23 ءساۋىر، 2011

پاسحا مەرەكەسىمەن قۇتتىقتادى

268 رەت كورسەتىلدى
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ بارشا قازاقستاندىقتاردى پاسحا مەرەكەسىمەن قۇت­تىق­تادى. مەملەكەت باسشىسىنىڭ قۇتتىقتاۋىندا بىلاي دەلىنگەن: قۇرمەتتى قازاقستاندىقتار، ءسىز­دەردى پاسحا جارقىن مەرەكەسىمەن قۇتتىقتايمىن! بۇگىن ونى بارشا قازاقستاندىقتار اتاپ ءوتۋ­دە. قازاقستان – كوپەتنوستى جانە كوپكونفەسسيالى ەل. ءبىزدىڭ باستى بايلىعىمىز – حالىقتار مەن دىندەر اراسىنداعى بەيبىتشىلىك پەن كەلىسىم. بىزدە ناۋرىز، قۇر­بان ايت، روجدەستۆو، ورازا ايت، پاس­حانى بىرگە قارسى الۋ بۇ­رىن­نان جاقسى داستۇرگە اينالعان. قا­زاقستان جەرىندە بارلىق ەتنوس­تاردىڭ مادەنيەتى گۇلدەنۋدە جانە ءبىر-ءبىرىن بايىتا ءتۇسىپ وتىر. قازاقستان باسشىسى، سونداي-اق بۇگىنگى مەرەكە كۇنى ءبىزدىڭ قو­عام­داعى مورالدىق قاعيدالار مەن وتباسىلىق قۇندىلىقتاردى نى­عاي­تۋداعى ءدىننىڭ زور جاسام­پاز­دىق ءرولىن اتاپ وتەدى. ءبىزدىڭ بىرلىگىمىز توزىمدىلىككە، ادامدى سۇيۋگە، قايىرىمدىلىققا شاقىراتىن جوعارى ادامگەرشىلىك مۇراتتارعا نەگىزدەلگەن، دەيدى پرەزيدەنت. تاۋەلسىزدىكتىڭ 20 جىلىندا ءبىز­دىڭ بىرلىگىمىز بەن توپتاس­قان­دى­عىمىزدىڭ ارقاسىندا ءبىز ءور­كەندەگەن قازاقستاندى قۇردىق. جانە بۇگىندە ءبىزدىڭ رەسپۋب­لي­كامىز تۇراقتىلىقتىڭ، بەيبىتشىلىك سۇيگىشتىكتىڭ جانە كەلىسىمنىڭ ۇلگىسى بولىپ تابىلادى. بۇكىل الەم ءبىزدىڭ ەلىمىزدىڭ وركەندەگەن الەۋەتىن كورۋدە جانە قا­زاق­ستان­نىڭ الەمدىك قوعامداستىقتاعى ماڭىزدى جانە جاۋاپتى ءرولىن مويىندايدى، دەيدى مەملەكەت باسشىسى. مەملەكەت باسشىسى، سونى­مەن قاتار، ءبىزدىڭ ورتاق پارى­زى­مىز، قازاقستاندى سۇيگەن ءاربى­رى­مىزدىڭ پارىزىمىز – رۋحاني جانە مادەني قۇندى­لىق­تاردى ساقتاۋ، ەلىمىزدە حالىق­تىڭ بىرلىگى مەن تۇراقتىلىقتى ايالاي ءبىلۋ جانە نىعايتۋ ەكەنىن اتاپ كور­سە­تەدى. جانە وسى جار­قىن مەرەكە كۇنى بارشاعا مىقتى دەنساۋ­لىق، يگىلىك جانە قۇت-بەرەكە تىلەيدى. ءار شاڭى­راقتا، ءبىزدىڭ ور­تاق ءۇيىمىز – قازاقستان رەس­پۋب­ليكا­سىندا بەي­بىتشىلىك پەن تى­نىش­تىق سالتانات قۇر­سىن! مە­رەكە­لەرى­ڭىزبەن، قىمبات­تى وتان­داس­تا­رىم!   – دەيدى قۇت­تىقتاۋى­نىڭ سو­ڭىندا نۇرسۇل­تان نازارباەۆ.
سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار