17 جىلدان بەرى توكيو تەحنولوگيالىق ۋنيۆەرسيتەتىندە, كاناداداعى ۆاتەرلەو ۋنيۆەرسيتەتى مەن نازارباەۆ ۋنيۆەرسيتەتىندە ليتي-كۇكىرت اككۋمۋلياتورىن زەرتتەۋمەن اينالىسىپ كەلە جاتقان وتانداسىمىز جۇماباي باكەنوۆ جاساعان ونىمگە قازىردىڭ وزىندە قازاقستان مەن قىتاي كومپانيالارىنان ۇسىنىس ءتۇسىپ جاتىر.
2013 جىلى نازارباەۆ ۋنيۆەرسيتەتىنىڭ حيميا ينجەنەرلىگى عىلىمىنىڭ پروفەسسورى, باتارەيا ينستيتۋتىنىڭ نەگىزىن قالاۋشىسى جانە پرەزيدەنتى, تەحنيكا عىلىمدارىنىڭ دوكتورى (جاپونيا), حيميا عىلىمدارى سالاسىندا PhD دارەجەلى عالىمى (قازاقستان ۇلتتىق عىلىم اكادەمياسى) دۇنيەجۇزىلىك بانك پەن قر ۇكىمەتىنىڭ كوممەرتسيالاۋ باعدارلاماسى بويىنشا ليتي-كۇكىرت اككۋمۋلياتورلارىن جاساۋ ءۇشىن 1,5 ملن دوللار گرانت جەڭىپ العان.
عالىمنىڭ ايتۋىنشا, ونىڭ جاساعان اككۋمۋلياتور باسقارالارعا قاراعاندا 5 ەسە سىيىمدى, قولدانۋشى ءۇشىن دە, ەكولوگيالىق تۇرعىدان دا قاۋىپسىز جانە وزىندىك قۇنى ارزانعا تۇسەدى.
"باتارەيانىڭ قۇنى سمارتفون, نوۋتبۋك پەن وزگە دە گادجەتتەردىڭ وزىندىك قۇنىنىڭ 30-35 پايىزىن قۇرايدى", - دەيدى عالىم.
قازىرگى تاڭدا باكەنوۆتىڭ جەتەكشىلىگىمەن ءبىر توپ عالىم بىرنەشە زەرتحانادا جۇمىس ىستەپ جاتىر. ونىڭ ءبىرى استاناداعى نازارباەۆ ۋنيۆەرسيتەتىنە قاراستى "استانا ۇلتتىق زەرتحاناسىنداعى" اككۋمۋلياتور ينستيتۋتى بولسا, ەندى ءبىرى قىتايداعى حەيان قالاسىندا.
قازىرگى تاڭدا جوبانىڭ قۇنىن عالىمدار 15 ملە دوللارعا باعالاپ وتىر.
