دارىگەرلەر ەلدە ءجۇر

ۋاقىت وزدى, زامان وزگەردى, ءومىر ءوستى دەگەن وسى شىعار, كۇنى كەشە كوپشىلىككە  قيالداي كورىنەتىن ىستەر بۇگىندە قالىپقى قۇبىلىسقا اينا­لىپ جاتىر. ماسەلەن, اۋىل ادام­دا­رى سىرقاتتانىپ قالسا, بۇعان دەيىن ءبىر جاعىنان ناۋقاس  قىسىپ, ەكىنشى جا­عىنان جول قيناپ ەرىكسىز قالا جا­عالاۋشى ەدى عوي. ال ەندى قارا­ساڭىز,  جاعداي كەرىسىنشە. بىلىكتى ءدا­رى­گەرلەر جەر-جەرگە ولاردى وزدەرى ىزدەپ كەلىپ, دەنساۋلىقتارىن تىكەلەي تەكسەرەدى. بۇل شارا «سالاماتتى قازاق­ستان» باعدارلاماسى اياسىندا ءجۇر­گىزىلۋدە. ارنايى قۇرال-قوندىرعى­لار­مەن جاب­دىق­تالعان جانە ماماندار­مەن جا­ساق­تالعان وبلىستىق مە­دي­تسي­نالىق ور­تا­لىقتىڭ جىلجىما­لى دياگ­نوستي­كالىق كەشەنى  بيىل الدىمەن بۇقار جىراۋ اۋدانىنداعى كوكپەكتى اۋى­لىندا بول­دى. 15 ءدارى­گەر تاڭەرتە­ڭنەن كەشكە دەيىن 500-گە جۋىق ادامدى تەكسەرىپ ءۇل­گەردى. ما­ڭىنداعى بايقادام, سا­رى­توبە شا­عىن ەلدى مەكەندەرىنىڭ  تۇر­عىندارى دا قارالدى. سولاردىڭ ءبىرى جاس انا دينارا تۇگەلباەۆا «ءۇش جاسار ۇلىم بولسىننىڭ تۋعاننان ءجۇ­رەك تالماسى بار. سودان بەرى جىل سا­يىن قاراعاندىداعى كارديو­لو­گيا­لىق ور­تالىققا  اپارىپ, تەكسەرتىپ جۇرە­مىن. قالا اۋىلدان الىس. بارىپ قاي­تۋعا كولىگىمىز جوق. اراعا ەكى تۇنەپ, بالام دا, ءوزىم دە شارشاپ-شالدىعىپ قايتۋشى ەدىم. ەندى جا­قىن جەردەن كورسەتىپ الۋعا  مۇمكىن­دىك تۋعانىنا قۋانىپ قالدىم, – دەپ ايتقانىنداي جەرگىلىكتى جۇرتتىڭ  مەديتسينالىق قام­قورلىقتىڭ اتال­عان تۇرىنە ريزالىقتارى زور بولىپ جاتىر. تەمىرتاۋ, جەزقازعان, بالقاش قا­لالىق دەنساۋلىق ساقتاۋ ورىن­دارىندا دا قۇرىلعان وسىنداي ءۇش جىلجىمالى دياگنوستيكالىق كەشەن دە تاياۋ ارادا  ءوز ايماق­تارىن­داعى اۋىلدار اراسىنا شىققالى وتىر.  ادام دەنساۋلىعىن قورعاۋ, جاقسارتۋ ماقساتىنداعى بۇل ءىس-شارا كۇزگە دەيىن جالعاسادى. ايقىن نەسىپباي. قاراعاندى وبلىسى.