جيىندى اشا وتىرىپ, ايماق باسشىسى ەلباسى نۇرسۇلتان نازارباەۆتىڭ 31 قاڭتارداعى حالىققا جولداۋىندا 2050 جىلعا دەيىن ءىجو-دەگى شاعىن جانە ورتا بيزنەستىڭ ۇلەسىن 50 پايىزعا دەيىن ۇلعايتۋدى تاپسىرعاندىعىن اتاپ ءوتتى. «وسى مىندەتتەردى ىسكە اسىرۋ ماقساتىندا وبلىسىمىزدا جاپپاي كاسىپكەرلىكتى دامىتۋ ءۇشىن بىرىڭعاي وڭىرلىك جول كارتاسىن ازىرلەدىك. ونىڭ باستى ماقساتى - بارلىق كاسىپكەرلىكتى قولداۋعا باعىتتالعان ۇكىمەتتىك جانە وڭىرلىك باعدارلامالاردى بىرىكتىرىپ, ولاردى ءتيىمدى پايدالانۋ بولىپ تابىلادى»,- دەدى وبلىس اكىمى.
قىزىلوردا قالاسىندا شاعىن جانە ورتا بيزنەستى دامىتۋ بويىنشا ۇسىنىستار مەن جول كارتاسىنىڭ مۇمكىندىكتەرى تۋرالى وبلىس اكىمىنىڭ ورىنباسارى ەۆگەني كيم بايانداما جاسادى.
«مۇددەلى مەملەكەتتىك ورگاندارمەن جانە قارجى ينستيتۋتتارىمەن بىرلەسىپ كاسىپكەرلىكتى مەملەكەتتىك قولداۋدىڭ بارلىق مۇمكىندىكتەرىن قاراستىرا وتىرىپ, قىزىلوردا قالاسىنىڭ ەكونوميكا سەكتورلارى بويىنشا نەگىزگى ەرەكشەلىكتەرىن ايقىنداپ, بارلىق ينديكاتورلاردى اكىمدىكتەگى احۋالدىق ورتالىققا جۇكتەدىك. ەندى ءبىز اۋىل اكىمدەرىنىڭ جاپپاي كاسىپكەرلىكتى دامىتۋ بويىنشا قاي دەڭگەيدە جۇمىس جاساپ جاتقاندىعىن انىق باقىلاپ وتىرا الامىز»,- دەدى كيم.
قالا اكىمى نۇرلىبەك نالىباەۆ قىزىلوردالىقتاردى كاسىپكەرلىككە تارتۋ بويىنشا اتقارىلعان جۇمىستار تۋرالى باياندادى. وتىرىستى قورىتىندىلاعان قىرىمبەك كوشەرباەۆ قىزىلوردا قالاسى مەن قالاعا قاراستى ەلدى مەكەندەردىڭ اكىمدەرىنە بىرقاتار ناقتى تاپسىرمالار بەردى.
ەستەرىڭىزگە سالا كەتەيىك, شاعىن جانە ورتا بيزنەستى دامىتۋ بويىنشا كوشپەلى وتىرىستار وسىعان دەيىن وبلىستىڭ بارلىق اۋداندارىندا وتكىزىلدى.
