ءباسپاسوز قىزمەتىنىڭ مالىمەتىنشە, پاۆلودار وبلىسىنداعى ورتالىق ء"ماشھۇر ءجۇسىپ" مەشىتىنىڭ يمامدارى 14 ناۋرىزدان باستاپ ۆاتساپ جەلىسى ارقىلى "سۇراعىم بار.pvl" توبىن اشىپ, ءدىني سۇراقتار مەن قوسا جاستار ومىرىنە قاتىستى ماسەلەلەرگە جاۋاپ بەرۋدى قولعا الدى.
ء"دال بۇگىنگى كۇنى "سۇراعىم بار.pvl" اتتى ۆاتساپ جەلىسىندە مەشىت يمامدارى, نايب يمامدار, ازانشىلار, ۇستازداردان قۇرالعان 96 قاتىسۋشى بار. ولار ارقىلى 2 اپتانىڭ ىشىندە جەلىگە اقيدا, قارىم-قاتىناس, وتباسى قۇقىعى, مەشىت ىستەرىنە قاتىستى 105 سۇراق كەلىپ ءتۇسىپ, يمامداردان ءتيىستى جاۋاپتارىن الۋدا. "سۇراعىم بار.pvl" توبىنىڭ اكىمشىسى جانە سۇراقتارعا جاۋاپ بەرۋشى مامان - ء"ماشھۇر ءجۇسىپ" ورتالىق مەشىتىنىڭ نايب يمامى, مەدرەسە ۇستازى حاسان امانقۇلوۆ", - دەپ حابارلادى مەشىتتىڭ ءباسپاسوز قىزمەتىندەگىلەر.
سونداي-اق, ءباسپاسوز قىزمەتىنىڭ مالىمەتىنشە, پاۆلودار وبلىسى بويىنشا 128 ءدىني قىزمەتكەر جۇمىس ىستەيدى.
"ولاردىڭ ءبىلىم دەڭگەيى دە, تاجىريبەسى دە ءارتۇرلى. يمام-مولدالار جانە جاماعات تاراپىنان, اسىرەسە جاستاردان كۇندەلىكتى ءتۇسىپ جاتقان سۇراقتار وتە كوپ.بۇل ءىستىڭ نەگىزگى ماقساتى وڭىرىمىزدەگى يمام-مولدالاردىڭ ءبىلىمىن كوتەرۋ, جاستاردى جات اعىمداردان ساقتاندىرۋ جانە مونيتورينگ جاساپ, ىزدەنىس باعىتىن انىقتاپ, بولاشاقتا جەرگىلىكتى يمامدارعا ناقتى ماسەلەلەر بويىنشا سەمينارلار ۇيىمداستىرۋ بولماق. كەيىننەن سۇراق-جاۋاپتاردى جيناقتاپ, كىتاپشا شىعارۋدى ۇيعارىپ وتىرمىز", - دەدى وكىل يمام ناريمان ەرمەك ۇلى.
