شىمكەنت قالاسىنا جاساعان ەكى كۇندىك جۇمىس ساپارىندا گەرمانيالىق كاسىپكەرلەر وقو كاسىپكەرلىك پالاتاسىندا, «Ontustik» تۋريستتىك-اقپاراتتىق ورتالىعىندا جانە «تاسساي», «وڭتۇستىك» يندۋستريالدى ايماعى مەن ارنايى ەكونوميكالىق ايماقتا ورنالاسقان كاسىپورىنداردا بولىپ, ونداعى جۇمىسپەن تانىستى, دەپ حابارلايدى وقو اكىمىنىڭ ءباسپاسوز قىزمەتى.
دەلەگاتتار قۇرامىندا ورتا ازياداعى گەرمانيانىڭ ەكونوميكالىق وكىلدىگىنىڭ ورىنباسارى گ.جۋنۋساليەۆا, «Robert Bosch» جشس-ءنىڭ ديرەكتورى ۆ.كولومىتسىن, «SEW-EURODRIVE» كومپانياسىنىڭ وكىلى مەن «ۆيرتگەن قازاقستان» كاسىپورىننىڭ باس ديرەكتورى ا.ەلگونوۆ بار.
قازاقستان مەن گەرمانيا اراسىندا ساۋدا-ەكونوميكالىق ىنتىماقتاستىق قارىم-قاتىناس جوعارى. گەرمانيا ەۋروپالىق وداقتا قازاقستاننىڭ باستى سەرىكتەسى بولىپ تابىلادى. ال, وڭتۇستىك قازاقستاندا بۇگىندە گەرمانيالىق كاسىپكەرلەردىڭ قاتىسۋىمەن ينۆەستيتسيا كولەمى 52 ملرد. تەڭگە بولاتىن 3 جوبا جۇزەگە اسىرىلۋدا.
ەكى ەلدىڭ ەكونوميكاسىنىڭ ءار ءتۇرلى سالاسىندا ىنتىماقتاستىق ورناتۋ مەن دامىتۋ ماسەلەلەرىن تالقىلاۋ ماقساتىندا وڭىرگە كەلگەن مارتەبەلى مەيماندارمەن وبلىس اكىمى ج.تۇيمەباەۆ كەزدەستى.
«بۇگىندە مەملەكەت شەتەل ينۆەستورلارىنا كوپتەگەن مۇمكىندىكتەردى قاراستىرىپ وتىر. ال اۋىل شارۋاشىلىعى مەن شاعىن كاسىپكەرلىك سالاسى جولعا قويىلعان وڭتۇستىك قازاقستان ينۆەستيتسيا سالۋعا قولايلى ءوڭىر بولىپ تابىلادى. ەكى جاقتىڭ ىنتىماقتاستىعىن ارتتىرۋ, قازاق-نەمىس كاسىپكەرلەرى تاجىريبە الماسىپ, سەرىكتەس بولۋعا مۇمكىندىك تۋدىراتىن بيزنەس-فورۋم وتكىزۋ قاجەت. گەرمانيانىڭ ءتۇرلى سالادا تاجىريبەسى مول ەكەنىن ەسكەرە وتىرىپ, بەلسەندى بايلانىس ورناتۋعا نيەتتىمىز»,- دەدى ج.تۇيمەباەۆ.
سونىمەن قاتار, اكىم گەرمانيانىڭ باس كونسۋلىنا تۇركيا ەلىندەگىدەي نەمىستىڭ ەكى اۆتوشينا شىعاراتىن زاۋىتى مەن «Merسedes» ماركالى اۋىر جۇك كولىگىن (فۋرا) شىعاراتىن ماشينا قۇراستىراتىن زاۋىتىنىڭ فيليالىن وڭتۇستىك وڭىرىندە دە اشۋدى ۇسىندى.
باس كونسۋل ءوز كەزەگىندە نەمىس كومپانيالارى وڭتۇستىك قازاقستان وبلىسىن دامىتۋعا ارنالعان ءارتۇرلى جوبالارعا قاتىسۋعا دايىن ەكەندىگىن ايتىپ, ەكى ەل اراسىنداعى ىنتىماقتاستىق بەرىك, ءارى سەنىمدى ارىپتەس ەكەنىن جەتكىزدى.
«ساپار بارىسىندا نەمىس كاسىپكەرلەرىن كوپتەپ تارتۋ ءۇشىن ولارعا قىزىقتى بولىپ تابىلاتىن ءوڭىردىڭ ينۆەستيتسيالىق مۇمكىندىكتەرىن تارازىلاۋ ماقساتىندا يندۋستريالدى ايماقتاردىڭ جۇمىسىمەن تانىستىم. وڭتۇستىك قازاقستان وبلىسى مەن ونىڭ ورتالىعى شىمكەنت قالاسى گەرمانيا ءۇشىن قازاقستاننىڭ باسقا وبلىستارىمەن سالىستىرعاندا ماڭىزدى ءوڭىر بولىپ تابىلادى. سەبەبى, كۇنگەي ايماق حالقىنىڭ تىعىز قونىستانعاندىعىمەن عانا ەمەس, ەكونوميكالىق جاعىنان وتە دامىعان ايماقتاردىڭ ءبىرى بولىپ تابىلادى. مۇنان بولەك, قازاقستان مەن گەرمانيا وسى جىلى قوس ەل اراسىنداعى ديپلوماتيالىق قاتىناستىڭ ورناتىلعانىنا 25 جىل تولۋىن اتاپ وتپەك. سوندىقتان, قازاقستان ساۋدا-ەكونوميكالىق جاعىنان گەرمانيانىڭ ورتا ازياداعى سەنىمدى ستراتەگيالىق سەرىكتەسى بولىپ تابىلاتىنىن ايتا وتكىم كەلەدى» –دەدى يورن روزەنبەرگ.
تاراپتار بارلىق قىزىعۋشىلىق تانىتاتىن ماسەلەلەر بويىنشا تۇراقتى اقپاراتپەن الماسۋ جانە اۋىل شارۋاشىلىعى سالاسىنداعى ەكىجاقتى ىنتىماقتاستىقتى بارىنشا ارتتىرۋ تۋرالى ۋاعدالاستى.
