«1 ساۋىردە جامان سارىسۋ وزەنىندەگى كوپىردە قار سۋى دەڭگەيىنىڭ كوتەرىلۋىنە بايلانىستى "اقسۋ-ايۋلى-اعادىر" اۆتوجولىنىڭ 72-73 شاقىرىمىندا كوپىردىڭ تىرەۋىن سۋ شايىپ كەتتى. سونىڭ سالدارىنان كوپىردىڭ كونسترۋكتسياسى قيراپ قالدى. وسى كوپىر بويىنشا بارلىق كولىك ءتۇرى ءۇشىن قوزعالىس جابىلدى, بەلگىلەر قويىلدى. تاۋلىك بويى جۇمىس ىستەيتىن كەزەكشىلەر بار», - دەدى كولىك جانە اۆتوموبيل جولدارى باسقارماسىنداعىلار.
قازىرگى ۋاقىتتا اينالمالى جولعا قاجەتتى ماتەريالدار دايىندالىپ جاتىر. قوزعالىس رەسپۋبليكالىق ماڭىزى بار "اقشاتاۋ-اعادىر-ورتاۋ" اينالمالى جولى ارقىلى جۇزەگە اسىرىلۋدا.
قۇتقارۋشىلار حالىقتى قاۋىپسىزدىك ماسەلەسىنە نەمقۇرايدى قاراماۋعا شاقىرادى. «ءار ادام ءوز ءومىرى ءۇشىن جاۋاپتى. بەلگىلى ءبىر قاعيدالاردى ۇستانسا, كەز كەلگەن جاعدايدان ساقتانۋعا بولادى. بارشا اۋىلدىقتارعا اقپان-ناۋرىزدا سۋ تاسقىنى كەزەڭىندە ءوزىن-ءوزى قالاي ۇستاۋ قاجەتتىگى تۋرالى جادىناما تاراتىلعان», دەدى تجد ءباسپاسوز قىزمەتى.
ءبىر ايتا كەتەرلىگى, سوڭعى ءۇش تاۋلىكتە قاراعاندى وبلىسىندا بىرنەشە توتەنشە جاعداي بولدى. 2 ساۋىردە قاراعاندى وبلىسىندا ەكى اعايىندىنىڭ جوعالىپ كەتكەنى جايلى حابارلانعان بولاتىن.
Cونداي-اق, وسىعان دەيىن قاراعاندى وبلىسىندا 14 ادام وتىرعان ۋازدىڭ وزەنگە ءتۇسىپ كەتكەنى حابارلانعان ەدى. ولاردىڭ ىشىندە كامەلەتكە تولماعان ءۇش بالا بار. 11 ادام كولىكتەن ءوز بەتىنشە شىققان. كەيىنىرەك سۇڭگۋىرلەر ەكى ادامنىڭ ءمايىتىن تاپقان. ولاردىڭ كىم ەكەنى ازىرگە بەلگىسىز. تاعى ءبىر ادامدى ىزدەستىرۋ جۇمىستارى جۇرگىزىلۋدە.
قاراعاندى وبلىسىنىڭ قۇتقارۋشىلارى قاتتى اعىن سۋ سالدارىنان جول جيەگىنە شىعا الماي قالعان ەكى ەر ادامعا جاعاعا شىعۋعا جاردەمدەستى. «ەكى ەر ادام اقشاتاۋ-پاۆلودار رەسپۋبليكالىق ماڭىزى بار جول جاعاسىندا سۋدا قايىقپەن كەلە جاتىپ, سۋدىڭ اعىسى قاتتى بولعاندىقتان جاعاعا جەتۋ قيىنداي تۇسەدى. ولاردى تجد جەدەل قۇتقارۋ جاساعىنىڭ قىزمەتكەرلەرى قۇتقاردى. ولار كوكتەنكول كەنتىنىڭ تۇرعىندارى. ولارعا مەديتسينالىق كومەك قاجەت بولمادى, بىردەن ۇيلەرىنە جەتكىزىلدى», - دەپ حابارلادى تجد.
