23 ءساۋىر، 2011

تاسىمال جۇيەسىندە توقىراۋ كوپ

264 رەت كورسەتىلدى
ەلىمىزدىڭ گەوگرافيالىق جاع­دايى، سوعان وراي ونىڭ جۇك تاسى­مال­داۋ اۋقىمى الەم ەلدەرىنىڭ كولىكتىك تاسىمالداۋ جۇيەسىنەن ەش قالىسپايتىنى انىق. ال تاسىمال­داۋدىڭ نەگىزگى كوزى اۆتوموبيل جانە تەمىر جول جۇيەلەرى بولىپ تابىلادى. بۇعان بىرنەشە مىڭ شا­قىرىمدى قۇرايتىن سۋ جانە اۋە جولدارى دا قوسىلادى. سوڭعى كەزدەرى ەلىمىزدە تاسى­مال­داۋ جۇيەسىنىڭ ماڭىزى ارتا ءتۇس­كەنى بەلگىلى. بىراق سوعان وراي بۇل سالاداعى نەگىزگى كەمشىلىكتەر تاسى­مالداۋ جۇيەسىنىڭ جۇيەلى جۇمىس ىستەۋىنە كەدەرگى كەلتىرىپ، قۇلاشىن كەڭىنەن سەرمەۋگە تۇساۋ سالىپ وتىر­عانى دا بەلگىلى بولدى. بۇل تۋرالى كەشە «نۇر وتان» حدپ جانىنداعى جەمقورلىقپەن كۇرەس جونىندەگى رەسپۋبليكالىق قوعامدىق كەڭەستىڭ 19-شى وتىرى­سىندا ايتىلدى. وتىرىستا قارالعان ماسەلەلەر كولىك جانە كوممۋنيكاتسيا مينيسترلىگى سالاسىنا قاتىستى جايلارعا بايلانىستى ءوربىدى. سوعان وراي بايان­داما جاساعان كولىك جانە كوممۋنيكاتسيا ۆيتسە-ءمينيسترى ەركىن ءدۇي­سەم­باەۆ مينيسترلىكتىڭ جانە ونىڭ اۋماقتىق ورگاندارىنىڭ جەم­قور­لىقپەن كۇرەس بويىنشا جۇمىسى ويداعىداي اتقارىلىپ جاتقان­دى­عىن تىلگە تيەك ەتتى. وندا جەم­قور­لىق قۇقىق بۇزۋشىلىق جاساۋعا مۇمكىندىك تۋعىزاتىن كەدەرگىلەردى جويۋ بويىنشا بىرقاتار شارالار قولعا الىنعان، قاداعالاۋ قىزمەت­تەرىن قۇقىقتىق رەگلامەنتتەۋ جانە قىزمەتتەردى ۇسىنۋ بو­يىن­شا دا بىرقاتار جۇمىستار ات­قارىلعان. ءتىپتى بايانداما­شى­نىڭ ايتۋىنا قا­راعاندا، WEB-سايتتا «كولىك سالا­سىن­داعى جەمقور­لىق­قا توسقاۋىل» اتتى ءبولىم دە اشىلعان كورىنەدى. الايدا، وتىرىستا ءسوز العان قوعامدىق كەڭەس مۇشەلەرى ەلىمىزدەگى اۆتوموبيل جولدارىنىڭ نا­شار­لىعى كولىك قاتىناسىن مۇلدە ءتو­مەندەتىپ وتىرعانىن كولدەنەڭ تارت­تى. بيۋدجەتتەن بولىنەتىن مول قا­راجات دىتتەگەن ماقساتقا جەتپەيدى، سونىڭ سالدارىنان قىسقا ءجىپ كۇر­مەۋگە كەلمەي، تاپشىلىق قولدى بايلايدى. اسىرەسە، قولدا­نىستاعى تەحنيكا مەن تەحنولو­گيا­لار­دىڭ ەسكىرۋى، ينفراقۇرىلىم سالاسىنىڭ دامىماۋى سالدارىنان قازىرگى تاسى­مالداۋ جۇيەسىنىڭ جۇ­مىسى قاناعات­تانارلىق دەڭگەيدە ەمەس. جول قاۋىپ­­سىزدىگى دە حالىق­ارا­لىق تالاپ نور­مالارىنان ءال­دە­قايدا تومەن جاتىر. مۇنىڭ باستى كەمشىلىگى، بالىق با­سىنان ءشىريدى دەگەندەي، اتالعان مينيسترلىكتە سىبايلاس جەمقور­لىقتىڭ شەكتەن تىس وسۋىندە بولىپ وتىرعان كورىنەدى. وندا تەك مەملەكەتتىك ساتىپ الۋلار سالاسىندا عانا 36 ميلليارد تەڭگە كولەمىندە زاڭ بۇزۋشىلىقتار ورىن العان. سوڭعى ەكى جىلدا كولىك جانە كوممۋنيكاتسيا مينيسترلىگى سالا­سىن­دا سىبايلاس جەمقورلىقتىڭ ەداۋىر ۇلعايعانىن وتى­رىسقا قا­تىسقاندار ءتۇرلى دالەلدەر كەلتىرە ايتتى. وتكەن جىلى اتالعان مينيسترلىكتىڭ قىزمەتكەرلەرى ارا­سىن­دا 21 جەمقورلىق كورىنىسى انىق­­تالعان، بۇل – بۇرىنعى جىل­دارمەن سالىستىرعاندا 40 پا­يىزعا كوپ. ال وسى كەلەڭسىز قىل­مىستاردىڭ تۇگەلگە جۋىعىن، ياع­ني 90 پايىزىن كولىكتەگى باقىلاۋ كوميتەتىنىڭ قىزمەتكەرلەرى جاساپ­تى. الەكساندر تاسبولاتوۆ.
سوڭعى جاڭالىقتار

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار