قانىشەر الىسقا ۇزاماپتى, جەدەل-ىزدەستىرۋ شارالارىن ۇزبەي جۇرگىزگەن وبلىستىق ىشكى ىستەر دەپارتامەنتىنىڭ قىزمەتكەرلەرى ونى قوستاناي قالاسىندا پاتەرلەردە جاسىرىنىپ جۇرگەن جەرىنەن ۇستادى. وبلىستىق ىشكى ىستەر ءباسپاسوز قىزمەتىنىڭ حابارلاۋىنشا, كۇدىكتى 2 اي بويى قالادا پاتەردە تىعىلىپ وتىرعان, 17 ءساۋىر كۇنى تۇسكە دەيىن قولعا ءتۇستى.
قازىر كۇدىكتى ۋاقىتشا ۇستاۋ يزولياتورىنا قامالدى.
ەسكە سالا كەتسەك, 2017 جىلدىڭ 20 اقپانىندا وبلىستىق پسيحياتريالىق اۋرۋحانانىڭ بۇرىنعى باس دارىگەرى راشيدا ساندىباەۆانى بەلگىسىز بىرەۋلەر ءوز پاتەرىندە پىشاقتاپ ولتىرگەن بولاتىن. كەشەندى جەدەل-ىزدەستىرۋ جۇمىستارىنىڭ ارقاسىندا وسى قاسىرەتتى وقيعادان كوپ ۇزاماي بۇرىن سوتتالعان 40 جاستاعى جانە 25 جاستاعى ەكى ادام, قىلمىسقا قاتىسى بار دەگەن كۇدىكپەن 45 جاستاعى ايەل ۇستالعان بولاتىن. ولار سوت پروتسەسىنە دەيىن قاماۋدا, قازىر تەرگەۋ امالدارى ءجۇرىپ جاتىر.
ءنازيرا جارىمبەتوۆا,
«ەگەمەن قازاقستان»
قوستاناي
