23 ءساۋىر، 2011

قازاقستان ۇلەسى جوعارى باعالاندى

224 رەت كورسەتىلدى
قازاقستان رەسپۋبليكاسىنىڭ ۆەنا قالاسىنداعى حالىقارالىق ۇيىمدار جانىنداعى جاڭادان تاعايىندالعان تۇراقتى وكىلى قايرات ءابدىراحمانوۆ بىرقاتار حالىقارالىق قۇرىلىمدار باسشىلارىنا سەنىم گراموتالارىن تاپسىردى. 14 ءساۋىر كۇنى بىرىككەن ۇلتتار ۇيىمى باس حاتشىسىنىڭ ورىن­باسارى، بۇۇ-نىڭ ۆەنا ءبولىم­شەسى­نىڭ باس ديرەكتورى، بۇۇ-نىڭ ەسىرتكىمەن قىلمىس جونىندەگى باس­قار­ما­سىنىڭ (بۇۇ ەقب) ات­قارۋشى دي­رەكتورى يۋري فە­دوتوۆ­قا سەنىم گراموتاسىن تاپ­سى­رۋ ءراسىمى بولدى. اڭگىمە بارى­سىن­دا تاراپتار ۇيىم­داس­قان قىلمىس، ەسىرتكىنىڭ زاڭسىز اينالىمى، جەم­قورلىق جانە تەرروريزممەن كۇرەس جونىندەگى ءوزارا ىنتى­ماقتاستىق ماسەلەلەرىنىڭ كەڭ اۋقىمىن تال­قىلادى. زاڭسىز اپيىن مەن كاننا­بيس­تىڭ الەمدەگى ەڭ ءىرى ءوندىرىسى جولعا قويىلعان اۋعانستان اۋما­عىنىڭ جاقىندىعىن ەسكە سالا وتىرىپ، ەلشى قازاقستان ۇكى­مەتىنىڭ ەسىرتكى ترافيگىنە قارسى ماقسات­تىلىق ارەكەتتەرىنە نازار اۋدارتتى. يۋ.فەدوتوۆ بۇۇ ەقب-نىڭ قا­زاق­ستانمەن اراداعى ىنتىماقتاس­تىق­تىڭ ماڭىزدىلىعىن اتاپ ءوتتى. ەسىرتكى قۇرالدارى مەن پسي­حوتروپ­­تىق زاتتار جانە ولاردىڭ پرەكۋر­سور­لارىنىڭ زاڭسىز اينا­لى­مىمەن كۇرەس جونىندەگى ورتالىق ازيا اي­ماقتىق اقپاراتتىق جانە ۇيلەستىرۋ ورتالىعىن قۇرۋعا ەلىمىز­دىڭ قوسقان ەرىكتى ۇلەسى مەن قىر­عىزستاننىڭ ەسىرت­كىگە باقىلاۋ ۇلت­تىق جۇيەسىن كۇشەيتۋ جونىندەگى باعدارلامانى قول­­داعانىن العىس­پەن اتاپ ءوتتى. قا­زاق­ستاننىڭ جوبا­لارعا بۇدان بىلاي دا قاتىسا­تىن­دىعىنا سەنىم ءبىلدىردى. يۋ.فەدوتوۆ، سونداي-اق، ءبىزدىڭ ەلىمىزدى قاسىم-جومارت توقاەۆ­تىڭ بۇۇ-نىڭ جەنەۆاداعى ءبولىم­شەسى­نىڭ باسشىسى بولىپ تاعايىن­دالۋى­مەن قۇتتىقتادى. بۇل – قازاق­ستان­نىڭ كوپجاقتى ىنتى­ماقتاستىق سالاسىنداعى زور ەڭبە­گىنىڭ كورىنىسى، دەپ باعالادى ول. ەسىرتكىمەن قىلمىس جونىندەگى باسقارما بۇۇ-نىڭ ماماندان­دىرىل­عان قۇرىلىمدىق بولىمشەسى بولىپ تا­بىلادى. ول ەسىرتكىنىڭ زاڭسىز اينالى­مى­مەن، حالىقارالىق قىلمىس جانە جەمقورلىقپەن كۇرەس سالاسىنداعى حا­ل­ىقارالىق ستراتەگيا ماسەلەلەرىمەن اينالىسادى، سونداي-اق، تەرروريزممەن كۇرەس سالاسىنداعى بۇۇ-نىڭ جەتەكشى باعدارلاماسى بولىپ تابىلادى. ق.ءابدىراحمانوۆ، سونداي-اق، سەنىم گراموتاسىن حالىقارالىق اتوم ەنەر­گياسى جونىندەگى اگەنتتىكتىڭ (ماگاتە) باس ديرەكتورى يۋكيا اما­نو­عا تاپسىر­دى. ماگاتە باس­شىسى قازاقستاننىڭ جاھاندىق ياد­رو­­لىق تاراتپاۋ جانە قارۋسىزدانۋ ۇدە­رى­سىندەگى وراسان ءرولىن جوعارى باعا­لادى. قازاق­ستانمەن ارا­داعى ىن­تى­ماقتاستىق ماگاتە ءۇشىن ەرەك­شە ماڭىزعا يە ەكەنىن جانە قا­زىرگى كەزدە ءوزارا ءىس-قي­مىلدى كەڭەي­تۋ­گە جاقسى مۇمكىن­دىكتەر بار ەكەنىن اتاپ كورسەتتى. يۋ.