ول تۋرالى ءباسپاسوز ءماسليحاتىندا دەنساۋلىق ساقتاۋ ۆيتسە-ءمينيسترى ليازات اقتاەۆا مالىمدەدى.
«ەمحانا – ول قانداي دا ءبىر مەديتسينالىق كومەك الۋ ءۇشىن «كىرەبەرىس» بولىپ تابىلادى. وندا ءسىزدىڭ شىن ءمانىندە قايتا ءتىركەلگەنىڭىزدى تەكسەرۋ ماڭىزدى. ويتكەنى, ازامات كوبىنە ءبىر قالادا, اۋداندا تۇرادى دا, باسقا مەكەن-جاي بويىنشا تىركەلەدى. مۇنداي جاعدايلاردا مەديتسينالىق قىزمەت كورسەتۋدە قيىندىقتار تۋىنداۋى مۇمكىن. وسىعان بايلانىستى, 5 ءساۋىر مەن 31 ماۋسىم ارالىعىندا الەۋمەتتىك مەديتسينالىق ساقتاندىرۋ جۇيەسىندە ءوز ءمارتەبەسىن انىقتاۋ كەرەك», دەدى ليازات اقتاەۆا.
ءوز كەزەگىندە, «الەۋمەتتىك مەديتسينالىق ساقتاندىرۋ قورى» كەاق باسقارما ءتورايىمى ەلەنا باحمۋتوۆا تىركەلۋ ناۋقانىنىڭ ەرەكشە ماڭىزدىلىعىنا توقتالىپ ءوتتى. ايتۋىنشا, بۇل مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىن ەنگىزۋگە دايىندىق شارالارىنىڭ ءبىرى بولىپ تابىلادى.
«قازىردەن باستاپ ءوزىڭىزدىڭ ازاماتتاردىڭ قاي ساناتىنا جاتاتىنىڭىزدى انىقتاپ الىڭىز. جارنانى ءسىز ءۇشىن كىم ءتولەيدى: مەملەكەت پە, جۇمىس بەرۋشى مە, ءالدە, ءوزىڭىز بە؟ وسىنى ءتۇسىنىپ الۋ كەرەك», دەپ ءتۇسىندىردى ە.باحمۋتوۆا.
قور توراعاسى ءمامس زاڭى بويىنشا, الەۋمەتتىك جاعىنان از قامتىلعان 15 ساناتتاعى ازاماتتار ءۇشىن جارنانى مەملەكەت تولەيتىنىن تىلگە تيەك ەتتى.
ازاماتتاردى العاشقى مەديتسينالىق-سانيتارلىق كومەك كورسەتۋ ۇيىمدارىنا (بۇدان ءارى – امسك ) تىركەۋ, تۇراقتى نەمەسە ۋاقىتشا تۇراتىن جەرى, جۇمىس, وقۋ, دارىگەردى ەركىن تاڭداۋ, ءبىر اكىمشىلىك-اۋماقتىق مەديتسينالىق ۇيىم شەڭبەرىندە جۇزەگە اسىرادى. ازاماتتار دارىگەر مەن ەمحانانى ەركىن تاڭداعان كەزدە ەمحاناعا تىركەلۋ جىلىنا ءبىر رەتتەن ارتىق بولماۋى كەرەك.
امسق ۇيىمدارى ازاماتتار جەكە ءوتىنىش بىلدىرگەن كەزدە تىركەۋدى جۇزەگە اسىرادى.
وتباسى مۇشەلەرىن تىركەۋ وتباسى ءمۇشەلەرىنىڭ ءبىرىنىڭ نەگىزىندە وتباسى ءمۇشەلەرىنىڭ ولاردىڭ جازباشا كەلىسىمى بولعان جاعدايدا جانە ەركىن نىسانداعى ءوتىنىشتى وتباسىنىڭ ءاربىر مۇشەسىنە جەكە باسىن كۋالاندىراتىن قۇجاتتارىن بەرۋ كەزىندە جۇزەگە اسىرىلادى.
«ەمحانانى تاڭداۋ كەزىندە مەديتسينالىق قىزمەت كورسەتۋ ءۇشىن ونىڭ ءسىزدىڭ ۇيىڭىزگە ورنالاسۋ جاعىنان اۋماقتىق جاقىندىعىن ۇمىتپاۋ كەرەك. ەمحانانىڭ جاقىن ورنالاسۋى سىزگە جانە ءسىزدىڭ ۋچاسكەلىك دارىگەرىڭىزگە ىڭعايلى. ءدارىگەردى ۇيگە شاقىرۋ كەزىندە سىزگە ول ۋاقتىلى جانە ساپالى قىزمەت كورسەتە الادى», دەدى دسم مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى اجار تولەعاليەۆا.
