قر ءبىلىم جانە عىلىم مينيسترلىگى مەن حالىقارالىق قايتا قۇرۋ جانە دامۋ بانكىنىڭ قولداۋىمەن ىسكە اسىرىلىپ وتىرعان «جاستار كورپۋسىن دامىتۋ» جوباسىنىڭ جۇزەگە اسىرىلۋى تۋرالى بۇگىن وڭىرلىك كوممۋنيكاتسيالار قىزمەتىندە وبلىس اكىمىنىڭ ورىنباسارى ۇلاسبەك سادىبەكوۆ, ۇيلەستىرۋ اگەنتتىگىنىڭ باسشىسى ۆەرا كيم مەن ۇيلەستىرۋ اگەنتتىگىنىڭ رەسمي وكىلى ماكسيم روجين باياندادى, دەپ حابارلايدى وقو اكىمدىگىنىڭ ءباسپاسوز قىزمەتى.
جاستار سانى بويىنشا كوش باستايتىن وڭتۇستىك قازاقستان وبلىسىنىڭ جاستارى ءۇشىن ۇلكەن قولداۋ ەكەنىن ايتقان وبلىس اكىمىنىڭ ورىنباسارى ۇ.سادىبەكوۆ اتالعان جوبا قازاقستاننىڭ 4 وڭىرىندە, ياعني, وڭتۇستىك قازاقستان, الماتى, پاۆلودار جانە قاراعاندى وبلىستارىنىڭ اۋماقتارىندا 2 جىلدىق پيلوتتىق جوبا اياسىندا جۇرگىزىلەتىن جەتكىزدى.
سونىمەن قاتار, ول وبلىستا جوبانىڭ كورديناتورى بولىپ «اۋىل جاستارى وداعى» كورپوراتيۆتىك قورىنىڭ وكىلى سابيرا بايزاقوۆا بەكىتىلگەنىن جانە وبلىستىق «جاستار رەسۋرستىق ورتالىعىنان» ارنايى بولمە ءبولىنىپ, قاجەتتى ماتەريالدارمەن تولىق جابدىقتالعانىن اتاپ ءوتتى.
سونداي-اق, بريفينگتە ءسوز العان ۇيلەستىرۋ اگەنتتىگىنىڭ باسشىسى ۆەرا كيم دۇنيەجۇزىلىك بانك جاستار كورپۋسىن دامىتۋ جوباسىن قارجىلاندىرۋ ءۇشىن 20 ملن. اقش دوللارى كولەمىندە گرانت بولەتىنىن ءمالىم ەتتى.
ونىڭ ايتۋىنشا, جوبانىڭ ماقساتى - جاستاردى الەۋمەتتەندىرۋ, اسىرەسە از قامتىلعان حالىق توبىن قوعامدىق پايدالى ىستەرگە جۇمىلدىرا وتىرىپ, ىنتالاندىرۋ. «جوبا قازاقستاندا العاش رەت ىسكە اسىرىلۋدا. ەلىمىزدىڭ جاستارى ءۇش-بەس ادامنان توپتاسىپ, الەۋمەتتىك جوبا ازىرلەپ, ونى كونكۋرستىق كوميسسياعا ۇسىنۋ قاجەت.
جۇرگىزىلگەن ىرىكتەۋدىڭ قورىتىندىسى بويىنشا جاستار بەس ايلىق كۋرستارعا جىبەرىلەدى. جاستارعا جۇمىستى نەمەس وقۋدى تاستاۋ قاجەت ەمەس. كەشكى التىعا دەيىنگى سەگىز ساعاتتىق جۇمىس كۇنى بولسا دا, ولار دەمالىس كۇندەرى جانە كەشكى ۋاقىتتا ءبىلىم الا الادى. كۋرس سوڭىندا الەۋمەتتىك جوبالاردى ودان ءارى دامىتۋ ءۇشىن گرانتتار بەرىلەدى. ەڭ جوعارى گرانت سوماسى - 1000 000 تەڭگە», - دەدى ۆەرا كيم.
ءوز كەزەگىندە ءسوز العان ۇيلەستىرۋ اگەنتتىگىنىڭ رەسمي وكىلى ماكسيم روجين اتالعان پيلوتتىق جوباعا وسى جىلى 4 وبلىستان 3 000 ادامدى قامتۋ, ال, ىسكە اسىرىلۋدىڭ ءۇش جىلى ىشىندە 8 500 شاماسىندا ازامات قاتىساتىنى جوسپارلانىپ وتىرعانىن ايتتى. سونداي-اق, ول جوباعا 18-دەن 29 جاسقا دەيىنگى جاس قاتىسا الاتىنىن ءمالىم ەتتى.
ايتا كەتەيىك, 2017 جىلعى ساۋىردەن باستاپ جوباعا قاتىسۋ ءۇشىن ءوتىنىم ۇسىنۋعا, سونداي-اق ءوتىنىم ۇسىنۋدىڭ شارتتارىمەن جانە راسىمدەرىمەن تولىعىراق zhasproject.kz اقپاراتتىق پورتالىنان تانىسۋعا بولادى. سونىمەن قوسا, اقپاراتتى +7(7172)50-07-71 تەلەفونى بويىنشا نەمەسە press@zhasproject.kz ەلەكتروندىق پوشتاسىنا جازۋ ارقىلى الۋعا بولادى.
