26 ءساۋىر، 2011

قازاقستان رەسپۋبليكاسى ۇكىمەتىنىڭ قاۋلىسى № 402

239 رەت كورسەتىلدى
2011 جىلعى 7 ءساۋىر، استانا، ۇكىمەت ءۇيى قازاقستان رەسپۋبليكاسى ۇكىمەتىنىڭ 2003 جىلعى 8 قازانداعى № 1037 قاۋلىسىنا تولىقتىرۋلار مەن وزگەرىس ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «اۋىل جانە ورمان شارۋاشىلىعىن جۇرگىزۋگە بايلانىستى ەمەس ماقساتتارعا ولاردى پايدالانۋ ءۇشىن اۋىل شارۋاشىلىعى جانە ورمان القاپتارىن الىپ قويۋدان تۋىنداعان اۋىل شارۋاشىلىعى مەن ورمان شارۋاشىلىعى ءوندىرىسىنىڭ شىعىندارىن وتەۋ نورماتيۆتەرىن جانە القاپتاردى قالپىنا كەلتىرۋگە ءجۇمسالاتىن سوما ەسەپكە الىنىپ، اۋىل شارۋاشىلىعى ءوندىرىسىنىڭ شىعىندارىن وتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 8 قازانداعى № 1037 قاۋلىسىنا (قازاقستان رەسپۋبليكاسىنىڭ ءپۇاج-ى، 2003 ج.، №41، 432-قۇجات) مىناداي تولىقتىرۋلار مەن وزگەرىس ەنگىزىلسىن: تاقىرىپ «اۋىل شارۋاشىلىعى ءوندىرىسىنىڭ شىعىندارىن وتەۋ» دەگەن سوزدەردەن كەيىن «، سونداي-اق ورمان شارۋاشىلىعى ءوندىرىسىنىڭ شىعىندارى مەن زالالدارىن وتەۋ» دەگەن سوزدەرمەن تولىقتىرىلسىن; كىرىسپەدەگى «جەر كودەكسىنە» دەگەن سوزدەردەن كەيىن «2003 جىلگى 8 شىلدەدەگى قازاقستان رەسپۋبليكاسىنىڭ ورمان كودەكسىنە» دەگەن سوزدەرمەن تولىقتىرىلسىن; 1-تارماقتىڭ 3) تارماقشاسى «اۋىل شارۋاشىلىعى ءوندىرىسىنىڭ شىعىندارىن وتەۋ» دەگەن سوزدەردەن كەيىن «، سونداي-اق ورمان شارۋاشىلىعى ءوندىرىسىنىڭ شىعىندارى مەن زالالدارىن وتەۋ» دەگەن سوزدەرمەن تولىقتىرىلسىن; كورسەتىلگەن قاۋلىمەن بەكىتىلگەن القاپتاردى قالپىنا كەلتىرۋگە جۇمسالاتىن سوما ەسەپكە الىنىپ، اۋىل شارۋاشىلىعى ءوندىرىسىنىڭ شىعىندارىن وتەۋ ەرەجەسى وسى قاۋلىنىڭ قوسىمشاسىنا سايكەس جاڭا رەداكتسيادا جازىلسىن. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ  پرەمەر-ءمينيسترى    ك.ءماسىموۆ. قازاقستان رەسپۋبليكاسى  ۇكىمەتىنىڭ 2011 جىلعى 7 ساۋىردەگى  №402 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ 2003 جىلعى 8 قازانداعى  № 1037 قاۋلىسىمەن بەكىتىلگەن القاپتاردى قالپىنا كەلتىرۋگە جۇمسالاتىن سوما ەسەپكە الىنىپ، اۋىل شارۋاشىلىعى ءوندىرىسىنىڭ شىعىندارىن وتەۋ، سونداي-اق ورمان شارۋاشىلىعى ءوندىرىسىنىڭ شىعىندارى مەن زالالدارىن وتەۋ ەرەجەسى 1. وسى ەرەجە (بۇدان ءارى – ەرەجە) القاپتاردى قالپىنا كەلتىرۋگە جۇمسالاتىن سوما ەسەپكە الىنىپ، اۋىل شارۋاشىلىعى ءوندىرىسىنىڭ شىعىندارىن وتەۋ، سونداي-اق ورمان شارۋاشىلىعى ءوندىرىسىنىڭ شىعىندارى مەن زالالدارىن وتەۋ ءتارتىبىن بەلگىلەيدى. 2. القاپتاردى قالپىنا كەلتىرۋگە جۇمسالاتىن سوما ەسەپكە الىنىپ، اۋىل شارۋاشىلىعى ءوندىرىسىنىڭ شىعىندارىن وتەۋ اۋىل شارۋاشىلىعى القاپتارىن اۋىل شارۋاشىلىگىن جۇرگىزۋگە بايلانىستى ەمەس ماقساتتارعا پايدالانۋ ءۇشىن ولاردى الىپ قويۋدان تۋىنداعان اۋىل شارۋاشىلىعى ءوندىرىسىنىڭ شىعىندارىن وتەۋ نورماتيۆتەرىنە (بۇدان ءارى – اۋىل شارۋاشىلىعى ءوندىرىسىنىڭ شىعىندارىن وتەۋ نورماتيۆتەرى) سايكەس جۇزەگە اسىرىلادى. 