ۇلتتىق بانك وكىلدەرىنىڭ حابارلاۋىنشا, بۇعان دەيىن اعىننىڭ ەڭ جوعارعى كورسەتكىشى 13,1 ميلليارد اقش دوللارى بولعان جانە بۇل كورسەتكىش 2008 جىلى تىركەلگەن ەدى.
"شەتەلدىك تىكەلەي ينۆەستيتسيالاردىڭ رەكوردتىق اعىنى 2016 جىلى قازاقستان تولەم بالانسىن قارجىلاندىرۋدىڭ نەگىزگى قارجى كوزى بولدى", - دەپ ءتۇسىندىردى قرۇب وكىلدەرى.
قارجى رەتتەۋشىسىنىڭ دەرەكتەرى بويىنشا, 2016 جىلى شەتەلدىك تىكەلەي ينۆەستيتسيالاردىڭ (شتي) قازاقستانعا جالپى اعىنى 2015 جىلمەن سالىستىرعاندا 40 پايىزعا ۇلعايىپ, 20,6 ميلليارد اقش دوللارى بولدى. تاۋ-كەن ونەركاسىبى, گەولوگيالىق بارلاۋ جانە ىزدەستىرۋ قىزمەتى جانە وڭدەۋشى ونەركاسىپ شتي-ءدى نەگىزگى الۋشىلار بولدى.
"شتي اعىنى قۇراۋىشتارىنىڭ ءبىرى بەيرەزيدەنتتەردىڭ كىرىستەرىن قايتا قارجىلاندىرۋى بولدى, ونىڭ كولەمى 2016 جىلى 4,9 ميلليارد اقش دوللارىنان استى. بىرلەسكەن قازاقستاندىق كاسىپورىندار كىرىستەرىنىڭ وسۋىمەن قاتار شەتەلدىك ينۆەستورلار كاسىپورىنداردىڭ وندىرىستىك قىزمەتىن قارجىلاندىرۋ ءۇشىن ەلدە قالدىراتىن ءوز پايدالارىنىڭ ۇلەسىن ۇلعايتتى", - دەپ اتاپ ءوتتى قازاقستان ۇلتتىق بانكىنىڭ وكىلدەرى.
