ەلباسى تاپسىرماسىنا سايكەس قر پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆ باستاعان قازاقستان دەلەگاتسياسى يزرايل مەملەكەتىنە جۇمىس ساپارىمەن باردى.
دەلەگاتسيا قۇرامىندا مەملەكەتتىك ورگان, «اتامەكەن» ۇكپ, ۇلتتىق اگرارلىق عىلىمي-ءبىلىم بەرۋ ورتالىعى جانە «قازاقستانينجينيرينگ», «ازىق-ت ۇلىك كەلىسىم شارت كورپوراتسياسى» ۇلتتىق كومپانيالارىنىڭ وكىلدەرى بار.
جۇمىس ساپارىنىڭ باستى ماقساتى – مەملەكەت باسشىسى ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىنداعى اوك-كە شەتەلدەن ينۆەستيتسيا تارتۋ بويىنشا بەرگەن تاپسىرمالارىن جۇزەگە اسىرۋ جانە ەكى جاقتى ءتيىمدى كەلىسىمدەرگە قول جەتكىزۋ.
ا.مىرزاحمەتوۆ يزرايل مەملەكەتىنىڭ اۋىل شارۋاشىلىعى جانە اۋىلدىق اۋماقتاردى دامىتۋ ءمينيسترى, كنەسسەتتەگى «ەۆرەي ءۇيى» پارتياسىنىڭ دەپۋتاتى ۋري اريەلمەن كەزدەستى.
كەزدەسۋ بارىسىندا ەكى ەل اراسىنداعى كەلىسىمگە سايكەس 2017-2018 جىلدارعا ارنالعان اۋىل شارۋاشىلىعى سالاسىندا ىنتىماقتاسۋ بويىنشا جول كارتاسىنا قول قويدى.
بۇدان بولەك, قازاقستان اۋماعىندا كوممەرتسيالىق نەگىزدەگى دەمونستراتسيالىق فەرمالار قۇرۋ بويىنشا دەكلاراتسياعا قول قويىلىپ, ولاردىڭ كەشەنىندە اۋىل شارۋاشىلىعىنىڭ ءار الۋان باعىتتارى بويىنشا تەحنولوگيالاردى تانىستىرۋ تالقىلانادى.
سونداي-اق, دەلەگاتسيا مۇشەلەرى اۋىل شارۋاشىلىعى سالاسىنداعى جاڭا تەحنولوگيالارمەن اينالىساتىن «Volcani center» عىلىمي-زەرتتەۋ ينستيتۋتىنا باردى. مۇندا بىرىككەن زەرتتەۋلەر مەن جاس مامانداردى دايارلاۋ ماسەلەلەرى قارالدى.
يزرايل – بالعىن ونىمدەردى سىرتقا شىعاراتىن ءىرى ەكسپورتتاۋشىلاردىڭ ءبىرى جانە اۋىل شارۋاشىلىعى سالاسى بويىنشا الەمدىك كوشباسشى بولىپ تابىلادى.
ينۆەستيتسيا تارتۋ جانە وتاندىق ونىمدەردى ەكسپورتتاۋ ءۇشىن «دوڭگەلەك ۇستەل» فورماتىندا يزرايلدىك اگروبيزنەس وكىلدەرىمەن كەزدەسۋ وتكىزۋ دە جوسپاردا بار.
تاعى ءبىر ايتا كەتەرلىك جايت, تاجىريبە الماسۋ ءۇشىن دەلەگاتسيا مۇشەلەرى «گرانوت» اۋىل شارۋاشىلىعى كووپەراتيۆى مەن سۋ رەسۋرستارىن ۇنەمدەۋ جانە باسقارۋ كومپانياسى جۇمىسىمەن تانىسادى.
