس جولدارى كوميتەتى (ن.ي.قيلىباي) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىنە مەملەكەتتىك تىركەۋ ءۇشىن ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ جاۋاپتى حاتشىسى ج.م.قاسىمبەككە جۇكتەلسىن. 4. وسى بۇيرىق العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ءمينيستردىڭ مىندەتىن اتقارۋشى ە.دۇيسەنباەۆ. قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2011 جىلعى 3 ناۋرىز № 110 بۇيرىعىمەن بەكىتىلگەن تاسىمالداۋ پروتسەسىنە قاتىسۋشىلاردىڭ ءوزارا تەحنولوگيالىق ءىس-قيمىل جاساۋ قاعيداسى 1. جالپى ەرەجەلەر 1. وسى تاسىمالداۋ پروتسەسىنە قاتىسۋشىلاردىڭ ءوزارا تەحنولوگيالىق ءىس-قيمىل جاساۋ قاعيداسى (بۇ­دان ءارى – قاعيدا) «تەمىرجول كولىگى تۋرالى» قازاق­ستان رەسپۋبليكاسىنىڭ 2001 جىلعى 8 جەلتوقسانداعى زاڭىنا (بۇدان ءارى – زاڭ) سايكەس ازىرلەنگەن, تەمىرجول بويىنشا قوزعالىس قاۋىپسىزدىگىن جانە تاسىمالداۋشى جۇكتەر مەن جىلجىمالى قۇرامنىڭ ساقتالۋىن بۇل­جىتپاي قامتاماسىز ەتۋ كەزىندە تاسىمالداۋعا سۇرا­نىستى تولىعىمەن قامتاماسىز ەتۋ ماقساتىندا تەمىر جول كولىگى سالاسىندا قىزمەتتى جۇزەگە اسىراتىن تا­سى­مالداۋ پروتسەسىنە قاتىسۋشىلاردىڭ ءوزارا تەح­نو­لوگيالىق ءىس-قيمىل جاساۋ مۇمكىندىگىن ايقىندايدى. 2. تاسىمالداۋ پروتسەسىنە قاتىسۋشىلاردىڭ (بۇدان ءارى – تپق) تەحنولوگيالىق ءىس-قيمىل جاساۋىن (بۇدان ءارى – ءىس-قيمىل جاساۋ) جولاۋشىلاردى, جۇكتەردى, جۇك با­گاجدى, باگاجدى جانە پوچتا جونەلتىلىمدەرىن تا­سىمالداۋدى دايىنداپ, جۇزەگە اسىرۋ جانە اياقتاۋ كەزىندە تپق ورىندايتىن تەحنولوگيالىق ءوزارا باي­لانىسقان جانە ۇيىمداستىرىلعان ءىس-قيمىلدار مەن وپەراتسيالارمەن جيىنتىقتى جۇزەگە اسىرىلادى, سونىڭ ىشىندە: 1) تەمىر جول كولىگىمەن تاسىمالداۋعا تاپسىرىس­تاردى قالىپتاستىرۋ; 2) كليەنتتەرگە قىزمەت كورسەتۋ; 3) پوەزداردى قۇراستىرۋ جانە ولاردىڭ قوزعا­لىسى; 4) تاسىمالداردى قامتاماسىز ەتۋ; 3. تپق ءوزارا تەحنولوگيالىق ءىس-قيمىلى كەزىندە: 1) جۇكتەردى تاسىمالداۋدا جيىنتىق جوسپارىن قالىپتاستىرۋ; 2) تاسىمالداۋ جاعدايىن انىقتاۋ; 3) ۆاگون اعىمى باعىتىن انىقتاۋ (قالىپتاستىرۋ جوسپارى); 4) پوەزدار قوزعالىسى گرافيگىن انىقتاۋ; 5) جۇكتەردى, باگاجدى, جۇك باگاجدى, پوچتا جونەلتىلىمدەرىن الۋ جانە بەرۋ; 6) ۆاگونداردى بەرۋ-جيناۋ; 7) ۆاگونداردى (كونتەينەرلەردى) كوممەرتسيالىق جانە تەحنيكالىق (قىزمەت) قاراۋ; 8) جولاۋشىلار جانە جۇك تاسىمالىن ۇيىمداس­تىرۋ; 9) تيەۋگە جۇك ۆاگوندارىن دايىنداۋ; 10) جۇك ۆاگوندارىنا اعىمداعى اعىتپا جوندەۋ; 4. ماگيسترالدى تەمىرجول جەلىسى وپەراتورى (بۇدان ءارى – متج وپەراتورى) تاسىمالداۋشىلار, لوكوموتيۆتىك تارتىم وپەراتورى, ۆاگون وپەراتورى (كونتەينەر), جولاۋشىلار اگەنتتىگى, جولاۋشىلار, جۇك جونەلتۋشى مەن جۇك الۋشى اراسىنداعى ءوزارا قاتىناس قازاقستان رەسپۋبليكاسىنىڭ ازاماتتىق زاڭناماسىنا, قازاقستان رەسپۋبليكاسى تەمىرجول كولىگى جانە حالىقارالىق كەلىسىمدەرمەن (شارتتارمەن) سايكەس جاسالىنعان شارتتار نەگىزىندە جۇزەگە اسىرىلادى. 