كورنەكتى اقىن, قازاقستاننىڭ حالىق جازۋشىسى, مەملەكەتتىك سىيلىقتىڭ لاۋرەاتى فاريزا وڭعارسىنوۆا وبلىس اكىمى قىرىمبەك كوشەرباەۆتىڭ ارنايى شاقىرۋىمەن ماڭعىستاۋ ايماعىندا بولدى.
ماڭعىستاۋدا كىمىم بار وسى مەنىڭ؟
الادى وندا بىزدەردى ەسىنە كىم؟
قۋاتتانسام دەپ ەدىم, توپىراعىنان
شىعار ما ەكەن الدىمنان توسىپ ەلىم؟
وعىلاندىنى تۇسىمدە كورەم كەيدە,
سوندا قايعى-مۇڭىمدى وشىرەمىن.
ءپىر بابامىز دەم بەرىپ جاتىر-اۋ دەپ
اق بوز اتقا مىنگەندەي كوسىلەمىن...
كەلمەي جۇرسەم بۇل جاققا ءتوزىم جىلاپ,
جۇرەگىم دە سۇيرەيدى, كوزىم بۇلاپ.
ماڭعىستاۋدا پاتشاداي سەزىنەمىن,
نەگە ەكەنىن بىلمەيمىن ءوزىم بىراق.
مىنە, وسىلاي دەپ ماڭعىستاۋىن جىرعا قوساتىن ازامات اقىندى ايماق باسشىلارى, ونەر-مادەنيەت وكىلدەرى اۋەجايدا تاعاتسىزدانا توسىپ, القىزىل گۇلدەرمەن, ءان-جىرمەن قۋانا قارسى الدى. ايماقتاعى العاشقى قادام شاپاعاتتى شوپان اتا ارقىلى ەل يەسى, جەر كيەسى ءپىر بەكەت اتانىڭ ماڭگى دامىلداعان وعىلاندى جەر استى عيماراتىنا بارىپ زيارات ەتۋدەن باستالدى. شالعايداعى تۇششىقۇدىق اۋىلىنداعى كەزدەسۋدە:
قۇمى – مامىق بۇل جەردىڭ, سۋى بالداي,
ءجۇر بىرەۋلەر كيەسىن ۇعىنا الماي.
بالقايماعىن, شۇباتىن توسىپ الدان,
بارساڭ ءبارى كۇتەدى دىمى قالماي.
سوندا سەندە سەزەسىڭ ماڭعىستاۋدىڭ
شىڭى قانداي, شىڭ تەكتەس ۇلى قانداي - دەپ جىر توكتى اقيىق اقىن.
قازىنالى تۇبەكتىڭ ءتۇپ قازىعى فورت-شەۆچەنكو قالاسىندا, اقتاۋداعى ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىندەگى ستۋدەنت-جاستارمەن كەزدەسۋلەر دە اسەم, اسەرلى بولدى. قايراتكەر اقىن ايماقتاعى تاريحي ورىندار, تابيعاتى كورىكتى جەرلەر مەن ءوركەندى وزگەرىستەردى دە نازاردان تىس قالدىرمادى. ال كەشە وبلىس ورتالىعىندا «ولەڭ, مەن سەنى ايالاپ وتەم...» اتتى پوەزيا كەشىنە جينالعاندار مادەنيەت سارايىنا سىيماي كەتتى. العاشقى ءسوز العان حالىق جازۋشىسى, قازاقستاننىڭ ەڭبەك ەرى ءابىش كەكىلباي ۇلى: فاريزا ماڭعىستاۋدىڭ كيەلى توپىراعىنان قۋات العان جىر پاديشاسى, قازاق پوەزياسىنىڭ تۇندىگىن جەلپىلدەتىپ تۇرعان تۇلعا. فاريزامەن بىرگە ءجۇرىپ, ءومىر كەشىپ, قۇرداس قىلعان تاعدىرعا ءدان ريزامىن – دەپ تەبىرەنە, تولعاي سويلەپ, «سىزدەردى قاتتى ساعىنىپ كەلىپ ەدى. ەل دە سولاي ەكەن, توبەلەرىنە كوتەرۋدە», – دەپ جينالعاندارعا ريزاشىلىق سەزىمىن جەتكىزدى. وبلىس باسشىسى قىرىمبەك كوشەرباەۆ «بۇل ءبىر ولكەمىزگە ەرەكشە نۇر توگىلگەن كۇندەر بولىپ تۇر. ايساۋلە انامىز «قوس ق ۇلىنىم» دەپ ەركەلەتكەن ادەبيەتىمىزدىڭ قوس الىبىنىڭ ايماعىمىزعا اتباسىن تىرەۋى بىزدەر ءۇشىن ۇلكەن قۋانىش. جىر الاۋىن جالىنداتا بەرىڭىز. جان جادىراتار جاۋھار جىرلارىڭىز كوپ بولسىن, فاريزا اپاي!», دەگەن يگى تىلەگىن ايتىپ, اقىنعا ۇلتتىق داستۇرمەن يىعىنا قازاقى كامزول جاۋىپ, تەمىر تۇلپاردىڭ كىلتىن تاپسىردى.