سونىمەن قاتار, دەنساۋلىق ساقتاۋ ۆيتسە-ءمينيسترىنىڭ ايتۋىنشا, ازاماتتاردى ەمحاناعا تىركەۋ ءمامس جۇيەسىنە قاتىسۋ ءۇشىن وتە ماڭىزدى. ويتكەنى ەمحانا ارقىلى دەنساۋلىق ساقتاۋ جۇيەسىنە, جانە اتاپ ايتقاندا, ساقتاندىرىلعان ازاماتتار – مەديتسينالىق ساقتاندىرۋ پاكەتى اياسىندا مەديتسينالىق قىزمەتتەر پاكەتىنە قول جەتكىزەدى.
ەلىمىزدىڭ ءار تۇرعىنى ەمحاناعا ءتىركەلۋ ناۋقانى اياسىندا باستاپقى مەديتسينالىق ۇيىمعا تىركەلگەنىن تەكسەرۋمەن قاتار, ءوزىنىڭ كاتەگورياسى تۋرالى مالىمدەۋى قاجەت. ءسىز كىمسىز – جالدامالى قىزمەتكەر, جەكە كاسىپكەر, ءوزىن-ءوزى قامتۋشى ازامات, ءالدە رەسمي كىرىسى جوق نەمەسە ەش جەردە جۇمىسسىز بولىپ ءتىركەلمەگەن جۇمىسسىز ازاماتسىز با؟
ەرتەڭ ساقتاندىرىلعان ادامنىڭ ءمارتەبەسىن جانە وعان قاتىستى قاجەتتى مەديتسينالىق كومەك الۋ كەزىندە قيىندىقتار تۋىنداماۋ ءۇشىن بارلىعىن قازىر انىقتاۋ ماڭىزدى بولىپ تابىلادى.
ءمامس جۇيەسىنە قاتىسۋ تۋرالى بارلىق اقپاراتتى, جارنالار ءمولشەرى جانە تولەۋ سحەمالارىن ءسىز ءوز ەمحاناڭىزداعى تىركەۋ ورنى نەمەسە ءسىزدىڭ ۋچاسكەدەگى مەديتسينالىق قىزمەتكەرگە ءجۇگىنۋ ارقىلى بىلە الاسىز.
سونىمەن ءسىز ەمحانانى تاڭدادىڭىز, ەندى وعان قالاي تىركەلۋ كەرەك؟ مۇنى ءجۇزەگە اسىرۋ وتە وڭاي.
بۇل ءۇشىن سىزگە ەمحاناعا جەكە باستى كۋالاندىراتىن قۇجاتپەن كەلىپ, باس ءدارىگەردىڭ اتىنا ءوتىنىش جازۋ كەرەك. ەشقانداي اتاۋلى انىقتاما تالاپ ەتىلمەيدى. ءسىزدى تىركەۋ ءوتىنىش تۇسكەن كۇنى ءجۇزەگە اسىرىلادى.
ەمحاناعا تىركەلۋدىڭ ەكىنشى ءتاسىلى ينتەرنەت پايدالانۋشىلار ءۇشىن ىڭعايلى. «ەلەكتروندى ۇكىمەت» (ەgov.kz)پورتالى ارقىلى ەلەكتروندى قۇجات نىسانىندا ازاماتتىڭ مالىمەتتەرىن كورسەتە وتىرىپ سۇراۋ سالۋ قاجەت. ەمحاناداعى جاۋاپتى قىزمەتكەر ەلەكتروندى سۇراۋ سالۋدى ءتيىستى اقپاراتتىق جۇيەلەردەن الادى ءجانە ءسىزدىڭ تىركەۋ تۋرالى تالونىڭىزدى دا ەلەكتروندى تۇردە رەسىمدەيدى. ءتىركەلگەنىڭىز تۋرالى اقپاراتتى «ەgov» پورتالىنداعى «ەمحانانى تاڭدا» ءبولىمىنەن انىقتاي الاسىز.
«سونداي-اق, ازامات تەك ءبىر ەمحانادا عانا تىركەلە الادى جانە ءبىر ۋاقىتتا بىرنەشە ەمحانادا تىركەلۋى مۇمكىن ەمەس. ازاماتتاردىڭ وزدەرى وتىنىشتەرمەن كەلىپ امسك ۇيىمدارىنا تىركەۋ كەزىندە, بۇدان بۇرىن بەكىتىلگەن بمسك ۇيىمدارىنان اۆتوماتتى تۇردە شىعارۋ «ازاماتتاردى ءتىركەۋ رەگيسترى» پورتالى ارقىلى جۇزەگە اسىرىلادى», اتاپ ءوتتى اجار تولەعاليەۆا, دەپ حابارلادى دەنساۋلىق ساقتاۋ مينيسترلىگىنىڭ ءباسپاسوز قىزمەتى.