2. تپق ءوزارا ارەكەت ءتارتىبى 5. متج وپەراتورى تاسىمالداۋشىلارمەن ءوزارا ارەكەت جاساۋ ماگيسترالدى تەمىرجول جەلىسىن (بۇدان ءارى – متج) بەرۋ كەزىندە جۇزەگە اسىرىلادى, قۇرى­لىستاردا, ستانتسيالىق جولداردا ولاردى جوندەۋ جانە ماگيسترالدى جولدار بويىنشا جىلجىمالى قۇرامعا رۇقسات بەرۋدى ۇيىمداستىرۋ. متج وپەراتورى تاسىمالداۋشىعا ماعلۇماتتاردى بەرەدى: 1) متج وتكىزۋ قابىلەتى تۋرالى: سىنىپتىعى, جۇك جولاۋشىلار وپەراتسيالار ءۇشىن مۇمكىندىگى بار كونتەينەرلەر, ۆاگوندار ىرىكتەمەسى كورسەتىلگەن ستانتسيالار ءتىزىمى; قاجەتتى پارامەترلەرى كورسەتىلگەن متج سحەماسى; جۇك پوەزدارىنىڭ سالماق نورمالارى; ۋچاسكەلەر بويىنشا جۇك جانە جولاۋشىلار قوزعا­لىسىنا جارامدى ۆاگوندارىنىڭ سانى; ماگيسترالدىق جانە ستانتسيالىق جولدار بويىن­شا پوەزدار قوزعالىسى جىلدامدىعىنىڭ جارامدى­لىعى; 2) متج لوكوموتيۆ جىبەرۋ جاعدايى: پوەزد جۇمىستارىن ورىنداۋ كەزىندە متج ناقتى ۋچاسكەسىن قولدانىلاتىن لوكوموتيۆكە قويىلاتىن تەحنيكالىق تالاپتار; لوكوموتيۆتى جوندەۋگە, تەحنيكالىق قىزمەتكە ءجا­نە ەكيپيروۆكاعا باعىتتاۋ ءتارتىبى; لوكوموتيۆتەرگە ورناتىلاتىن قاۋىپسىزدىك قۇرالدا­رى مەن بايلانىس ءتيپى جانە پارامەترلەرى; متج وپەراتورى تاسىمالداۋشىلارمەن بەرىلگەن اي سايىنعى جۇكتى تاسىمالداۋ جوسپارىنىڭ ءوتىنىمى نەگىزىندە جۇك تاسىمالداۋ جوسپارىنىڭ ايلىق جيناق­تى جوباسىن دامىتادى. 6. تەراسىمالداۋشى, تارماق يەلەنۋشى, متج وپە­راتورى, لوكوموتيۆتىك تارتىم وپەراتورى جانە كىرمە جولداردا ۆاگونداردى بەرۋ-اكەتۋدى جۇزەگە اسىرۋ كەزىندە ۆاگونداردى بەرۋ-اكەتۋ شارتىنا سايكەس ءوزارا ءىس-قيمىل جاسايدى. 7. تارماق يەلەنۋشى, متج وپەراتورى, تاسىمال­داۋشى, لوكوموتيۆتىك تارتىم وپەراتورى جانە كونتراگەنت جىلجىمالى قۇرامدى بەرۋ-اكەتۋ جونىندەگى وپە­را­تسيالاردى جۇزەگە اسىرۋ كەزىندە شارت نەگىزىندە ءوزارا ءىس-قيمىل جاسايدى. 8. تارماق يەلەنۋشى جانە متج وپەراتورى كىرمە جولدار قۇرىلىسىندا جانە قابىسۋدى كەلىسكەن كەزدە ءوزارا ءىس-قيمىل جاسايدى. 9. ءوزىنىڭ تارتقىش كولىك قۇرالدارى (لوكوموتيۆى) جوق تارماق يەلەنۋشى مەن كونتراگەنتتەر مانەۆرلىق جانە شارۋاشىلىق جۇمىستار (پوەزداردى قالىپتاس­تىرۋى, تاراتۋ, تيەۋ/تۇسىرۋ ورىندارىنا ۆاگونداردى بەرۋ, اكەتۋ جانە ورنىن اۋىستىرۋ, تاسىمالداۋ پروتسەسىمەن بايلانىستى ەمەس باسقا تەحنولوگيالىق ماقسات­تار) ءۇشىن لوكوموتيۆتىك تارتىمنىڭ وپەراتورلارىمەن جاساعان شارتتىڭ نەگىزىندە لوكوموتيۆتىك تارتىمنىڭ قىزمەتتەرىن پايدالانادى. 10. ۆاگونداردىڭ (كونتەينەرلەردىڭ) وپەراتورى جۇك, قىزمەتتىك, قىزمەتتىك-تەحنيكالىق ۆاگونداردى پايدالانۋ كەزىندە متج قول جەتكىزۋ كەزىندە متج وپەراتورىمەن ءوزارا ءىس-قيمىل جاسايدى. 11. ۆاگوندار (كونتەينەرلەر) وپەراتورى تپق كەلەسىدەي ءوزارا ءىس-قيمىل جاسايدى: 1) جۇك جونەلتۋشىمەن – بۇل رەتتە شارت نەگىزىندە تا­سىمالداۋ قۇجاتتارىندا ۆاگون يەسى رەتىندە كورسە­تىلەدى; 2) تاسىمالداۋشىمەن – بۇل رەتتە شارتتىق نەگىزدە نەمەسە باسقا زاڭدى نەگىزدە تاسىمالداۋ قۇجات­تارىن­دا ۆاگون يەسى رەتىندە كورسەتىلەدى; 3) ماگيسترالدى تەمىرجول جەلىسى وپەراتورىمەن – ماگيسترالدى تەمىرجول جەلىسى وپەراتورىنىڭ اقپارات­تىق جۇيەسىن قولدانۋ شارتىنىڭ نەگىزىندە جانە جۇك ۆاگوندارى اعىمداعى اعىتپالى جوندەۋ شارتىنىڭ نەگىزىندە. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 1 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6865 بولىپ ەنگىزىلدى.