2010 جىلعى 29 قاراشا الماتى قالاسى
ساقتاندىرۋ پورتفەلىن بەرۋ ەرەجەسىن بەكىتۋ تۋرالى
2000 جىلعى 18 جەلتوقسانداعى «قازاقستان رەسپۋبليكاسىنداعى ساقتاندىرۋ قىزمەتى تۋرالى» قازاقستان رەسپۋبليكاسىنىڭ زاڭىن جۇزەگە اسىرۋ ماقساتىندا قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسى (بۇدان ءارى – اگەنتتىك) قاۋلى ەتەدى:
1. ساقتاندىرۋ پورتفەلىن بەرۋ ەرەجەسىنە قوسا بەرىلىپ وتىرعان قوسىمشاعا سايكەس بەكىتىلسىن.
2. مىنالار:
1) اگەنتتىك باسقارماسىنىڭ 2006 جىلعى 25 ناۋرىزداعى «ساقتاندىرۋ پورتفەلىن بەرۋ ەرەجەسىن بەكىتۋ تۋرالى» № 86 قاۋلىسىنىڭ ء(نورماتيۆتى قۇقىقتىق اكتىلەردى مەملەكەتتىك تىركەۋ تىزىلىمىندە № 4209 تىركەلگەن);
2) اگەنتتىك باسقارماسىنىڭ 2008 جىلعى 26 اقپانداعى «قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2006 جىلعى 25 ناۋرىزداعى «ساقتاندىرۋ پورتفەلىن بەرۋ ەرەجەسىن بەكىتۋ تۋرالى» № 86 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» № 22 قاۋلىسىنىڭ ء(نورماتيۆتى قۇقىقتىق اكتىلەردى مەملەكەتتىك تىركەۋ تىزىلىمىندە № 5176 تىركەلگەن) كۇشى جويىلدى دەپ تانىلسىن.
3. 2012 جىلعى 1 قاڭتاردا ەنگىزىلەتىن وسى قاۋلىنىڭ قوسىمشاسىنداعى 9-تارماقتىڭ ەكىنشى بولىگىن قوسپاعاندا, وسى قاۋلى العاش رەسمي تۇردە جاريالانعان كۇننەن ون كۇنتىزبەلىك كۇن وتكەن سوڭ قولدانىسقا ەنگىزىلسىن.
ءتورايىم ە. باحمۋتوۆا.
قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2010 جىلى 29 قاراشاداعى № 171 قاۋلىسىمەن بەكىتىلگەن
ساقتاندىرۋ پورتفەلىن بەرۋ ەرەجەسى
1-تاراۋ. جالپى ەرەجەلەر
1. وسى ەرەجە 2000 جىلعى 18 جەلتوقسانىنداعى «قازاقستان رەسپۋبليكاسىنداعى ساقتاندىرۋ قىزمەتى تۋرالى» قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەندى جانە ساقتاندىرۋ (قايتا ساقتاندىرۋ) ۇيىمدارىنىڭ, كونسەرۆاتسيا ساتىسىنداعى نەمەسە ساقتاندىرۋ (قايتا ساقتاندىرۋ) ۇيىمىن ءماجبۇرلەپ تاراتۋ تۋرالى سوت شەشىمى زاڭدى كۇشىنە ەنگەنگە دەيىن ۋاقىتشا اكىمشىلىكتىڭ (ۋاقىتشا باسقارۋشى), ماجبۇرلەپ تاراتىلاتىن ساقتاندىرۋ (قايتا ساقتاندىرۋ) ۇيىمىنىڭ تاراتۋ كوميسسياسىنىڭ ساقتاندىرۋ پورتفەلىن بەرۋ ءتارتىبىن بەلگىلەيدى.
2. وسى ەرەجەدە پايدالانىلاتىن نەگىزگى ءتۇسىنىكتەر:
ساقتاندىرۋ پورتفەلىن بەرۋ – ساقتاندىرۋ ۇيىمىنا (ۋاقىتشا اكىمشىلىككە (ۋاقىتشا باسقارۋشى), تاراتۋ كوميسسياسىنا) شارت (شارتتار) نەگىزىندە ءبىر نەمەسە بىرنەشە ساقتاندىرۋ (قايتا ساقتاندىرۋ) ۇيىمىمەن, وسى ساقتاندىرۋ ۇيىمىنىڭ ساقتانۋشىلارىمەن جاسالقان ساقتاندىرۋ شارتتارىنىڭ بارلىعى نەمەسە ءبىر بولىگى نەگىزىندە تۋىنداعان قۇقىقتار جانە مىندەتتەردى بەرۋ;
ساقتاندىرۋشى-الۋشى – ساقتاندىرۋ پورتفەلىن قابىلدايتىن ساقتاندىرۋ (قايتا ساقتاندىرۋ) ۇيىمى;
الەۋەتتى ساقتاندىرۋشى-الۋشى – ساقتاندىرۋ پورتفەلىن قابىلداۋعا مۇددەلىلىك تانىتقان ساقتاندىرۋ (قايتا ساقتاندىرۋ) ۇيىمى;
ۋاكىلەتتى ورگان – قارجى نارىعىن جانە قارجى ۇيىمىن رەتتەۋ مەن قاداعالاۋ جونىندەگى مەملەكەتتىك ورگان.
3. وسى ەرەجەنىڭ قولدانىلۋى قازاقستان رەسپۋبليكاسىنىڭ زاڭناماسى نەگىزىندە امبەباپ قۇقىق يەلەنۋشىلىك كەزدە, م ۇلىك كەشەنى سياقتى ساقتاندىرۋشىنىڭ كاسىپورنىن ساتۋ كەزىندە ساقتاندىرۋ شارتتارى بويىنشا ساقتاندىرۋشىنىڭ قۇقىقتارى مەن مىندەتتەرىنىڭ كوشۋ جاعدايلارىنا تارالمايدى.
2 تاراۋ. ساقتاندىرۋ پورتفەلىن بەرۋ
4. قازاقستان رەسپۋبليكاسىنىڭ زاڭناماسىنا سايكەس ساقتاندىرۋ شارتتارى بويىنشا قۇقىقتارى مەن مىندەتتەرىن بەرۋ (قابىلداۋ) قۇقىعى (مىندەتى) بار كەز كەلگەن ساقتاندىرۋ (قايتا ساقتاندىرۋ) ۇيىمىنىڭ (بۇدان ءارى – ساقتاندىرۋ ۇيىمى) باستاماسى بويىنشا جاسالعان ساقتاندىرۋ شارتتارى بويىنشا مىندەتتەردى اۋدارۋ وسى تاراۋعا سايكەس ساقتاندىرۋ پورتفەلىن بەرۋ ءۇشىن نەگىز بولىپ تابىلادى.
ساقتاندىرۋ ۇيىمى ساقتاندىرۋ پورتفەلىن بەرۋ تۋرالى شارتتى ەرىكتى تۇردە تاراتۋ تۋرالى شەشىمدى قابىلداعانعا دەيىن كەز كەلگەن ۋاقىتتا جاساي الادى.
ساقتاندىرۋ پورتفەلىن كونسەرۆاتسيا ساتىسىنداعى نەمەسە ساقتاندىرۋ ۇيىمىن ماجبۇرلەپ تاراتۋ تۋرالى سوت شەشىمى كۇشىنە ەنگەنگە دەيىن بەرۋ ساقتاندىرۋ ۇيىمىنىڭ ۋاقىتشا اكىمشىلىگىمەن, ال ساقتاندىرۋ ۇيىمىن ماجبۇرلەپ تاراتۋ تۋرالى سوت شەشىمى كۇشىنە ەنگەننەن كەيىن – ساقتاندىرۋ ۇيىمىنىڭ تاراتۋ كوميسسياسىمەن جۇزەگە اسىرىلادى.
5. ساقتاندىرۋ ۇيىمىن ساقتاندىرۋ پورتفەلىن بەرۋ شارتىن جاساۋدا ماجبۇرلەۋگە جول بەرىلمەيدى.
6. زاڭمەن جانە وسى ەرەجەنىڭ 44-تارماعىنىڭ 2)-تارماقشاسىمەن, 48, 61-تارماقتارىمەن قاراستىرىلعان جاعدايلاردى قوسپاعاندا, ساقتاندىرۋ پورتفەلىن بەرۋ ساقتانۋشىنىڭ كەلىسىمى بولعان جاعدايدا عانا جۇزەگە اسىرىلادى.
7. ساقتاندىرۋ پورتفەلىنە ەنگىزىلەتىن جانە زاڭنىڭ 37-1-بابىنىڭ 3-تارماقشاسىمەن بەلگىلەنگەن تالاپتارعا سايكەس ساقتاندىرۋ شارتتارى بەرىلەتىن ساقتاندىرۋ سىنىپتارىن جۇزەگە اسىرۋعا ليتسەنزيالارى بار ساقتاندىرۋشىعا (ساقتاندىرۋشىلارعا) ساقتاندىرۋ پورتفەلى بەرىلەدى.
8. ساقتاندىرۋشى ساقتاندىرۋ پورتفەلىن قابىلداۋدى ساقتاندىرۋشىنىڭ ۋاكىلەتتى ورگانىنىڭ ءتيىستى شەشىمى نەگىزىندە جۇزەگە اسىرادى.
9. ساقتاندىرۋشىنىڭ ساقتاندىرۋ پورتفەلىن بەرۋىنە مىناداي:
ساقتاندىرۋ پورتفەلىن قابىلدايتىن ساقتاندىرۋشى-الۋشى ونى قابىلداۋ كەزىندە پرۋدەنتسيالىق نورماتيۆتەر بويىنشا جانە قابىلداناتىن ساقتاندىرۋ پورتفەلىن ەسەپكە الا وتىرىپ, نورمالار مەن ليميتتەردى قاداعالاۋعا قاتىستى وزگە مىندەتتى تالاپتاردى قاداعالاماعان;
زاڭمەن جانە وسى ەرەجەنىڭ 44-تارماعىنىڭ 2)-تارماقشاسىمەن, 48, 61-تارماقتارىمەن قاراستىرىلعان جاعدايلاردى قوسپاعاندا, ساقتاندىرۋشىنى اۋىستىرۋعا ساقتانۋشىلاردىڭ كەلىسىمى بولماعان;
ساقتاندىرۋشى-الۋشىنىڭ ساقتاندىرۋدىڭ قابىلداناتىن سىنىبى (سىنىپتارى) بويىنشا ليتسەنزياسى بولماعان;
ساقتاندىرۋ ۇيىمىنىڭ بەرىلەتىن ساقتاندىرۋ پورتفەلى بويىنشا مىندەتتەمەلەردى (ساقتاندىرۋ رەزەرۆتەرىن) وتەۋگە جەتكىلىكتى اكتيۆتەرى بولماعان جاعدايلاردا جول بەرىلمەيدى.
بەرىلەتىن پورتفەل بويىنشا مىندەتتەمەلەردىڭ (ساقتاندىرۋ رەزەرۆتەرىنىڭ) مولشەرىن باعالاۋدى تاۋەلسىز اكتۋاري جۇزەگە اسىرادى.
10. ەرەجەنىڭ 9-تارماعىنىڭ بەسىنشى ابزاتسىنداعى ەرەجە ساقتاندىرۋ پورتفەلىن زاڭنىڭ 69-1-بابىنا سايكەس بەرۋ جاعدايىنا تارالمايدى.
11. ساقتاندىرۋ شارتى بويىنشا مىندەتتەمەلەردى بەرۋ وسى شارت بويىنشا ساقتاندىرۋ ۇيىمىنىڭ بورىشكەرلەرى نەمەسە كرەديتورلارىنىڭ ولارمەن بايلانىستى قۇقىقتارى نەمەسە مىندەتتەمەلەرىن ءبىر مەزگىلدە بەرۋ ارقىلى جۇرگىزىلەدى. وسى ساقتاندىرۋ شارتىنان تۋىنداعان تەك قۇقىقتاردى نەمەسە تەك مىندەتتەردى بەرۋگە بولمايدى.
12. ءبىر ساقتاندىرۋ شارتىنان ساقتاندىرۋ مىندەتتەمەلەرىنەن باسقا, وزگە دە مىندەتتەمەلەر تۋىنداعان جاعدايدا, وندا ساقتاندىرۋ ۇيىمىنىڭ قۇقىقتارى مەن مىندەتتەرىنىڭ بەرىلۋى قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپتە وزگە مىندەتتەمەلەر بويىنشا ونىڭ قۇقىقتارى مەن مىندەتتەرىن ءبىر مەزگىلدە بەرۋ ارقىلى جۇزەگە اسىرىلادى.
13. ساقتاندىرۋ شارتتارى بويىنشا قۇقىقتار مەن مىندەتتەردى بەرۋىمەن ءبىر مەزگىلدە قايتا ساقتاندىرۋ شارتتارى بويىنشا ساقتاندىرۋ پورتفەلىن بەرەتىن ساقتاندىرۋ ۇيىمىنىڭ - قايتا ساقتانۋشىنىڭ قۇقىقتارى مەن مىندەتتەرىن بەرۋى مۇمكىن.
ەگەر قايتا ساقتاندىرۋ شارتى بويىنشا ساقتاندىرۋ پورتفەلىن بەرەتىن ساقتاندىرۋ ۇيىمى – قايتا ساقتانۋشىنىڭ قۇقىقتارى مەن مىندەتتەرى ءبىر مەزگىلدە ونىڭ قايتا ساقتاندىرىلعان ساقتاندىرۋ شارتتارىنان تۋىنداعان قۇقىقتارى مەن مىندەتتەرى بەرىلمەگەن جاعدايدا, ساقتاندىرۋ ۇيىمى – قايتا ساقتانۋشى قايتا ساقتاندىرۋ وبەكتىسى تولىق نەمەسە ءىشىنارا جويىلعانى تۋرالى حابارلايدى.
14. ساقتاندىرۋ پورتفەلىن بەرۋ كەزىندە ساقتاندىرۋ شارتتارىن بەرۋ بويىنشا ساقتاندىرۋ ۇيىمىنىڭ قۇقىقتارى مەن مىندەتتەرى ساقتاندىرۋشىعا ساقتاندىرۋ پورتفەلىن بەرۋ كەزىندە بولاتىن سول كولەمدە جانە سول تالاپتاردا كوشەدى.
ساقتاندىرۋشى – الۋشىنىڭ ساقتاندىرۋ پورتفەلىن بەرۋ تۋرالى شارتتا كورسەتىلگەن ساقتاندىرۋ شارتتارى بويىنشا قۇقىقتار مەن مىندەتتەرى وعان كوشكەن كەزدەن باستاپ, بارلىق توقتاتىلماعان قۇقىقتارعا يە بولادى جانە بەرىلەتىن ساقتاندىرۋ شارتى كۇشىنە ەنگەن كەزدەن باستاپ تۋىنداعان ساقتاندىرۋشى ۇيىمنىڭ توقتاتىلماعان مىندەتتەرىنە جاۋاپ بەرەدى.
15. ساقتاندىرۋ ۇيىمى باسقا ساقتاندىرۋشىعا (ساقتاندىرۋشىلارعا) ساقتاندىرۋ پورتفەلىن بەرگەنگە دەيىن وسى ەرەجەنىڭ 1-قوسىمشاسىنا سايكەس بەرىلەتىن ساقتاندىرۋ پورتفەلىنىڭ قۇرامىنا ەنگىزىلەتىن ساقتاندىرۋ شارتتارىنىڭ ءتىزىمىن (بۇدان ءارى – ءتىزىم) جاسايدى. شارتتاردىڭ ءتىزىمى ساقتاندىرۋ (قايتا ساقتاندىرۋ) شارتتارىنىڭ ءتىزىلىمىنىڭ مالىمەتتەرى نەگىزىندە قالىپتاستىرىلادى, ونىڭ تىزبەسى ساقتاندىرۋ ۇيىمىنىڭ ساقتاندىرۋ قىزمەتىن جۇزەگە اسىرۋعا قويلاتىن, ونىڭ ىشىندە ساقتاندىرۋ نارىعىنا قاتىسۋشىلارمەن ءوزارا قارىم-قاتىناسى بويىنشا تالاپتاردىڭ 5-1 تارماعىندا جانە قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ جونىندەگى اگەنتتىگى باسقارماسىنىڭ 2010 جىلعى 1 ناۋرىزداعى № 25 قاۋلىسىمەن ء(نورماتيۆتى قۇقىقتىق اكتىلەردى مەملەكەتتىك تىركەۋدىڭ تىزىلىمىندە № 6164 تىركەلگەن) بەكىتىلگەن ساقتاندىرۋ اگەنتىنىڭ دەلدالدىق قىزمەتتى جۇزەگە اسىرۋ وكىلەتىندە بەلگىلەنگەن.
شارتتاردىڭ ءتىزىمى ونىڭ قۇرامىندا بار اقپاراتتى وزگەرتۋ نەمەسە جاڭاسىن الۋىنا قاراي جاڭارتىلۋى ءتيىس (شارتتى بۇزۋ, ساقتاندىرۋ شارتىن بەرۋگە ساقتانۋشىدان كەلىسىم الۋ نەمەسە باس تارتۋ, ساقتاندىرۋ جاعدايى تۋرالى ءوتىنىش الۋ, ساقتانۋشىنىڭ ساقتاندىرۋ سىيلىقاقىسىن تولەۋى, جۇزەگە اسىرىلعان ساقتاندىرۋ تولەمى جانە باسقا دا اقپاراتتاردىڭ وزگەرىستەرى).
16. شارتتاردىڭ ءتىزىمىن جاساعاننان كەيىن ساقتاندىرۋ ۇيىمى ءاربىر ساقتاندىرۋ شارتى بويىنشا ساقتاندىرۋ رەزەرۆتەرىنىڭ مولشەرىنە الدىن الا ەسەپتەۋ جۇرگىزەدى. ءاربىر ساقتاندىرۋ شارتى بويىنشا ساقتاندىرۋ رەزەرۆتەرىنىڭ قۇرامىنا:
ەڭبەك سىڭىرىلمەگەن سىيلىقاقى رەزەرۆى;
تۋىنداعان, بىراق ساقتاندىرۋ سىنىبى بويىنشا ەڭبەك سىڭىرىلمەگەن سىيلىقاقىنىڭ بىرىككەن رەزەرۆىندە ساقتاندىرۋ شارتى بويىنشا ەڭبەك سىڭىرىلمەگەن سىيلىقاقى رەزەرۆى ۇلەسىن نەگىزگە الا وتىرىپ ەسەپتەلگەن, مالىمدەنبەگەن شىعىندار رەزەرۆى ەنگىزىلەدى.
ساقتاندىرۋ رەزەرۆتەرىن ەسەپتەۋ قازاقستان رەسپۋبليكاسىنىڭ ۇلتتىق بانكى باسقارماسىنىڭ 2002 جىلعى 3 ماۋسىمداعى № 211 قاۋلىسىمەن ء(نورماتيۆتى قۇقىقتىق اكتىلەردى مەملەكەتتىك تىركەۋ تىزىلىمىندە №1921 تىركەلگەن) بەكىتىلگەن قازاقستان رەسپۋبليكاسىنىڭ ساقتاندىرۋ (قايتا ساقتاندىرۋ) ۇيىمدارىنىڭ ساقتاندىرۋ رەزەرۆتەرىن ەسەپتەۋ ادىستەمەسىنە قويىلاتىن تالاپتار تۋرالى نۇسقاۋلىققا سايكەس جۇرگىزىلەدى.
17. بەرىلۋى بولجانعان ساقتاندىرۋ مىندەتتەمەلەرىنە سايكەس ساقتاندىرۋ رەزەرۆتەرىنىڭ الدىن الا مولشەرىن ايقىنداعاننان كەيىن ساقتاندىرۋ ۇيىمى ساقتاندىرۋ پورتفەلىمەن بىرگە بەرىلۋى بولجانىپ وتىرعان اكتيۆتەردىڭ تىزبەسىن جاسايدى.
اكتيۆتەردىڭ تىزبەسى مىنالاردى قامتۋى ءتيىس:
1) ساقتاندىرۋ مىندەتتەمەلەرىنىڭ بەرىلۋى بولجانىپ وتىرعان تيىسىنشە ساقتاندىرۋ رەزەرۆتەرىنىڭ الدىن الا مولشەرىنىڭ شاماسى;
2) ساقتاندىرۋ پورتفەلىنىڭ قۇرامىندا بەرىلۋگە ءتيىس اكتيۆتەردىڭ مولشەرى, ءتۇرى جانە تىزبەسى (ساقتانۋشىنىڭ دەبيتورلىق بەرەشەگى جانە باسقا اكتيۆتەر);
3) قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ 2008 جىلعى 22 تامىزداعى № 131 قاۋلىسىمەن ء(نورماتيۆتى قۇقىقتىق اكتىلەردى مەملەكەتتىك تىركەۋ تىزىلىمىندە № 5331 تىركەلگەن) (بۇدان ءارى – № 131 قاۋلى) بەكىتىلگەن ساقتاندىرۋ (قايتا ساقتاندىرۋ) ۇيىمىنىڭ پرۋدەنتسيالدىق نورماتيۆتەر ەسەبىنىڭ نورماتيۆتىك ءمانى مەن ادىستەمەسى, پرۋدەنتسيالدىق نورماتيۆتەردىڭ ورىندالعاندىعى جونىندەگى ەسەپتى بەرۋ نىساندارى مەن مەرزىمى تۋرالى نۇسقاۋلىقتىڭ تالاپتارىنا سايكەس ساقتاندىرۋ رەزەرۆتەرىن وتەۋدە قابىلداناتىن اكتيۆتەرىنە سايكەس كەلەتىن اكتيۆتەردىڭ مولشەرى, ءتۇرى جانە تىزبەسى;
4) جەتكىلىكسىز سوماعا وزگە اكتيۆتەردىڭ مولشەرى, ءتۇرى مەن تىزبەسى جانە 131 قاۋلىعا سايكەس ساقتاندىرۋ رەزەرۆتەرىن وتەۋگە قابىلداناتىن اكتيۆتەرگە سايكەس كەلەتىن اكتيۆتەرگە ولاردى اۋىستىرۋ تۇرلەرى (بەرىلۋى بولجانىپ وتىرعان ساقتاندىرۋ مىندەتتەمەلەرىنە سايكەس ساقتاندىرۋ رەزەرۆتەردىڭ مولشەرىنە قاتىستى 131 قاۋلىنىڭ تالاپتارىنا سايكەس ساقتاندىرۋ رەزەرۆتەرىن وتەۋگە قابىلداناتىن اكتيۆتەرگە سايكەس كەلەتىن اكتيۆتەر مولشەرىنىڭ جەتكىلىكسىز جاعدايدا).
18. ساقتاندىرۋ پورتفەلىمەن بەرىلەتىن اكتيۆتەردىڭ 131 قاۋلىعا سايكەسسىزدىگىندە, ساقتاندىرۋ ۇيىمى سايكەس كەلمەيتىن ساقتاندىرۋشى-الۋشى قابىلدامايتىن اكتيۆتەردى اۋىستىرۋعا باعىتتالعان قاجەتتى ءىس-شارالاردى (ساتىپ الۋ-ساتۋ, اۋىستىرۋ جانە باسقا دا وپەراتسيالار) جۇرگىزەدى.
19. ناقتى ساقتاندىرۋ شارتى بويىنشا ساقتاندىرۋشىنى اۋىستىرۋعا قاجەتتى كەلىسىم الۋ قاجەتتىلىگى بويىنشا ساقتاندىرۋ ۇيىمى ءاربىر وسىنداي شارت بويىنشا ساقتاندىرۋ پورتفەلىن بەرۋىمەن ءبىر مەزگىلدە بەرۋگە جاتاتىن قۇجاتتار جيىنتىعىن قۇراستىرادى.
20. ساقتاندىرۋ پورتفەلىنىڭ قۇرامىندا ساقتاندىرۋ شارتتارىن بەرۋگە ساقتانۋشىدان كەلىسىم الۋ ءۇشىن مەرزىمى اياقتالعاننان كەيىن ساقتاندىرۋ ۇيىمى شارتتىڭ تىزىمگە ءتيىستى وزگەرىستەر ەنگىزەدى جانە ساقتاندىرۋ پورتفەلىن بەرۋ تۋرالى شارتتى دايىنداۋدى جانە ونىڭ تالاپتارىن ساقتاندىرۋشى-الۋشىمەن بىرگە كەلىسۋدى باستايدى.
21. ساقتاندىرۋ پورتفەلىن بەرۋ تۋرالى شارتتى جاساعاننان كەيىن ساقتاندىرۋ ۇيىمى ساقتاندىرۋشى-الۋشىعا ساقتاندىرۋ پورتفەلىن بەرۋ تۋرالى شارتتا تاراپتار كەلىسىلگەن مەرزىمدە, تارتىپتە جانە تالاپتارىندا ساقتاندىرۋ پورتفەلىنە جاتاتىن بارلىق قۇجاتتاردى, ءتيىستى ساقتاندىرۋ مىندەتتەمەلەرىنە بەرىلەتىن ساقتاندىرۋ رەزەرۆتەرىنىڭ مولشەرىندەگى اكتيۆتەر, ساقتاندىرۋ پورتفەلىن بەرۋ تۋرالى شارت تالاپتارىنا سايكەس اقپارات جانە باسقا مالىمەتتەر مەن قۇجاتتاردى بەرەدى.
22. بەرىلگەن ساقتاندىرۋ پورتفەلىنە ەنگىزىلگەن قۇقىقتار مەن مىندەتتەردىڭ كوشۋ كەزىنەن باستاپ ساقتاندىرۋ پورتفەلىن قابىلداعان ساقتاندىرۋشى-الۋشى بەرىلگەن ساقتاندىرۋ پورتفەلى بويىنشا بارلىق قۇقىقتاردى يەلەنەدى جانە مىندەتتەرگە جاۋاپ بەرەدى. ساقتاندىرۋ ۇيىمى ساقتاندىرۋ پورتفەلىن بەرۋ تۋرالى شارتتا تاراپتارمەن كەلىسىلگەن تالاپتاردا ساقتاندىرۋشى-الۋشىعا ساقتاندىرۋ پورتفەلىن بەرگەننەن كەيىن ساقتاندىرۋ پورتفەلىن بەرگەن ساقتاندىرۋشىعا كەلىپ تۇسكەن بارلىق قۇجاتتار مەن اقپاراتتى بەرەدى.
23. ساقتاندىرۋ ۇيىمى بەرىلەتىن ساقتاندىرۋ پورتفەلىنە سايكەس ساقتاندىرۋ رەزەرۆتەرىنىڭ مولشەرىن ەسەپتەۋ ءۇشىن ساقتاندىرۋ پورتفەلىن بەرۋ كۇنىنە اكتۋاريدى تارتادى. ساقتاندىرۋشى-الۋشى ساقتاندىرۋ رەزەرۆتەرىنىڭ مولشەرىن ەسەپتەۋدى جۇزەگە اسىرۋ دۇرىستىعىن تەكسەرۋ ءۇشىن اكتۋاريدى تارتۋى مۇمكىن.
ساقتاندىرۋ ۇيىمىن ماجبۇرلەپ تاراتۋ كەزىندە ساقتانۋشىلارعا (ساقتاندىرىلعاندار, پايدا الۋشىلار) ساقتاندىرۋ تولەمدەرىن جۇزەگە اسىرۋعا كەپىلدەمە بەرەتىن ۇيىم وتكىزەتىن ساقتاندىرۋ ۇيىمىنا جانە ساقتاندىرۋشى -الۋشىنىڭ اكتۋاريلەرىنىڭ ەسەپتەۋدى باعالاۋ ءۇشىن اكتۋاريا تارتۋى مۇمكىن.
3-تاراۋ. ساقتاندىرۋ ۇيىمىنىڭ ەرىكتى تارتىپتە بەرەتىن ساقتاندىرۋ پورتفەلىنە ەنگىزىلەتىن قۇقىقتار مەن مىندەتتەردى بەرۋگە ساقتانۋشىنىڭ كەلىسىمى
24. ساقتاندىرۋشىنى اۋىستىرۋعا ساقتانۋشىنىڭ كەلىسىمىن الۋ ءۇشىن ساقتاندىرۋ ۇيىمى ساقتانۋشىعا وسى ەرەجەنىڭ 2-قوسىمشاسىنا سايكەس جازباشا سۇراتۋ جىبەرەدى.
25. ساقتاندىرۋ پورتفەلىن بەرۋ تۋرالى شارتتىڭ مازمۇنىندا قايتا ساقتاندىرۋشىنى (قايتا ساقتانۋشىنى) اۋىستىرۋعا قايتا ساقتانۋشىنىڭ (قايتا ساقتاندىرۋشىنىڭ) كەلىسىمى تۋرالى ەرەجە بولعان جانە وعان قايتا ساقتاندىرۋشى (قايتا ساقتانۋشى) قول قويعان جاعدايدا قايتا ساقتاندىرۋ شارتتارى بويىنشا قايتا ساقتاندىرۋشىنى (قايتا ساقتانۋشىنى) اۋىستىرۋعا قايتا ساقتانۋشىنىڭ (قايتا ساقتاندىرۋشىنىڭ) كەلىسىمى الىندى دەپ ەسەپتەلىنەدى.
26. ساقتاندىرۋشىنى اۋىستىرۋعا ساقتانۋشىنىڭ كەلىسىمى تۋرالى سۇراتۋ مازمۇنىندا ولار جاۋاپ بەرۋگە ءتيىستى كۇنى بار. ساقتاندىرۋشىنى اۋىستىرۋعا كەلىسىم تۋرالى سۇراتۋ ادرەساتتىڭ ءوز قولىنا قولحاتپەن نەمەسە سۇراتۋدىڭ دەرەگىن جانە العان كۇنىن راستايتىن وزگە دە تاسىلمەن بەرىلۋى مۇمكىن.
27. ساقتاندىرۋشىنى اۋىستىرۋعا كەلىسىمى تۋرالى ساقتانۋشىلارعا بەرىلەتىن سۇراتۋىندا ساقتاندىرۋشى ولاردىڭ ساقتاندىرۋشىنى اۋىستىرۋدان جانە ساقتاندىرۋ شارتىنىڭ مەرزىمىن ۇزارتۋدان باس تارتۋعا قۇقىعىن تۇسىندىرەدى. ساقتانۋشى الدىڭعى ساقتاندىرۋ شارتىنىڭ قولدانىلۋ مەرزىمى اياقتالعانعا دەيىن ساقتاندىرۋ شارتىنىڭ مەرزىمىن ۇزارتۋ بويىنشا ساقتاندىرۋ سىيلىقاقىسىن تولەگەن جاعدايدا, مەرزىمى ۇزارتىلعان شارت وعان قويىلاتىن تالاپتاردى ەسكەرە وتىرىپ, بەرىلەتىن ساقتاندىرۋ پورتفەلىنە ەنگىزىلۋى مۇمكىن.
28. ساقتاندىرۋشى-الۋشىنىڭ ساقتاندىرۋ ەرەجەسى ساقتاندىرۋ پورتفەلىنىڭ قۇرامىندا بەرىلەتىن ساقتاندىرۋ شارتتارىنىڭ تالاپتارىنا سايكەس كەلمەگەن جاعدايدا, ساقتاندىرۋشىنى اۋىستىرۋعا كەلىسىمى تۋرالى سۇراتۋىمەن ءبىر مەزگىلدە ساقتانۋشىعا شارتتىڭ تالاپتارى وزگەرۋىنە جانە (نەمەسە) ساقتاندىرۋدىڭ جاڭا ەرەجەلەرىنە وفەرتا جىبەرىلەدى.
29. ساقتاندىرۋشىنى اۋىستىرۋعا كەلىسىمى تۋرالى سۇراتۋىمەن ءبىر مەزگىلدە ساقتاندىرۋ ۇيىمى ساقتانۋشىلاردى ساقتاندىرۋ پورتفەلىن بەرۋ بولجانعان كۇنى تۋرالى حاباردار ەتەدى.
ساقتاندىرۋ پورتفەلىن بەرگەننەن كەيىن ساقتاندىرۋ ۇيىمى ساقتانۋشىلاردى ساقتاندىرۋ پورتفەلىن بەرۋ بولعان كۇنى تۋرالى حاباردار ەتەدى جانە وعان ساقتاندىرۋ پورتفەلىن قابىلداعان ساقتاندىرۋشى تۋرالى اقپاراتتى حابارلايدى (مەكەنجايى, تەلەفوندارى, قازاقستان رەسپۋبليكاسىنداعى ساقتاندىرۋشىنىڭ وكىلدەرى تۋرالى اقپاراتتى, ولاردىڭ جۇمىس ۋاقىتى تۋرالى جانە ساقتاندىرۋ شارتى بويىنشا ولاردىڭ قۇقىقتارى مەن مىندەتتەرىن بۇدان ءارى ىسكە اسىرۋ ءۇشىن قاجەتتى باسقا اقپاراتتى).
ساقتاندىرۋشى ساقتانۋشىعا ساقتاندىرۋشىنى اۋىستىرۋ بولعانى تۋرالى حابارلايدى جانە كورسەتىلگەن اقپاراتتى بۇقارالىق اقپارات قۇرالدارىندا جاريالاۋ ارقىلى جاڭا ساقتاندىرۋشى تۋرالى اقپاراتتى جىبەرەدى.
30. ساقتاندىرۋ ۇيىمى ساقتانۋشىلار ساقتاندىرۋشىنى اۋىستىرۋدان باس تارتقان جاعدايدا, ساقتاندىرۋ شارتتارىن بەرمەيدى.
31. ساقتاندىرۋ ۇيىمى ساقتانۋشىدان سۇراتۋدا كورسەتىلگەن مەرزىمدە ساقتاندىرۋ شارتىنداعى ساقتاندىرۋشىنى اۋىستىرۋعا كەلىسىمى نەمەسە باس تارتۋ بار جازباشا جاۋابىن الماعان جاعدايدا, كەلىسىم الىنبادى دەپ ەسەپتەلىنەدى. ساقتاندىرۋ ۇيىمى وسىنداي ساقتاندىرۋ شارتىن بەرىلەتىن ساقتاندىرۋ پورتفەلىنە ەنگىزبەيدى.
32. ساقتاندىرۋشىنى اۋىستىرۋعا كەلىسىمى تۋرالى سۇراتۋىمەن ءبىر مەزگىلدە ساقتانۋشىعا شارتتىڭ تالاپتارى وزگەرۋىنە جانە (نەمەسە) ساقتاندىرۋدىڭ جاڭا ەرەجەلەرىنە وفەرتا جىبەرىلگەن بولسا, ال ساقتانۋشى ساقتاندىرۋ شارتىنىڭ تالاپتارىن وزگەرتۋدەن باس تارتقان جاعدايدا, وندا ساقتاندىرۋشىنى اۋىستىرۋعا ساقتانۋشىنىڭ كەلىسىمى الىنبادى دەپ ەسەپتەلىنەدى.
33. ساقتاندىرۋ پورتفەلىن بەرۋ مۇمكىندىگى ساقتانۋشىدان ساقتاندىرۋ پورتفەلىن بەرۋگە كەلىسىمى الىنباعان سەبەبىنەن بارلىق جاعدايلاردا ساقتاندىرۋ مىندەتتەمەلەردە تۇلعالاردى اۋىستىرۋ جۇرگىزىلمەيدى جانە وسى شارت ونىڭ تاراپتارىنا جانە وزگە قاتىسۋشىلارعا (ساقتاندىرۋشىعا, ساقتانۋشىعا, وزگە كرەديتورعا (پايدا الۋشىعا) جانە شارتتىڭ باسقا دا قاتىسۋشىلارىنا) قاتىستى ودان ءارى قولدانىستا بولادى.
34. زاڭنىڭ 37-1-بابىنىڭ 2-تارماعىمەن نەمەسە شارتپەن كوزدەلگەن جاعدايدا, ساقتاندىرۋ پورتفەلىنىڭ قۇرامىنا بەرىلمەگەن ساقتاندىرۋ شارتى وزگەرتىلەدى, بۇزىلادى نەمەسە قازاقستان رەسپۋبليكاسىنىڭ زاڭناماسىندا نەمەسە شارتتا بەلگىلەنگەن تارتىپپەن جانە تالاپتارىندا وزگە تاسىلمەن توقتاتىلادى.
35. ساقتاندىرۋ پورتفەلىنىڭ قۇرامىنداعى قانداي دا بولماسىن ساقتاندىرۋ شارتىن بەرۋ ءمۇمكىندىگى بولماعان كەزدە, وسى شارتتا ساقتاندىرۋشىنى اۋىستىرۋعا كەلىسىم بەرگەن ساقتانۋشىلار ساقتاندىرۋ مىندەتتەمەسىندە تۇلعالاردىڭ اۋىستىرىلماعانى تۋرالى حاباردار ەتىلەدى.
4-تاراۋ. ساقتاندىرۋ پورتفەلىن بەرۋ تۋرالى شارت
36. ساقتاندىرۋ پورتفەلىن بەرۋ تۋرالى شارت جازباشا نىساندا جاسالادى.
37. ساقتاندىرۋ پورتفەلىن بەرۋ تۋرالى شارت مىناداي:
1) بەرىلەتىن ساقتاندىرۋ پورتفەلىندەگى ساقتاندىرۋ شارتتارى تۋرالى
2) ساقتاندىرۋ پورتفەلىنە بەرىلەتىن ساقتاندىرۋ شارتتارىندا كوزدەلگەن قۇقىقتارى مەن مىندەتتەرى تۋرالى (تولەنبەگەن ساقتاندىرۋ سىيلىقاقىسىنىڭ مولشەرى, ساقتاندىرۋ سىيلىقاقىسىن مەرزىمىن كەيىنگە قالدىرىپ تولەۋدى نەمەسە ءبولىپ تولەۋدى ەسكەرە وتىرىپ تولەۋ مەرزىمى, ساقتاندىرۋ سىيلىقاقىسىن تولەۋ مولشەرى مەن وتكەن مەرزىمى, جاسالعان ساقتاندىرۋ تولەمدەرى, جاريالانعان, بىراق رەتتەلمەگەن شىعىندار);
3) ساقتاندىرۋ شارتتارىن بەرۋ كۇنى تۋرالى;
4) بەرىلەتىن ساقتاندىرۋ شارتتارى بويىنشا قۇجاتتاردى, سونداي-اق ساقتاندىرۋ شارتىنىڭ ورىندالۋىن كورسەتەتىن قۇجاتتاردى (ساقتاندىرۋ شارتتارىنىڭ تۇپنۇسقالارى, ساقتاندىرۋ سىيلىقاقىسىن (ساقتاندىرۋ جارنالارىن) تولەۋىن راستايتىن قۇجاتتارى, ساقتاندىرۋشى ساقتاندىرۋ جاعدايلارىن رەتتەۋ كەزدە جيناعان قۇجاتتاردى, سونداي-اق ساقتاندىرۋ تولەمدەرىن جۇزەگە اسىرۋدى راستايتىن قۇجاتتامانى, رەتتەلمەگەن ساقتاندىرۋ جاعدايلارى بويىنشا قۇجاتتاردى) بەرۋ ءتارتىبى مەن مەرزىمدەرى تۋرالى;
5) ساقتاندىرۋ پورتفەلىن بەرگەننەن كەيىن ساقتاندىرۋ ۇيىمىنا كەلىپ تۇسكەن بەرىلگەن ساقتاندىرۋ پورتفەلى بويىنشا قۇجاتتاردى جانە اقپاراتتاردى بەرۋ ءتارتىبى مەن مەرزىمدەرى تۋرالى;
6) وسى ەرەجەنىڭ 16-تارماعىنا سايكەس ساقتاندىرۋ پورتفەلىن بەرەتىن ساقتاندىرۋ ۇيىمىنىڭ جانە ساقتاندىرۋشى-الۋشىنىڭ اكتۋاريلەرى ەسەپتەگەن جانە ساقتاندىرۋ پورتفەلىن بەرۋ كۇنىنە لايىقتى ساقتاندىرۋ شارتتارىنا سايكەس بەرىلەتىن ساقتاندىرۋ رەزەرۆتەرىنىڭ مولشەرى تۋرالى;
7) بەرىلەتىن اكتيۆتەردىڭ مولشەرى مەن قۇرامى جانە ولاردى بەرۋ تۋرالى مالىمەتتەردەن تۇرادى.
38. ساقتاندىرۋ ۇيىمىنا ساقتاندىرۋ پورتفەلىن بەرۋ تۋرالى بارلىق ماڭىزدى شارتتىڭ تالاپتارى ءمالىم بولعان, ونى بەرۋگە ءتيىستى كەلىسىمدەر العان جانە ساقتاندىرۋ پورتفەلىن بەرۋگە قاجەتتى وزگە تالاپتار بۇزىلماعان جاعدايدا, ساقتاندىرۋشى ءبىر نەمەسە بىرنەشە ساقتاندىرۋ ۇيىمىنا ساقتاندىرۋ پورتفەلىن بەرۋ تۋرالى شارت جاساۋ ۇسىنىسىمەن وفەرتا جىبەرۋى مۇمكىن.
ساقتاندىرۋ پورتفەلىن بەرۋ تۋرالى شارتتى جاساۋ ۇسىنىسىن ساقتاندىرۋ ۇيىمى جاريا وفەرتا ارقىلى جاساۋى مۇمكىن.
39. ساقتاندىرۋ ۇيىمى ساقتاندىرۋ پورتفەلىن بەرۋگە نيەت بىلدىرسە, بىراق وعان بەرىلەتىن ساقتاندىرۋ پورتفەلىنىڭ قۇرامىنا ەنگىزۋگە جاتاتىن قۇقىقتار مەن مىندەتتەرىنىڭ تۇپكىلىكتى كولەمىنە قاتىستى ساقتاندىرۋ پورتفەلىن بەرۋ تۋرالى شارتتىڭ بارلىق تالاپتارى ءمالىم بولماعاندا, ساقتاندىرۋ ۇيىمى جانە ساقتاندىرۋشى – الۋشى ساقتاندىرۋ پورتفەلىن بەرۋ تۋرالى الدىن الا شارت جاساي الادى.
ساقتانۋشى جانە ساقتاندىرۋشى-الۋشى ساقتاندىرۋ پورتفەلىن بەرۋ تۋرالى الدىن الا شارتى بويىنشا بولاشاقتا ساقتاندىرۋ پورتفەلىن بەرۋ تۋرالى شارتتى (نەگىزگى شارت) بولاشاقتا الدىن الا شارتتا كوزدەلگەن تالاپتارعا ساي جاساۋعا مىندەتتەنەدى.
الدىن الا شارت جازباشا نىساندا جاسالادى, وندا شارتتىڭ ءمانىن بەلگىلەۋگە مۇمكىندىك تۋدىراتىن جاعدايلارى, سونداي-اق تاراپتار شارتتى جاساۋعا مىندەتتەنەتىن مەرزىمىن كورسەتە وتىرىپ, ساقتاندىرۋ پورتفەلىن بەرۋ تۋرالى شارتتىڭ باسقا تاراپتارىنىڭ جاعدايلارى بولۋى ءتيىس.
40. ساقتاندىرۋ ۇيىمىنىڭ قۇجاتتارىن بەرۋ وسى ەرەجەنىڭ 3-قوسىمشاسىنا سايكەس قابىلداۋ-وتكىزۋ اكتىسى بويىنشا بەرىلەدى.
41. ساقتاندىرۋ ۇيىمى جانە ساقتاندىرۋشى-الۋشىنىڭ مورىمەن كۋالاندىرىلعان بەرىلگەن قۇجاتتاردىڭ كوشىرمەلەرى ساقتاندىرۋ ۇيىمىندا ساقتالادى.
5-تاراۋ. ساقتاندىرۋ ۇيىمىن كونسەرۆاتسيالاعاندا, ليتسەنزياسىنان ايىرۋ كەزىندە ساقتاندىرۋ پورتفەلىن بەرۋدىڭ ەرەكشەلىكتەرى
42. ۋاكىلەتتى ورگانمەن كەلىسىلگەن ۋاقىتشا اكىمشىلىكتىڭ شەشىمى كونسەرۆاتسيا ساتىسىندا نەمەسە ساقتاندىرۋ ۇيىمىن ماجبۇرلەپ تاراتۋ تۋرالى سوت شەشىمى كۇشىنە ەنگەنگە دەيىن ساقتاندىرۋ پورتفەلىن بەرۋگە نەگىزدەمە بولىپ تابىلادى.
43. كونسەرۆاتسيا ساتىسىندا نەمەسە ليتسەنزيادان ايىرۋ كەزىندە ساقتاندىرۋ پورتفەلىن بەرۋدى ۋاكىلەتتى ورگانمەن كەلىسىمىمەن جانە ساقتاندىرۋ شارتتارىن قامتاماسىز ەتۋگە اكتيۆتەر جەتكىلىكتى بولعان جاعدايدا ۋاقىتشا اكىمشىلىك جۇزەگە اسىرادى.
44. ساقتاندىرۋ ۇيىمىندا كونسەرۆاتسيا ەنگىزۋگە بايلانىستى تاعايىندالعان ۋاقىتشا اكىمشىلىك:
1) وتىز كۇنتىزبەلىك كۇن ىشىندە ساقتاندىرۋدىڭ ءبىر نەمەسە بىرنەشە سىنىبى بويىنشا ساقتاندىرۋ پورتفەلىن تولىق نەمەسە ونىڭ ءبىر بولىگىن بەرۋ تۋرالى شەشىمدى قابىلدايدى;
2) ساقتاندىرۋ ۇيىمىن ليتسەنزيادان ايىرعان كۇننەن باستاپ ون جۇمىس كۇن ىشىندە ساقتاندىرۋ پورتفەلىن تولىق كولەمدە بەرۋ تۋرالى شەشىم قابىلدايدى;
3) وسى تارماقتىڭ ءۇشىنشى ابزاتسىمەن بەلگىلەنگەن ساقتانۋشىلاردىڭ جازباشا تۇردە قارسىلىق بىلدىرۋگە ارنالعان مەرزىمى اياقتالعان كۇننەن باستاپ ءۇش كۇنتىزبەلىك كۇن ىشىندە ساقتاندىرۋ پورتفەلىن بەرۋگە كەلىسەتىن ساقتاندىرۋشىلار ءتىزىمىن قالىپتاستىرادى.
45. ساقتاندىرۋ پورتفەلىن بەرۋ تۋرالى شەشىمدى قابىلداعاننان كەيىن مىناداي اقپارات بەرە وتىرىپ, وسى وپەراتسيانى جۇرگىزۋ تۋرالى ماسەلەنى كەلىسۋ ءۇشىن ۋاقىتشا اكىمشىلىك ۋاكىلەتتى ورگانعا ءوتىنىش بەرەدى:
1) ساقتاندىرۋ سىنىپتارى مەن وبەكتىلەرىنە بولىنگەن ساقتاندىرۋ شارتتارى بويىنشا بەرىلۋى بولجاناتىن مىندەتتەردىڭ مولشەرى;
2) اكتيۆتەردىڭ ءتۇرى, اكتيۆتەردىڭ بالانستى (بار بولسا – باعالاناتىن) قۇنى كورسەتىلگەن ساقتاندىرۋ ۇيىمىنىڭ بەرىلۋى بولجانعان اكتيۆتەرىنىڭ مولشەرى, ولاردىڭ دەبيتورلىق بەرەشەگى بويىنشا تالاپ ەتۋ قۇقىعىن, سونداي-اق بەرىلۋى بولجانعان اكتيۆتەرگە ساقتاندىرۋ ۇيىمىنىڭ مەنشىك قۇقىعىن راستايتىن قۇجاتتاماسى كورسەتىلگەن سيپاتتاماسى;
3) ساقتاندىرۋ پورتفەلىن بەرۋ تۋرالى شارتتىڭ جوباسى.
46. ۋاكىلەتتى ورگان قاجەت بولعان جاعدايدا ۋاقىتشا اكىمشىلىكتەن ساقتاندىرۋ پورتفەلىن بەرۋمەن بايلانىستى بار قۇجاتتاردى سۇراتادى.
47. ۋاكىلەتتى ورگان ون جۇمىس كۇنىنەن اسپايتىن مەرزىمدە ۋاقىتشا اكىمشىلىككە ساقتاندىرۋ پورتفەلىن بەرۋدى كەلىسەدى نەمەسە كەلىسۋدەن باس تارتادى.
ساقتاندىرۋ پورتفەلىن بەرۋ ماسەلەسىن كەلىسۋ تۋرالى ۋاكىلەتتى ورگاننىڭ جازباشا جاۋابىندا ساقتاندىرۋ پورتفەلىنە ەنگىزىلەتىن ساقتاندىرۋ شارتتارى بەرىلەتىن ساقتاندىرۋ سىنىپتارىن جۇزەگە اسىرۋعا بەرىلەتىن ليتسەنزياسى بار ساقتاندىرۋشىلار تۋرالى اقپارات كورسەتىلەدى.
48. ۋاكىلەتتى ورگان كونسەرۆاتسيا ساتىسىنداعى ساقتاندىرۋ پورتفەلىن بەرۋ تۋرالى شەشىمدى كەلىسكەننەن كەيىن ۋاقىتشا اكىمشىلىك ساقتاندىرۋشىلاردىڭ كەلىسىمىن الۋ ماقساتىندا بەس جۇمىس كۇننەن كەشىكتىرمەي الداعى ساقتاندىرۋ پورتفەلىن بەرۋ تۋرالى قازاقستان رەسپۋبليكاسىنىڭ بۇكىل اۋماعىندا قازاق جانە ورىس تىلدەرىندە تاراتىلاتىن مەرزىمدى ءباسپاسوز بەتتەرىندە قارسىلىقتاردى بەرۋ ءتارتىبى, مەرزىمى جانە ساقتاندىرۋشىلاردىڭ قارسىلىقتارى قابىلداناتىن مەكەنجايى كورسەتىلگەن حابارلامانى جاريالاۋدى جۇزەگە اسىرادى.
ساقتاندىرۋشىلار ساقتاندىرۋ شارتىن بەرۋمەن كەلىسپەگەن جاعدايدا, جازباشا قارسىلىقتى حابارلاندىرۋ جاريالانعان كۇننەن باستاپ ون كۇنتىزبەلىك كۇن ىشىندە بەرمەۋى, ولاردىڭ ساقتاندىرۋ شارتتارىن بەرۋگە كەلىسۋى رەتىندە قاراستىرىلادى.
49. كونسەرۆاتسيا ساتىسىندا جۇمىس ىستەيتىن ۋاقىتشا اكىمشىلىك ساقتاندىرۋشىلاردىڭ جازباشا تۇردە قارسىلىق بەرۋىنە ارنالعان مەرزىم اياقتالعان كۇننەن باستاپ, ءۇش كۇنتىزبەلىك كۇن ىشىندە, ساقتاندىرۋ ۇيىمىن ليتسەنزياسىنان ايىرعاندا جۇمىس ىستەيتىن ۋاقىتشا اكىمشىلىك ساقتاندىرۋ پورتفەلىن بەرۋگە ۋاكىلەتتى ورگاننىڭ كەلىسىمىن العان كۇننەن باستاپ, بەس كۇنتىزبەلىك كۇن ىشىندە ساقتاندىرۋشىعا بەرىلەتىن ساقتاندىرۋ شارتتارىنىڭ ءتىزىمىن قۇراستىرادى.
50. ۋاقىتشا اكىمشىلىك جوعارىدا اتالعان ءىس-شارالاردى جۇرگىزگەننەن كەيىن ساقتاندىرۋشىلارعا ەرەجەنىڭ 52-تارماعىنىڭ تالاپتارىنا سايكەس قاراۋ جانە بەس جۇمىس كۇنىنەن كەشىكتىرمەي جاۋاپتى بەرۋ مەرزىمىمەن ساقتاندىرۋ پورتفەلىن قابىلداۋ تۋرالى ۇسىنىس-حات جىبەرەدى.
بۇل رەتتە حاتتا بەرىلەتىن ساقتاندىرۋ شارتتارىنىڭ بولجالدى كولەمى كورسەتىلەدى.
51. ساقتاندىرۋ شارتتارى جانە ساقتاندىرۋ ۇيىمىنىڭ اكتيۆتەرى بويىنشا بەرىلەتىن مىندەتتەمەلەر بويىنشا قۇجاتتامالاردى الەۋەتتى ساقتاندىرۋشى – الۋشىلار العاندا قۇپيالىلىقتى ساقتاۋ جانە ساقتاندىرۋ پورتفەلىن قابىلداۋ مۇمكىندىگىن قاراۋعا بايلانىستى الىنعان اقپاراتتى جاريا ەتپەۋ تۋرالى كەلىسىمگە (مىندەتتەمەگە) قول قويادى.
الەۋەتتى ساقتاندىرۋشى-الۋشىنىڭ سۇراتۋى بويىنشا ۋاقىتشا اكىمشىلىك زاڭمەن قورعالاتىن قۇپيادان تۇراتىن مالىمەتتەردى جاريا ەتپەۋ تۋرالى قازاقستان رەسپۋبليكاسى زاڭنامالىق اكتىلەرىمەن بەكىتىلگەن تالاپتاردى قاداعالاۋمەن قوسىمشا اقپارات بەرەدى.
52. الەۋەتتى ساقتاندىرۋشى-الۋشى مىناداي تالاپتارعا ساي بولۋى كەرەك:
ساقتاندىرۋ پورتفەلىنە ەنگىزىلەتىن, ولار بويىنشا ساقتاندىرۋ شارتتارى بەرىلەتىن ساقتاندىرۋ سىنىپتارىن جۇزەگە اسىرۋعا بەرىلگەن ۋاكىلەتتى ورگاننىڭ ليتسەنزياسى بولۋى كەرەك;
سوڭعى ەسەپتى كۇنگە جانە الداعى قابىلداناتىن ساقتاندىرۋ پورتفەلىن ەسكەرە وتىرىپ پرۋدەنتسيالىق نورماتيۆتەردى ورىنداۋى كەرەك;
ءوتىنىش بەرۋ كەزىندە ۋاكىلەتتى ورگان قولدانعان شەكتەۋلى ىقپال ەتۋ شارالارى جانە سانكتسيالارى قولدانىستا بولماۋى كەرەك;
ساقتاندىرۋ ۇيىمىنىڭ كليەنتتەرىنە قىزمەت كورسەتۋگە ارنالعان فيليالدارى بولۋى كەرەك.
53. ۋاقىتشا اكىمشىلىك ساقتاندىرۋشى-الۋشىنى تاڭدايدى.
54. دەبيتورلىق بەرەشەكتەر بويىنشا تالاپتاردىڭ بەرىلەتىن قۇقىعىنىڭ قۇنى بالانستى جانە بالانستان تىس شوتتاردىڭ ەسەپتە بولاتىن بەرەشەك سوماسى رەتىندە انىقتالادى.
ساقتاندىرۋ پورتفەلىن بەرۋ كەزىندە ساقتاندىرۋ شارتتارى بويىنشا اكتيۆتەردىڭ قۇنى مەن مىندەتتەمەلەردىڭ مولشەرى ۋاقىتشا جانە ساقتاندىرۋشى-الۋشىمەن كەلىسىلگەن بەرۋ كۇنى ەسەپتەلەدى.
55. ساقتاندىرۋ پورتفەلىن بەرەتىن ساقتاندىرۋ ۇيىمى جانە ساقتاندىرۋشى – الۋشى ارقىلى جۇزەگە اسىرىلعان, بەرىلەتىن ساقتاندىرۋ پورتفەلىنە ەنگىزىلگەن ساقتاندىرۋ شارتتارى بويىنشا اكتيۆتەر قۇنىن جانە مىندەتتەمەلەر كولەمىن ەسەپتەۋدەگى كەلىسپەۋشىلىكتەر بولعان جاعدايدا, ۋاقىتشا اكىمشىلىك باعالاۋشىنىڭ اكتۋارياسىن قاراستىرادى.
56. ساقتاندىرۋ پورتفەلىن بەرۋ ساقتاندىرۋشى ۇيىمنىڭ ساقتاندىرۋشى-الۋشىمەن جاسالعان شارتى نەگىزىندە جۇزەگە اسىرىلادى.
57. ساقتاندىرۋ ۇيىمىنىڭ ۋاقىتشا اكىمشىلىگىمەن جانە ساقتاندىرۋشى-الۋشىنىڭ اراسىندا قوسىمشا مىناداي مالىمەتتەرى بار قابىلداۋ-وتكىزۋ اكتىسى رەسىمدەلەدى, وندا مىناداي مالىمەتتەر كورسەتىلگەن:
1) ساقتاندىرۋ شارتتارى بويىنشا بەرىلەتىن مىندەتتەمەلەر كولەمى, ساقتاندىرۋشىنىڭ تەگى, اتى, بار بولسا اكەسىنىڭ اتى كورسەتىلگەن ساقتاندىرۋ شارتتارىنىڭ تىزبەسى, ساقتاندىرۋ شارتى جاسالعان كۇن جانە ونىڭ ءنومىرى, شارتتىڭ قولدانىلۋ مەرزىمى, ساقتاندىرۋ مەرزىمى, ساقتاندىرۋ وبەكتىسى, ساقتاندىرۋ سوماسى جانە ساقتاندىرۋ سىيلىقاقىسىنىڭ مولشەرى;
2) اتاۋى, ينۆەنتارلىق ءنومىرى, بالانستىق (بار بولسا باعالانعان) قۇنى, ساقتاندىرۋ ۇيىمىنىڭ قۇقىعىن راستايتىن قۇجاتتار كورسەتىلگەن ساقتاندىرۋ ۇيىمىنىڭ بەرىلەتىن اكتيۆتەرىنىڭ مولشەرى, تىزبەسى جانە تۇرلەرى;
3) دەبيتورلاردىڭ تەگى, اتى, اكەسىنىڭ اتى (بار بولسا), اتاۋى, دەبيتورلىق بەرەشەكتىڭ سوماسى ەسكەرىلگەن شوتتاردىڭ ءنومىرى, بەرەشەكتىڭ تۋىنداۋىنا نەگىزدەمە كورسەتىلگەن دەبيتورلىق بەرەشەك بويىنشا تالاپتاردىڭ بەرىلەتىن قۇقىعىنىڭ قۇنى مەن تىزبەسى;
4) بەرىلەتىن قۇجاتتار (شارتتار, كۋالىكتەر مەن باسقا دا قۇجاتتار).
58. ساقتاندىرۋ ۇيىمىنىڭ ۋاقىتشا اكىمشىلىگى ساقتاندىرۋ پورتفەلىن بەرۋ تۋرالى شارت جاساعان جانە قابىلداۋ-وتكىزۋ اكتىسىنە قول قويعان كۇننەن باستاپ ءبىر جۇمىس كۇننىڭ ىشىندە ۋاكىلەتتى ورگانعا كورسەتىلگەن قۇجاتتاردىڭ كوشىرمەسىن جىبەرەدى.
59. ۋاقىتشا اكىمشىلىك ساقتاندىرۋشى-الۋشىمەن بىرگە پرەسس-كونفەرەنتسيا جۇرگىزەدى جانە ۋاكىلەتتى ورگاننىڭ رەسمي ينتەرنەت-رەسۋرسىندا ورنالاستىرۋعا ارنالعان پرەسس-رەليزدى ۋاكىلەتتى ورگانعا بەرەدى.
60. ساقتاندىرۋشى-الۋشى ساقتاندىرۋ ۇيىمىنىڭ ساقتاندىرۋ پورتفەلىن قابىلداعان كۇننەن باستاپ بەس جۇمىس كۇن ىشىندە ساقتاندىرۋ ۇيىمىنىڭ ۋاقىتشا اكىمشىلىگى ساقتاندىرۋ پورتفەلىن بەرۋدى جۇزەگە اسىرۋ تۋرالى حابارلامانى قازاقستان رەسپۋبليكاسىنىڭ بۇكىل اۋماعىندا تارالاتىن مەرزىمدى ءباسپاسوز باسىلىمدارىندا قازاق جانە ورىس تىلدەرىندە جاريالايدى.
حابارلامادا:
1) ساقتاندىرۋ پورتفەلىنىڭ بەرىلگەن كۇنى;
2) ساقتاندىرۋشى-الۋشىنىڭ اتاۋى جانە بايلانىس تەلەفوندارى كورسەتىلگەن ونىڭ ورنالاسقان جەرى تۋرالى اقپارات بار.
6-تاراۋ. ساقتاندىرۋ ۇيىمىن ماجبۇرلەپ تاراتقاندا ساقتاندىرۋ پورتفەلىن بەرۋدىڭ ەرەكشەلىگى
61. تاراتۋ كوميسسياسىنىڭ ساقتاندىرۋ ۇيىمىن ماجبۇرلەپ تاراتۋ تۋرالى سوت شەشىمى زاڭدى كۇشىنە ەنگەن كۇننەن باستاپ, ماجبۇرلەپ تاراتىلاتىن ساقتاندىرۋ ۇيىمىنىڭ تاراتۋ كوميسسياسى ساقتاندىرۋ تولەمدەرىن كەپىلدەندىرۋ جۇيەسىنە ەنگىزىلگەن ساقتاندىرۋدىڭ كەپىلدىرىلگەن تۇرلەرى بويىنشا ساقتاندىرۋشىنىڭ كەلىسىمىنسىز ساقتاندىرۋ پورتفەلىن بەرۋدى تولىق كولەمدە جۇزەگە اسىرادى.
62. ساقتاندىرۋ پورتفەلىن بەرۋدى ساقتاندىرۋ ۇيىمىن ماجبۇرلەپ تاراتۋ تۋرالى سوت شەشىمى زاڭدى كۇشىنە ەنگەن كۇننەن باستاپ توقسان كۇنتىزبەلىك كۇن ىشىندە جۇزەگە اسىرادى.
ماجبۇرلەپ تاراتىلاتىن ساقتاندىرۋ ۇيىمىنىڭ ساقتاندىرۋ پورتفەلىن ماجبۇرلەپ تاراتىلاتىن ساقتاندىرۋ ۇيىمىن تاراتۋ كوميسسياسىمەن ساقتاندىرۋدىڭ جانە (نەمەسە) قايتا ساقتاندىرۋدىڭ كەپىلدەندىرىلگەن تۇرلەرى ءجونىندە ليتسەنزياسى بار جانە ونىڭ (ولاردىڭ) وسى ەرەجەنىڭ 52-تارماعىمەن بەكىتىلگەن تالاپتارىنا سايكەس ءبىر نەمەسە بىرنەشە ساقتاندىرۋشىعا بەرىلەدى
63. ساقتاندىرۋ پورتفەلىن بەرۋ ساقتاندىرۋ شارتتارى بويىنشا ساقتاندىرۋ ۇيىمىن ماجبۇرلەپ تاراتقاندا ساقتانۋشىلارعا (ساقتاندىرىلعاندارعا, پايدا الۋشىلارعا) ساقتاندىرۋ تولەمدەرىن جۇزەگە اسىرۋعا كەپىلدەمە بەرەتىن ۇيىمنىڭ ەسەبىنەن جۇزەگە اسىرىلادى.
64. ساقتاندىرۋ پورتفەلىن بەرۋ تۋرالى شارت ماجبۇرلەپ تاراتىلاتىن ساقتاندىرۋ ۇيىمىنىڭ تاراتۋ كوميسسياسى, ساقتاندىرۋشى–الۋشى جانە ساقتاندىرۋ شارتتارى بويىنشا ساقتاندىرۋ ۇيىمىن ماجبۇرلەپ تاراتقاندا ساقتانۋشىلارعا (ساقتاندىرىلعاندارعا, پايدا الۋشىلارعا) ساقتاندىرۋ تولەمدەرىن جۇزەگە اسىرۋعا كەپىلدەمە بەرەتىن ۇيىم اراسىندا جاسالادى.
65. بەرىلەتىن ساقتاندىرۋ پورتفەلىنىڭ قۇرامىنا:
1) ساقتاندىرۋ جاعدايلارى بويىنشا ساقتاندىرۋ تولەمدەرىن جۇزەگە اسىرۋ بويىنشا ءماجبۇرلەپ تاراتىلاتىن ساقتاندىرۋ ۇيىمىنىڭ مىندەتتەرى باستالعان ساقتاندىرۋ شارتتارى, ولاردىڭ باستالعاندىعى تۋرالى مالىمدەلگەن جانە ولار بويىنشا ساقتاندىرۋ تولەمدەرى جۇزەگە اسىرىلماعان نەمەسە تولىق كولەمدە جۇزەگە اسىرىلماعان;
2) ساقتاندىرۋ شارتتارى تىزىلىمىندە جانە (نەمەسە) ماجبۇرلەپ تاراتىلاتىن ساقتاندىرۋ ۇيىمىنىڭ دەرەكتەر بازاسىندا جوق ساقتاندىرۋ شارتتارى;
3) تاراپتارى ساقتاندىرۋشى-الۋشى (ساقتاندىرۋشى, قايتا ساقتانۋشى, قايتا ساقتاندىرۋشى) بولىپ تابىلاتىن ساقتاندىرۋ شارتتارى ەنگىزىلمەيدى.
66. تاراتۋ كوميسسياسى ساقتاندىرۋشى-الۋشىنى تاڭداۋدى جانە ساقتاندىرۋ پورتفەلىن بەرۋدى وسى ەرەجەنىڭ 50, 51, 52, 53, 54, 55, 56, 57, 58, 59, 60 تارماقتارىندا بەلگىلەنگەن تارتىپتە جۇزەگە اسىرادى.
ساقتاندىرۋ ۇيىمىن ماجبۇرلەپ تاراتقاندا ساقتاندىرۋ پورتفەلىن بەرۋدى جۇزەگە اسىرۋ تۋرالى حابارلامادا وسى ەرەجەنىڭ 60-تارماعىندا كوزدەلگەن مالىمەتتەردەن باسقا ماجبۇرلەپ تاراتىلاتىن ساقتاندىرۋ ۇيىمىنىڭ تاراتۋ كوميسسياسىنىڭ جانە ساقتاندىرۋشىلارعا (ساقتاندىرىلعاندارعا, پايدا الۋشىلارعا) ساقتاندىرۋ تولەمدەرىن جۇزەگە اسىرۋعا كەپىلدەمە بەرەتىن ۇيىمنىڭ بايلانىس تەلەفوندارى كورسەتىلگەن ورنالاسقان جەرى تۋرالى اقپارات بولۋى كەرەك.
67. ماجبۇرلەپ تاراتىلاتىن ساقتاندىرۋ ۇيىمىنىڭ ساقتاندىرۋ پورتفەلى بەرىلگەن (قابىلدانعان) كۇننەن باستاپ قابىلدانعان ساقتاندىرۋ شارتتارى بويىنشا تۋىندايتىن مىندەتتەمەلەردى ساقتاندىرۋشى-الۋشى اتقارادى.
بەرىلگەن ساقتاندىرۋ شارتتارى وندا بەلگىلەنگەن مەرزىم اياقتالعانعا دەيىن قولدانىستا بولادى.
ماجبۇرلەپ تاراتىلاتىن ساقتاندىرۋ ۇيىمىنىڭ ساقتانۋشىلارىمەن جاڭا ساقتاندىرۋ شارتىن جاساۋدىڭ نەمەسە ماجبۇرلەپ تاراتىلاتىن ساقتاندىرۋ ۇيىمىنىڭ ساقتانۋشىلارىمەن جاسالعان ساقتاندىرۋ شارتىنا وزگەرىستەر ەنگىزۋدىڭ قاجەتى جوق.
68. ساقتاندىرۋ ۇيىمىن ماجبۇرلەپ تاراتۋ تۋرالى سوت شەشىمى زاڭدى كۇشىنە ەنگەن كۇننەن باستاپ, ساقتانۋشىلاردىڭ ساقتاندىرۋ تولەمدەرىن جۇزەگە اسىرۋعا كەپىلدەمە بەرەتىن ۇيىم ساقتاندىرۋشىعا (ساقتاندىرىلعاندارعا, پايدا الۋشىلارعا) بەرىلەتىن ماجبۇرلەپ تاراتىلاتىن ساقتاندىرۋ ۇيىمىنىڭ ساقتاندىرۋ پورتفەلىن تولەۋ مىندەتتەمەلەرىن وزىنە قابىلدايدى.
ساقتاندىرۋ پورتفەلىن بەرۋ ەرەجەسىنىڭ 1-قوسىمشاسى
بەرىلەتىن ساقتاندىرۋ پورتفەلىنىڭ قۇرامىنا ەنگىزىلەتىن ساقتاندىرۋ شارتتارىنىڭ ءتىزىمى
• 23 ءساۋىر, 2011
