اتالعان ءىس-شاراعا پرەزيدەنت اكىمشىلىگىنىڭ قۇرىلىمدىق بولىمشەلەرىنىڭ باسشىلارى, باس پروكۋراتۋرانىڭ, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باسشىلىعى, مينيسترلىكتەردىڭ جاۋاپتى حاتشىلارى, سونداي-اق, استانا مەن الماتى قالالارىنىڭ جانە وبلىستار اكىمدىكتەرىنىڭ اپپارات باسشىلارى قاتىستى.
سەميناردا ورتالىق جانە جەرگىلىكتى مەملەكەتتىك ورگانداردىڭ قىزمەتىندە باقىلاۋ پراكتيكاسىن جەتىلدىرۋ, باقىلاۋ قىزمەتىن جۇزەگە اسىرۋ بويىنشا جاڭا ۇستانىمدار ەنگىزۋ جانە ستراتەگيالىق مىندەتتەردى ورىنداۋ ساپاسىن ارتتىرۋ ماسەلەلەرى قارالدى.
بۇعان قوسا, ستراتەگيالىق جانە باعدارلامالىق قۇجاتتاردى − «قازاقستان-2050» ستراتەگياسىن, «100 ناقتى قادام» ۇلت جوسپارىن, مەملەكەت باسشىسىنىڭ قازاقستان حالقىنا جولداۋىن ىسكە اسىرۋ تيىمدىلىگىن ارتتىرۋ قۇرالى رەتىندە جوبالىق ۇستانىمنىڭ تەتىكتەرى تالقىلاندى.
سونداي-اق, سەميناردىڭ جۇمىسى بارىسىندا رەسەيلىك ارىپتەستەرمەن تاجىريبە الماسۋ بولدى. سەمينارعا رەسەي فەدەراتسياسى پرەزيدەنتىنىڭ كومەكشىسى − رەسەي فەدەراتسياسى پرەزيدەنتىنىڭ باس باقىلاۋ باسقارماسىنىڭ باستىعى ك.ا.چۋيچەنكو قاتىستى.
سەميناردىڭ قورىتىندىسى بويىنشا ەلدىڭ باعدارلامالىق قۇجاتتارىن ىسكە اسىرۋ ءۇشىن قازاقستان رەسپۋبليكاسىنىڭ مەملەكەتتىك ورگاندارىنىڭ قىزمەتىنىڭ تيىمدىلىگىن ارتتىرۋ جونىندە پراكتيكالىق ۇسىنىمدار تۇجىرىمدالدى.
«ەگەمەن-اقپارات»