3. ورمان شارۋاشىلىعى ءوندىرىسىنىڭ شىعىندارىن وتەۋدى جەر ۋچاسكەلەرى بەرىلەتىن زاڭدى جانە جەكە تۇلعالار ورمان القاپتارىن ورمان جانە اۋىل شارۋاشىلىعىن جۇرگىزۋگە بايلانىستى ەمەس ماقساتتارعا پايدالانۋ ءۇشىن ولاردى الىپ قويۋدان تۋىنداعان ورمان شارۋاشىلىعى ءوندىرىسىنىڭ شىعىندارىن وتەۋ نورماتيۆتەرىنە سايكەس ورمان شارۋاشىلىعى مەملەكەتتىك مەكەمەلەرى جاساعان ەسەپتەمەگە سايكەس جۇزەگە اسىرادى. ورمان شارۋاشىلىعى ءوندىرىسىنىڭ زالالدارىن وتەۋ ازاماتتىق زاڭناماعا سايكەس ورمان شارۋاشىلىعى ءوندىرىسىنىڭ ناقتى زيانىن وتەۋدى، قولدان شىعارىلعان پايدانى وتەۋدى قامتيدى. 4. القاپتاردى قالپىنا كەلتىرۋگە جۇمسالاتىن سوما ەسەپكە الىنىپ، اۋىل شارۋاشىلىعى ءوندىرىسىنىڭ شىعىندارىن وتەۋدى جەر ۋچاسكەلەرى بەرىلەتىن زاڭدى نەمەسە جەكە تۇلعالار وزدەرىنىڭ قاراجاتى ەسەبىنەن ونىمدىلىگى از نەمەسە ءونىم بەرمەيتىن القاپتارعا قۇنارلى توپىراق قاباتىن سالۋ شارتىمەن جۇرگىزەدى. جەر ۋچاسكەسى بەرىلەتىن زاڭدى نەمەسە جەكە تۇلعانىڭ قاراجاتى ەسەبىنەن ونىمدىلىگى از نەمەسە ءونىم بەرمەيتىن القاپتارعا قۇنارلى توپىراق قاباتىن سالۋ كەزىندە جەرگە ورنالاستىرۋ جوباسىندا مىنالار قوسىمشا بەلگىلەنەدى: قۇنارلى توپىراق قاباتىن سالۋ كوزدەلەتىن جەر ۋچاسكەسى القاپتارىنىڭ ورنالاسقان جەرى، الاڭى مەن تۇرلەرى; سالىناتىن قۇنارلى توپىراق قاباتىنىڭ كولەمى; القاپتاردى قالپىنا كەلتىرۋگە جۇمسالعان شىعىنداردىڭ سوماسى (قۇنى); القاپتاردى قالپىنا كەلتىرۋگە جۇمسالعان سوما ەسەپكە الىنعان شىعىنداردىڭ مولشەرى. 5. ونىمدىلىگى از نەمەسە ءونىم بەرمەيتىن القاپتارعا قۇنارلى توپىراق قاباتىن سالۋ كوزدەلەتىن جەر ۋچاسكەسىن تاڭداۋ جەرگىلىكتى اتقارۋشى ورگان قۇراتىن كوميسسيانىڭ قورىتىندىسى نەگىزىندە جۇزەگە اسىرىلادى. 6. القاپتاردى قالپىنا كەلتىرۋگە جۇمسالعان سوما ەسەپكە الىنىپ، اۋىل شارۋاشىلىعى ءوندىرىسىنىڭ وتەۋگە جاتاتىن شىعىندارىنىڭ مولشەرى اۋىل شارۋاشىلىعى ءوندىرىسىنىڭ شىعىندارىن وتەۋ نورماتيۆتەرى بويىنشا انىقتالعان شىعىنداردىڭ قۇنى مەن القاپتاردى قالپىنا كەلتىرۋگە جۇمسالعان شىعىنداردىڭ قۇنى اراسىنداعى ايىرما رەتىندە انىقتالادى. 7. وسى ەرەجەنىڭ 6-تارماعىنا سايكەس انىقتالعان القاپتاردى قالپىنا كەلتىرۋگە جۇمسالاتىن سوما ەسەپكە الىنىپ، اۋىل شارۋاشىلىعى ءوندىرىسىنىڭ شىعىندارىن وتەۋ مولشەرى، سونداي-اق وسى ەرەجەنىڭ 3-تارماعىنا سايكەس انىقتالعان ورمان شارۋاشىلىعى ءوندىرىسىنىڭ شىعىندارى مەن زالالدارىنىڭ مولشەرى جەر ۋچاسكەسى بەرىلەتىن تۇلعامەن كەلىسىلىپ، جەرگىلىكتى اتقارۋشى ورگاننىڭ جەر ۋچاسكەسىنە قۇقىق بەرۋ تۋرالى شەشىمىمەن بەكىتىلەتىن اكتىمەن رەسىمدەلەدى. 8. شىعىندار مەن زالالدار جەر ۋچاسكەسىنە قۇقىق بەرۋ نەمەسە اۋىل شارۋاشىلىعى مەن ورمان القاپتارىنىڭ نىسانالى ماقساتىن وزگەرتۋ تۋرالى شەشىم قابىلدانعان ساتتەن باستاپ التى اي مەرزىمدە رەسپۋبليكالىق بيۋدجەتتىڭ كىرىسىنە وتەۋگە جاتادى.
سوڭعى جاڭالىقتار

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار