دارىگەر دوبسون مەديتسينالىق شارالارعا ەمەس, جەدەل جاردەم كارەتالارىنىڭ ورنالاسۋىنا جانە زارداپ شەككەندەردى دۇرىس تاسىمالداۋعا نازار اۋدارتتى. دارىگەرلەردىڭ, پوليتسيا قىزمەتكەرلەرىنىڭ جانە وقيعا ورنىنداعى دارىگەرلەردىڭ قاۋىپسىزدىگىن قامتاماسىز ەتەتىن جانە ولارعا كومەكتەسەتىن قۇتقارۋشىلار كووپەراتسياسىنىڭ ماڭىزدىلىعىن اتاپ ءوتتى. مىسال رەتىندە جاقىندا لوندوندا ۆەستمينستەر كوپىرىندە ورىن العان تەراكتى كەزىندە تۇسىرىلگەن كادرلاردى پايدالاندى.
ول قاراعاندىدا وسىمەن ەكىنشى رەت ءدارىس وقىدى. وبلىس ورتالىعىنا بەس جىل بۇرىن كەلگەن. سول كەزدە جەدەل جاردەم ورتالىعىندا بولىپ, فەلدشەرلەر جۇمىسىندا قولداناتىن جابدىقتاردى كورگەن. ونىڭ ايتۋىنشا, بريتاندىق ماماندار زاماناۋي تەحنيكانى پايدالانادى. سودان بەرى ءبىزدىڭ دارىگەرلەر دە جاڭا رەانوموبيلدەر الدى. ماقاجانوۆ اتىنداعى كلينيكا ستاتسيونارىنىڭ باس دارىگەرى بەرىك تىلەۋباەۆتىڭ ايتۋىنشا, ەندى بريتاندىق جابدىقتارمەن اراداعى ايىرماشىلىق اسا بايقالمايدى. شەتەلدىك مامان قۋانىشىن جاسىرمادى, ويتكەنى زارداپ شەككەندەردىڭ ءومىرىن تاسىمالداۋ ساتىنەن باستاپ قولعا الۋ كەرەك, كوپ جاعدايدا پاتسيەنتتىڭ امان قالۋى وسىعان بايلانىستى بولادى.
– ءبىز دارىگەر دوبسون ايتىپ بەرگەن جۇيەنى ەنگىزەمىز, – دەيدى بەرىك ەركەبۇلان ۇلى. – ارينە, ونى قۇقىق قورعاۋ ورگاندارىمەن پىسىقتاۋ كەرەك. بۇل ءبىزدىڭ كلينيكادا عانا ەمەس, بۇكىل وبلىستا دا بولادى. كەڭەستىك جىلدارى دالالىق جاعدايلاردا مەديتسينالىق كومەك كورسەتۋ ەرەجەلەرىنىڭ جيىنتىعى بولعان. بۇگىندە ول ەرەجەلەر ەسكىردى. ەندى جاڭالىقتار ەنگىزۋ كەرەك, وسى ماقساتتا ەۋروپانىڭ ءتاجىريبەسىن قابىلدايمىز, – دەيدى باس دارىگەر.
ميراس اسان,
«ەگەمەن قازاقستان»
قاراعاندى
