كەزدەسۋ بارىسىندا جىبەك جولى قورىمەن «قازاگرو» حولدينگىنىڭ اۋىل شارۋاشىلىعى شيكىزاتىن قايتا وڭدەۋ جوبالارىن قارجىلاندىرۋ بويىنشا ءوزارا بايلانىسى, «CCIC «China Certification & Inspection Group» توبىنىڭ اۋىل شارۋاشىلىعى ونىمدەرى مەن كاسىپورىندارىن سەرتيفيكاتتاۋى ماسەلەلەرى قارالدى, دەپ حابارلايدى قر اۋىل شارۋاشىلىعى مينيسترلىگىنىڭ ءباسپاسوز قىزمەتى.
Wilmart, CITIC جانە COFCO سىندى ترانسۇلتتىق 8 قىتايلىق كومپانيا وكىلدەرىمەن اۋىل شارۋاشىلىعى ونىمدەرىن قايتا وڭدەۋ جوبالارىن قارجىلاندىرۋدى تالقىلاۋ بارىسىندا ا.مىرزاحمەتوۆ اوك-كە قاتىستى مەملەكەت ساياساتىنىڭ باسىم باعىتتارىن جانە قازاقستانداعى ينۆەستيتسيالىق ورتانى جاقسارتۋدىڭ جاڭا ادىستەمەسىن ءتۇسىندىردى. سونىمەن قاتار, «China National Machinery IMP&EXP Corp» كورپوراتسياسىمەن ا.ج. مامىردا الماتىدا اۋىل شارۋاشىلىعى ماشينالارىنا ارنالعان كورمە ۇيىمداستىرۋ جانە ەل اۋماعىندا ماشينا جاساۋ جانە جابدىقتاۋ زاۋىتتارىن سالۋ بويىنشا كەلىسسوزدەر جۇرگىزىلدى.
قىتايلىق كاسىپكەرلەرمەن كەزدەسۋ سوڭىندا «ازىق-ت ۇلىك كەلىسىم شارت كورپوراتسياسى» ۇك» اكتسيونەرلىك قوعامىمەن «Asia Pacific Food Capital Co., Ltd.» جانە «Wilmart» كومپانيالارى اراسىندا ءوزارا ىنتىماقتاستىق جانە ساۋدا بويىنشا كەلىسىمشارتقا قول قويۋ سالتاناتى بولىپ ءوتتى.
ايتا كەتەيىك, ا.مىرزاحمەتوۆ بۇعان دەيىن قحر ساپانى قاداعالاۋ, ينسپەكتسيا جانە كارانتين جونىندەگى باس باسقارماسى توراعاسى چجي شۋپين جانە قحر اۋىل شارۋاشىلىعى ءمينيسترى حان چانفۋمەن كەزدەسكەن ەدى. ول جۇزدەسۋلەردىڭ ناتيجەسىندە كورشىلەس ەلگە ەكسپورتتالاتىن بيداي كەبەگى پارتيالارىنا قويىلاتىن ينسپەكتسيا, كارانتين جانە سانيتارلىق تالاپتار تۋرالى حاتتاماعا قول قويىلىپ, اۋىل شارۋاشىلىعى تەحنولوگياسى ترانسفەرتى مەن عىلىمي-تەحنيكالىق ىنتىماقتاستىق جونىندەگى ۆەدومستۆالار ارالىق جۇمىس توبىن جاساقتاۋ ورتالىق ازيا ايماعى ءۇشىن سەلەكتسيالىق-گەنەتيكالىق ورتالىق قۇرۋ ماسەلەلەرى نازارعا الىندى.
سونىمەن قاتار, اسقار مىرزاحمەتوۆ قحر اۋىل شارۋاشىلىعى ءمينيسترى حان چانفۋمەن كەزدەستى. شارادا ورتالىق ازيا ايماعى ءۇشىن سەلەكتسيالىق-گەنەتيكالىق ورتالىق قۇرۋ ماسەلەسى قارالدى.
كەزدەسۋ بارىسىندا 2016 جىلى قول قويىلعان قر اشم مەن قحر اشم اراسىنداعى بىرىككەن ءىس-قيمىل جونىندەگى جوسپاردى ىسكە اسىرۋ, اۋىل شارۋاشىلىعى سالاسىندا عىلىمي-تەحنيكالىق سەپتەستىك جانە «وڭتۇستىك-وڭتۇستىك» حالىقارالىق باعدارلاماسى اياسىندا ءوزارا ىنتىماقتاسۋ ماسەلەلەرىن ورتاعا سالدى. وسى قاتاردا اۋىل شارۋاشىلىعى تەحنولوگياسى ترانسفەرتى مەن عىلىمي-تەحنيكالىق ىنتىماقتاستىق جونىندەگى ۆەدومستۆالار ارالىق جۇمىس توبىن جاساقتاۋ مەن ورتالىق ازيا ايماعى ءۇشىن سەلەكتسيالىق-گەنەتيكالىق ورتالىق قۇرۋ ماسەلەلەرى دە نازارعا الىندى.
ايتا كەتەيىك, ا.مىرزاحمەتوۆ بۇعان دەيىن قحر ساپانى قاداعالاۋ, ينسپەكتسيا جانە كارانتين جونىندەگى باس باسقارماسى توراعاسى چجي شۋپينمەن كەزدەسىپ, كورشىلەس ەلگە ەكسپورتتالاتىن بيداي كەبەگى پارتيالارىنا قويىلاتىن ينسپەكتسيا, كارانتين جانە سانيتارلىق تالاپتار تۋرالى حاتتاماعا قول قويىلعان بولاتىن.
