اق تىلەكتەر اعىنى

مەملەكەت باسشىسى ن.نازارباەۆتىڭ اتىنا پرەزيدەنتتىك سايلاۋداعى جەڭىسىمەن قۇتتىقتاعان جەدەلحاتتار مەن حاتتار شەتەلدىك قوعام قايراتكەرلەرى مەن قازاقستان­دىق­تاردان كەلىپ ءتۇسۋى جالعاسۋدا. گەرمان بۋندەستاگىنىڭ ءمۇ­شە­سى, بۇرىنعى فەدەرالدىق مينيستر ميحاەل گلوس ەلباسىن پرەزيدەنتتىك سايلاۋداعى جە­ڭى­سى­مەن قۇتتىقتايدى. ودان ءارى حاتىندا: «ءسىز قازاقستاندى تەڭ­دەسى جوق ەكونوميكالىق تا­بىس­قا, ال حالقىڭىزدى بەيبىتشىلىككە, جوعارى تۇرمىس دەڭگەيىنە باس­تاپ اكەلدىڭىز. ءسىزدىڭ ساي­لاۋ­داعى ناتيجەڭىز وسىنىڭ ايقىن ايعاعى. ءسىز ەلىڭىزدىڭ دامۋى با­رىسىن ماقتان ەتۋگە ابدەن قۇقىلىسىز», دەپ ەڭ ىزگى تىلەگىن جولدايدى. گەرمان ەكونوميكاسى شى­عىس كوميتەتىنىڭ بۇرىنعى ءتور­اعاسى, پروفەسسور كلاۋس مانگولد قۇتتىقتاۋ حاتىندا: «اسا قادىرلى پرەزيدەنت مىرزا! ءسىز­دىڭ كورەگەن ساياساتىڭىز, ەكو­نو­ميكالىق العىرلىعىڭىز, ينتە­گرا­تسياعا دەگەن ۇمتىلىسىڭىز بەن ەل باسقارۋداعى قاجىر-قاي­راتىڭىز قازاقستاننىڭ الەم­دە­گى ءىرى مەملەكەتتەردىڭ ارا­سىن­داعى ماڭىزدى ورنىن قامتا­ما­سىز ەتۋگە زور ۇلەس قوسقانىن سوڭعى ونجىلدىقتار ايقىن ءدا­لەلدەپ بەردى», دەي كەلىپ, ەل­با­سى ن.ءا.نازارباەۆقا دەنساۋلىق, با­قىت جانە تولايىم تابىس تىلەيدى. «جاس عالىمداردى قولداۋعا ارنالعان پرەزيدەنت گرانتىنىڭ يەگەرىمىن. جاس وتباسىلارعا ار­نالعان باعدارلاما ارقاسىندا يپوتەكالىق پاتەرگە يە بولدىم. سىزگە دەگەن العىسىمىز شەكسىز. ءسىزدىڭ قۇرمەتىڭىزگە تۇڭعىش ۇلىم­نىڭ ەسىمىن نۇرسۇلتان دەپ قويعانمىن. بالام دا ءسىزدىڭ اتىڭىزعا كىر كەلتىرمەي, 4 پەن 5-كە وقىپ جاتىر. ورتانشى ۇلىم­­­نىڭ اتى – ەرنۇر. قازاق­ستان رەسپۋب­ليكاسىن ءوزىڭىز ءدۇ­نيە جۇزىنە پاش ەتكەن ەقىۇ-نىڭ ءسامميتى كۇنى كەلىنشەگىم ءما­دينا ءۇشىنشى ۇلىم – ەرسۇل­تاندى دۇنيەگە اكەلدى. وتبا­سىن­داعى بارلىعىمىز ءسىزدى جاقسى كورەمىز. وسى حاتتى ءۇش ۇلىم­نىڭ اتىنان جولداپ وتىر­مىن», دەپ جازادى الماتى قالا­سىنىڭ تۇرعىنى ەرجان كولدەەۆ. باتىس قازاقستان وبلىسى, ساي­قىن اۋىلىنىڭ تۇرعىنى, سوتسياليستىك ەڭبەك ەرى ەسكەندىر ەسىموۆ­تىڭ حاتىندا ەلباسىنىڭ باتىل باستاما­لارى مەن ساليقالى سايا­ساتىنىڭ ار­قا­سىندا قازاقستان حال­قى تاۋەل­سىزدىك تۇعىرىنا كو­تەرىلىپ, تاريحي از ۋاقىتتا ەل جا­ڭارىپ, حالىقتىڭ ءال-اۋقاتى ارتا تۇسكەنى اتاپ وتىلگەن. وڭتۇستىك قازاقستان وبلىسىنىڭ ءباي­دىبەك, سارىاعاش, ماقتاارال اۋ­داند­ا­رىن­داعى ەتنو­مادەني بىرلەستىكتەر, ايەلدەر كەڭە­سى, ەڭبەك جانە سو­عىس ارداگەرلەرى, زەينەتكەرلەرى, وب­لىس­تىق جانە اۋ­دان­دىق ءماسلي­حات دەپۋتاتتارى, اۋىل­دىق وكرۋگ اكىم­دەرى, مەكتەپ جانە جوعارى وقۋ ورىن­دارىنىڭ ۇجىمدارى, ەڭبەك ۇجىم­دارى مەن جەكە شارۋاشى­لىق جە­تەكشىلەرى اتى­نان جولدان­عان قۇت­­تىقتاۋ حات­تارىندا تاۋەل­سىز ەلى­مىزدىڭ ەكو­نو­ميكاسىنىڭ جىل سايىن ارتۋى, جاڭا باستاما, جاڭا تابىس­تارى­مەن جانە دەمو­كراتيالىق ۇدەرىستەرىمەن الەم نا­زارىن اۋ­دارىپ وتىرعانى, شى­نايى مەملەكەتتىك كوزقاراستىڭ قا­لىپ­تاسىپ, وتانىمىزدىڭ گۇل­دەنۋى ەلباسى­نىڭ ەسىمىمەن تىعىز بايلا­نىستى ەكەنى كەڭىنەن بايان­دالعان. پاۆلودار وبلىسى, بەرەگوۆوە اۋىلىنىڭ تۇرعىنى, زەينەتكەر جۇپار ۋسپانوۆا, پاۆلودار اۋدا­نى بويىنشا شتاب مۇشەسى الەكساندر جانعازين, سەمەي قالاسى­نىڭ تۇرعىنى, سازگەر ارعىنبەك احمەتجانوۆ, وقو ماقتاارال اۋ­د­انىنىڭ تۇرعىنى, باتىر انا سارسەنكۇل بۇقارباەۆا, قىزىل­وردا وبلىسى, اقمايا اۋىلىنىڭ تۇر­عىنى, باتىر انا راۋشان نۇرىم­بەتقوجاەۆا جانە «سترويكلاسس» جشس باس ديرەكتورى ولگا گوستەۆا جولداعان حاتتاردا ەلباسىنا دەگەن حالىقتىڭ ىستىق ىقىلاسى, زور قۇرمەتى, مەملەكەت باسشىسىنا دەگەن جۇرتشىلىق سۇيىسپەنشىلىگى, سون­داي-اق پرەزيدەنت جۇرگىزىپ وتىرعان الەۋمەتتىك-ەكونوميكالىق جاڭارۋ­لارعا بىلدىرىلگەن قولداۋلارى ايقىن كورىنىس تاپقان.