ۇزىندىعى ەكى مەتردەن اساتىن باعالى بەكىرە بالىعى اتىراۋداعى شاباق ءوسىرۋ زاۋىتىنا جەتكىزىلدى. قازىر ونىڭ جاي-كۇيى مەن دەنساۋلىعى مامانداردىڭ ءجىتى باقىلاۋىندا. بەكىرە ءوسىرۋ زاۋىتىنىڭ باس ينجەنەرى بولات مۇحاتجيەۆتىڭ ايتۋىنشا, انالىق قورتپادان كەم دەگەندە 30 كەلى ۋىلدىرىق الۋعا بولادى.
بالىق ۇرىقتانعان سوڭ ماماندار ۋىلدىرىعىن الىپ, ءوزىن قايتادان تابيعي ورتاسىنا جىبەرەدى. جىل سايىن اتىراۋداعى ەكى زاۋىتتان جەتى ميلليونعا جۋىق بەكىرە شاباعى كاسپي تەڭىزىنە جىبەرىلىپ كەلەدى. ەندىگى كەزەكتە ەكى زاۋىتتىڭ قۋاتىن ءتورت ەسەگە ارتتىرۋ جوسپارلانىپ وتىر.
وبلىستىق ورمان شارۋاشىلىعى جانە جانۋارلار دۇنيەسى كوميتەتى توراعاسىنىڭ مىندەتىن اتقارۋشى مارلەن اينابەكوۆتىڭ ايتۋىنشا, 2018 جىلى وسى ماقساتقا 30 ملن تەڭگە قارجى بولىنەدى. سول كەزدە سۋ ايدىنىنا جىلىنا 30 ملن شاباق جىبەرۋگە مۇمكىندىك بولادى.
باقىتگۇل باباش,
«ەگەمەن قازاقستان».
اتىراۋ
