26 ءساۋىر، 2011

ءان – كوڭىلدىڭ اجارى

430 رەت كورسەتىلدى
امىرە قاشاۋباەۆ اتىنداعى ءداستۇرلى ورىنداۋشىلاردىڭ ءۇش كۇنگە سوزىلعان ءVىىى رەسپۋبليكالىق كونكۋرسى مارەگە جەتتى. «مادەنيەت مينيسترلىگىنىڭ ۇيىم­­داستىرۋىمەن جىلىنا وتىز­­دان استام كونكۋرس وتكى­زىلسە، ولاردىڭ ىشىندە امىرە قاشاۋباەۆ اتىنداعى ءداستۇرلى ورىنداۋشى­لار بايقاۋىنىڭ ورنى بولەك. كەڭەستىك كەزەڭدە بۇل سايىس ءتورت جىلدا ءبىر رەت وتكىزىلەتىن. ال تاۋەلسىزدىگىمىزدى العالى بەرى ەكى جىلدا ءبىر رەت وتكىزۋ مۇمكىن­دىگىنە يە بولىپ وتىرمىز دەسەك، كونكۋرستىڭ ماقساتى – ءانشى امىرە قاشاۋباەۆتىڭ ءتول مۇرا­س­ىن كەڭىنەن ناسيحاتتاپ، ۇرپاق­تان-ۇرپاققا جەتكىزۋ، قاتى­سۋشىلاردىڭ كاسىبي شەبەرلىگىن جەتىلدىرۋ، سونداي-اق جاستارعا ەستەتيكالىق تۇرعىدا تاربيە بەرۋ، ۇلتتىق جانە الەمدىك ءما­دەنيەت قۇندىلىقتاردى يگەرۋىنە ىقپال ەتۋ»، – دەدى مادەنيەت مينيسترلىگى مادەنيەت كوميتەتى توراعاسىنىڭ ورىنباسارى روزا كارىپجانوۆا كونكۋرستىڭ اشىلۋ راسىمىندە. ءان بايگەسىنىڭ شىمىلدىعى امىرە قاشاۋباەۆ ءوز داۋىسىمەن ايتقان اقاننىڭ «بالقاديشا­سىمەن» اشىلدى. كونكۋرستىڭ تالابىنا سايكەس، وتانىمىزدا جانە الىس-جاقىن شەت ەلدەردە تۇراتىن 16 مەن 35 جاس ارا­لىعىنداعى حالىق جانە قازىرگى كومپوزيتورلار اندەرىن دومبىرا، قىلقوبىز، سىرناي اسپاپتارىنىڭ سۇيەمەلدەۋىندە ورىندايتىن 38 كاسىبي ونەرپازداردىڭ ونەرىن پارلامەنت ءماجىلىسىنىڭ دەپۋتاتى، ايتۋلى ءانشى بەكبولات تىلەۋحان باستاعان قازىلار القاسى ساراپقا سالدى. سايىستىڭ اشىلۋ راسىمىندە بەكبولات تىلەۋحان: «قازاقتا «باق شابا ما، باپ شابا ما» دەگەن ءسوز بار. بۇل رەتتە باقتارىڭ دا كەلىسسىن، باپتارىڭ دا كەلىسسىن. ءداستۇرلى ءان دەگەنىمىز – قازاقتىڭ قازاقتىعىن، ۇلتتىق سيپاتىن ايقىندايتىن ەرەكشە ونەر. مۇندا انگە جانى اشيتىن، ءاننىڭ قادىرىن تۇسىنەتىن ادامدار جينالعان. بۇل قازاقتىڭ تەكتىلىگىن تانىتاتىن بەكزات ونەر»، – دەپ قاتىسۋشىلارعا ساتتىلىك تىلەدى. سونىمەن ەلىمىزدىڭ ۇلىق مەرەكەسى – تاۋەلسىزدىگىمىزدىڭ 20 جىل­دى­عى اياسىندا ۇيىمداستىرىلعان ءداستۇرلى ورىنداۋشىلاردىڭ ءVىىى رەسپۋبليكالىق كونكۋرسىنا قاتى­سۋ­شىلار امىرە قاشاۋباەۆتىڭ ورىنداۋىنداعى «قورلان»، «بال­قاديشا»، «دۋدار-اي»، «اق سيسا»، «قوس بارابان»، «كوكارشىن»، «بايان­اۋىل»، «سمەت»، «بەس قارا­گەر» سياقتى 22 ءاندى ءۇش كەزەڭدە كوككە ورلەتتى. ناتيجەسىندە 38 قاتىسۋشىنىڭ جارتىسىنا جۋى­عى عانا كەيىنگى كەزەڭگە قاتىسۋ مۇمكىندىگىنە يە بولدى. كەلەسى كۇنگى سايىس – سىر نەمەسە قازىعۇرت وڭىرىندەگى اۋەندەر مەن قازاقستان كومپوزيتورلارى ءان­دەرىنىڭ ورىندالۋىمەن ەرەكشەلەنە ءتۇستى. ءبىرىنشى كەزەڭنەن ءوتىپ، بارىنشا ىسىلعان سايىس­كەرلەر بۇل كۇنى ەرەكشە قارقىنمەن ونەر كورسەتتى. ال سوڭعى كەزەڭدە امىرە قاشاۋباەۆتىڭ رەپەرتۋارىن­داعى ءان رەتىندە جىگىتتەر قاۋى­مى مىندەتتى تۇردە «اعاش اياق»، قىزدار «ارداق» ءانىن ورىنداۋ كەرەك بولاتىن. سونداي-اق، بۇل كەزەڭدە دە حالىق اندەرى ورىن­دالدى. ءسويتىپ، سايىستىڭ قورى­تىن­دى كەزەڭى دە كەلىپ جەتتى. كوپ ۇزاماي امىرە قاشاۋباەۆ اتىنداعى ءداستۇرلى ورىنداۋشى­لاردىڭ ءVىىى رەسپۋبليكالىق كون­كۋرسىنىڭ جەڭىمپازدارى دا بەلگىلى بولدى. ياعني، cايىس قورى­تىندىسىنا سايكەس، قازاق ۇلت­تىق ونەر ۋنيۆەرسيتەتىنىڭ ءبىرىنشى كۋرس ستۋدەنتى قايرات باي­بوسىنوۆتىڭ شاكىرتى سى­رىم مۇحامەتجانوۆقا امىرە قاشاۋ­باەۆ اتىنداعى ءداستۇرلى ورىن­داۋ­شىلاردىڭ ءVىىى رەسپۋب­لي­كالىق كونكۋرسىنىڭ ءبىرىنشى جۇلدەسى بەرىلدى. بۇدان كەيىن قازىلار القاسىنىڭ توراعاسى بەكبولات تىلەۋحان ءسوز كەزەگىن الىپ: «كون­كۋرسقا مەكتەپ جا­سىن­داعى 10 سىنىپ وقۋشىلارى­نىڭ قاتىسۋى – امىرە قاشاۋ­باەۆ اتىنداعى رەسپۋبليكالىق سايىستاردىڭ تا­ريحىندا بول­ما­عان. بۇل جولعى سايىس سونى­سىمەن دە ەرەكشەلەندى. ايتسە دە باس جۇلدەگە لايىقتى سايىس­كەردى كورە المادىق، – دەي كەلە، ەكىنشى جۇلدەلى ورىندى ەركە­بۇلان قاسىموۆ پەن گۇلدانا نوعايباەۆاعا بەرسە، ءۇشىنشى ورىن­دى اللاجار قايبار، ءسات­تىعالي نۇرداۋلەتوۆ جانە سانات يساەۆ قانجىعاسىنا بايلا­دى. ال «ۇكىلى ءۇمىت» نومينا­تسياسىنىڭ جۇلدەسىن ادىلەت يسمايل، تال­عات مولداعاليەۆ، ءورازالى جاڭا­باەۆتار يەمدەنسە، ايبەك ساحابا، جاقسىگەلدى ماياساروۆ، نۇر­بولات ارزاماس، ار­داق مۇقىشەۆ، جانقوجا اياپوۆتار ديپلومدارمەن ماراپات­تالدى. كەش سوڭى قازىلار القاسى مەن كونكۋرس لاۋرەاتتارىنىڭ گالا-كونتسەرتىنە جالعاستى. جۇلدىز ءبايدىلدا. ___________________ سۋرەتتەردى تۇسىرگەن اعىباي اياپبەرگەنوۆ.
سوڭعى جاڭالىقتار

ءمانى ەرەكشە سەمينار

ساياسات • بۇگىن، 08:28

قاراۋسىز بالا قايدان شىعادى؟

ساياسات • بۇگىن، 08:26

قوعامدىق باقىلاۋ كۇشەيەدى

ساياسات • بۇگىن، 08:24

Fitch راستادى

ەكونوميكا • بۇگىن، 08:22

جەكە تۇلعا بانكروتتىعى

قوعام • بۇگىن، 08:14

بارلىق ۇيگە جىلۋ بەرىلدى

ايماقتار • بۇگىن، 08:12

جىلىتۋ قۇرالدارى جونەلتىلدى

ايماقتار • بۇگىن، 08:10

ەڭبەك پەن تاربيە – ەگىز ۇعىم

ايماقتار • بۇگىن، 08:06

قايتا كۇشەيگەن كوروناۆيرۋس

كوروناۆيرۋس • بۇگىن، 08:04

وقۋ ورداسىنىڭ بەلەسى

ايماقتار • بۇگىن، 08:02

تاريحى تەرەڭ، ءبىلىمى بەرەن

ءبىلىم • بۇگىن، 08:00

سىرباز سۋرەتكەر

ادەبيەت • بۇگىن، 07:59

قاجىمۇقان مەن كارل

ادەبيەت • بۇگىن، 07:56

اڭىزعا بەرگىسىز عۇمىر

قوعام • بۇگىن، 07:54

قۇندىزعا قۇرىلعان فوتوتۇزاق

ايماقتار • بۇگىن، 07:48

تاۋ-تاۋ قوقىس كادەگە جاراسا...

ەكولوگيا • بۇگىن، 07:46

مادەني دەمالىس

قوعام • بۇگىن، 07:44

سۋرەتتەگى وي ساۋلەسى

ونەر • بۇگىن، 07:40

جۇلدەگەر اتاندى

سپورت • بۇگىن، 07:38

كىشى «كۇمىسكە» يە بولدى

سپورت • بۇگىن، 07:36

جەڭىس جالعاسىن تاپتى

سپورت • بۇگىن، 07:34

تارتىسقا تولى تۋرنير

سپورت • بۇگىن، 07:30

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار