اتالمىش سايتتا, "تەرگەۋ سانكت-پەتەربۋرگ مەتروسىنداعى جارىلىس جاساعان ادامدى انىقتادى. ول 01.04.1995 جىلى تۋعان اكبارجون دجاليلوۆ. "پلوششاد ۆوسستانيا" بەكەتىندە جارىلعىش زاتى بار سومكەدان دجاليلوۆتىڭ گەنەتيكالىق ءىزى تابىلدى. گەنەتيكالىق ساراپتاما قورىتىندىسى مەن باقىلاۋ كامەرالارىنداعى جازبا بويىنشا "پلوششاد ۆوسستانيا" بەكەتىندە جارىلعىش زات سالىنعان سومكەنى تاستاپ كەتكەن جانە مەترو ۆاگونىندا تەراكت جاساعان ءبىر ادام", - دەلىنگەن.
ەسكە سالا كەتسەك, 3 ساۋىردە سانكت-پەتەربۋرگ مەتروسىندا بولعان جارىلىستان كەم دەگەندە 11 ادام قازا تاپتى, زارداپ شەككەندەر سانى 50-گە جەتتى. جارىلىس مەترونىڭ ەكى بەكەتىندە بولعان - "سەننايا پلوششاد" جانە "تەحنولوگيچەسكي ينستيتۋت". ەكى جارىلىستان زارداپ شەككەندەر اراسىندا بالالار دا بار. رەسەيدىڭ فەدەرالدى قاۋىپسىزدىك بيۋروسىنىڭ الدىن الا بەرىلگەن اقپاراتى بويىنشا سانكت-پەتەربۋرگ مەتروسىندا تەراكتىنى ۇيىمداستىرعان 1995 جىلعى اكبارجون دجاليلوۆ. ال, قىرعىزستان مەملەكەتتىك ۇلتتىق قاۋىپسىزدىك كوميتەتى ونىڭ وش قالاسىنىڭ تۋماسى ەكەنىن راستاپ بەردى.