امانو ءبىزدىڭ ەلگە ءوز اۋما­عىن­دا يادرولىق وتىننىڭ حالىقارا­لىق بانكىن ورنالاستىرۋعا ۇسىنىس جا­سا­عانى ءۇشىن العىس ءبىلدىردى جانە يادرو­لىق وتىننىڭ كەپىلدى تاپسى­رىسى بويىنشا جوبالاردى العا جىلجىتۋ جونىندەگى اگەنتتىكتىڭ كەلەشەك ءىس-ارەكەتتەرى تۋرالى تۇسىنىك­تەمە بەردى. كەزدەسۋ كەزىندە جاپو­نياداعى سۇرا­پىل اپاتتان زارداپ شەككەن اتوم ەلەكتر ستانسا­لارىن­داعى وقيعالار ايا­سىن­داعى جاھان­دىق يادرولىق قاۋىپسىز­دىك جۇيەسىن كۇشەيتۋ جونىندە پىكىر الماسۋ بولدى. 19 ءساۋىر كۇنى قازاقستاننىڭ تۇ­راقتى وكىلى سەنىم گراموتاسىن ياد­رولىق سىناقتارعا جاپپاي تى­يىم سالۋ شارتى ۇيىمىنىڭ (ياسجتشۇ) اتقارۋشى حاتشىسى تيبور توتقا تاپسىردى. كەزدەسۋ بارىسىندا تاراپتار قازاقستان مەن ياسجتشۇ ءۇشىن وزەكتى ماسەلەلەردى تال­قىلادى. ق.ءابدىراحمانوۆ ءبىزدىڭ ەلدىڭ شارت­تىڭ كۇشىنە ەنۋ ۇدەرىسىن جىل­دامداتۋ ىسىندە بەلسەندى ءرول اتقارا بەرەتىنىن ايرىقشا اتاپ ءوتتى. شارت­قا ساي قازاقستان اۋماعىندا ورنا­لاس­قان بارلىق مونيتورينگ ستانسا­لارى ء(تور­تەۋى سەيسميكالىق، بىرەۋى ينفرادى­بىس­تىق) ياسجتشۇ سەرتي­فيكا­تسيا­سىنان ءوتتى جانە ۇيىمنىڭ ۆەناداعى حالىقارالىق مالىمەت ورتالىعىنا ءتيىستى اقپاراتتى جىبەرىپ وتىرادى. ءوز كەزەگىندە ت.توت قازاقستان­نىڭ جاھاندىق قاۋىپسىزدىككە قوسقان تاريحي ۇلەسىن، سونداي-اق، ءبىزدىڭ ەلدىڭ ۇيىم قىزمەتىندە جانە ونىڭ الەۋە­تىن ارتتىرۋعا قاتىسۋىن اتاپ ءوتتى. قازاقستان پرەزيدەنتى نۇرسۇل­تان نازارباەۆتىڭ باستامالارى جاھان­دىق يادرولىق قاۋىپسىزدىك پەن يادرولىق ەنەرگيانى بەيبىت قولدا­نۋعا ەلەۋلى ۇلەس قوسادى، دەلىندى. يسلام كونفە­رەنتسياسى ۇيىمىنىڭ توراعاسى جانە ازياداعى ءوزارا ءىس-قيمىل جانە سەنىم شارالارى ءجو­نىن­دەگى كەڭەس ۇدەرىسىنىڭ نەگىزىن قالاۋ­شى رەتىندە قازاقستان ياسجتش-عا قول قويماعان تاياۋ شىعىس جانە وڭتۇستىك-شىعىس ازيا ەلدەرىنە ۇلگى كورسەتە الادى، دەدى ول. 2011 جىلى قازاقستاندا بولاتىن سەمەي سىناق پوليگونى جابى­لۋىنىڭ 20 جىلدىعىنا ارنالعان ءىرى حالىق­ارالىق ءىس-شارالار مەن 29 تامىزدى يادرولىق سىناقتارعا قار­سى ارەكەت­تەر­دىڭ حالىقارالىق كۇنى رەتىندە اتاپ ءوتۋ ۇيىمدار باسشى­لارى تارا­پىنان اي­رىق­شا قىزىعۋ­شىلىق تۋدىردى. تالعات جۇماعۇلوۆ، «ەگەمەن قازاقستان» – ۆەنادان.
سوڭعى جاڭالىقتار

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار