مۇنداي تىعىرىققا تىرەلۋدىڭ نەگىزىنەن ەكى سەبەبى بار. ءبىرىنشىدەن, ەلەكتر ەنەرگياسى, جىلۋ, تەحنيكالىق جانە ىستىق سۋدىڭ ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلار قۇقىعىن قورعاۋ كوميتەتى 2015 جىلى بەكىتكەن تاريفتەرىنىڭ تومەندىگى. ەكىنشىدەن, كاسىپورىننىڭ وندىرەتىن ءونىمىنىڭ وزىندىك قۇنىنىڭ 60 پايىزىن قۇرايتىن گاز شىعىنىنىڭ 2015-2016 جىلداردا 29 پايىزعا ارتقاندىعى.
مىنە, وسى فاكتورلار كاسىپورىننىڭ قارجىلىق جاعدايىن مۇشكىل حالگە جەتكىزىپ, جوسپارلانعان جوندەۋ جۇمىستارىن جاساۋعا, ەنەرگيا رەسۋرستارىن ءوندىرۋدى ازايتۋعا جانە ت.ب. قيىنشىلىقتارعا تىرەپ تۇر. وسى ماسەلەلەردى ەسكەرىپ مەن كاسىپورىن باسشىلارىنىڭ وتىنىشىمەن پرەمەر-ءمينيستردىڭ اتىنا دەپۋتاتتىق ساۋال جولداپ, ماەك-ءتىڭ جاعدايىن جاقسارتۋ جولدارىن ۇسىندىم. ونىڭ ىشىندە «تابيعي مونوپوليالار تۋرالى» زاڭنىڭ 13-بابىنىڭ 3-تارماعىنداعى ستراتەگيالىق تاۋارلار دەگەن ءتىزىمدى «ءوزى وندىرەتىن سۋ» دەگەن سوزدەرمەن تولىقتىرۋ كەرەك ەكەندىگىن ايتتىم. ءويتكەنى, زاڭنىڭ رەداكتسياسىندا «ساتىپ الىناتىن سۋ» دەگەن سوزدەر عانا جازىلعان. ال ءبىز ءسوز ەتىپ وتىرعان كاسىپورىن سۋدى ساتىپ المايدى, ءوزى وندىرەدى. سونداي-اق, زاڭنىڭ 1.2-تارماعىنا «ەلەكتر ەنەرگياسى» دەگەن ءسوزدى قوسۋدى ۇسىندىق. زاڭعا وسىنداي وزگەرىستەر ەنگىزىلسە اتالعان كاسىپورىندى وڭالتۋ شارالارى جاسالار ەدى. سونىمەن قاتار, پرەمەر-مينيستردەن ماەك ءۇشىن جىلۋ ەنەرگياسىن ءوندىرۋ عانا ەمەس سۋ, ەلەكتر مەن جىلۋ ەنەرگياسىن وندىرۋگە بولىنەتىن گاز ءتاريفىنىڭ دە جەڭىلدەتىلۋى ءوتىنىلدى. وسى ونىمدەر تاريفتەرىنىڭ وزگەرۋى جىلدىڭ ءبىر مەزگىلىندە جاسالاتىن بولسا ءتيىمدى بولار ەدى. ال ەگەر گاز ءتاريفى 1 شىلدەدەن باستاپ كوتەرىلەتىن جاعدايدا ماەك ءوزى وندىرەتىن ەلەكتر قۋاتىنىڭ باعاسىن تەك كەلەسى جىلدىڭ 1 قاڭتارىنان باستاپ قانا كوتەرە الادى.
وسى ماسەلەلەرگە ۇكىمەت باسشىسى نازار اۋدارىپ, ءوڭىردەگى ەلەكتر جانە باسقا دا رەسۋرستار ءوندىرەتىن كاسىپورىندى تىعىرىقتان قۇتقارار دەگەن ءۇمىتىمىز بار.
باقتىباي شەلپەكوۆ,
سەنات دەپۋتاتى