بۇل كەشتە ولكەنىڭ ايتۋلى ونەرپازدارى ر.ايدارباەۆا, ت.اسار, ە.قۇليەۆ, ج.كوشكىنوۆ, ا.ەرىمبەتوۆا, ا.كوشەروۆ فاريزا اپايدىڭ سوزىنە جازىلعان, اقىنعا ارنالىپ شىعارىلعان اندەر مەن كۇيلەردى ناقىشىنا كەلتىرىپ ورىنداسا, ايتۋلى ايتىس اقىنى م.قوسىمباەۆ ءوز ارناۋىن, اقىندار ءا.بيماعانبەتوۆ, ر.قوسبارماقوۆ, س.شورتانوۆا, «جانارتاۋ» جاس اقىندار كلۋبىنىڭ مۇشەلەرى, مەكتەپ وقۋشىلارى اقىننىڭ شىعارمالارىمەن ءوز تۋىندىلارىن وقىدى.
جينالعاندار اقىننىڭ ءوزى وقىعان ماڭعىستاۋ تۋرالى جازىلعان جاڭا جىرلارىن جىلى قابىلداپ, قول سوعىپ قوشەمەت كورسەتتى. جىرسۇيەر قاۋىم قۇشاق-قۇشاق القىزىل گۇل سىيلاپ, ازاماتتىق اۋەنگە تولى اسقاق جىرلارى ءۇشىن اقىنعا العىس سەزىمدەرىن ءبىلدىردى. سىي-قۇرمەتتە شەك بولمادى. قىسقاسى, ماڭعىستاۋلىقتار ءۇشىن جىر پاتشايىمى اتانعان فاريزا وڭعارسىنوۆانىڭ ولەڭدەرىن تىڭداپ, ونىمەن ەمەن-جارقىن اڭگىمەلەسۋ ايماعىمىزدىڭ مادەني-رۋحاني ومىرىندەگى ەرەكشە ەستە قالاتىن وقيعا بولدى. ونەرسۇيەر قاۋىم ءبىر جەلپىنىپ, ءبىر سەرپىلىپ قالىستى.
جولامان بوشالاق.
ماڭعىستاۋ وبلىسى.
ماڭعىستاۋدا كىمىم بار وسى مەنىڭ؟
الادى وندا بىزدەردى ەسىنە كىم؟
قۋاتتانسام دەپ ەدىم, توپىراعىنان
شىعار ما ەكەن الدىمنان توسىپ ەلىم؟
وعىلاندىنى تۇسىمدە كورەم كەيدە,
سوندا قايعى-مۇڭىمدى وشىرەمىن.
ءپىر بابامىز دەم بەرىپ جاتىر-اۋ دەپ
اق بوز اتقا مىنگەندەي كوسىلەمىن...
كەلمەي جۇرسەم بۇل جاققا ءتوزىم جىلاپ,
جۇرەگىم دە سۇيرەيدى, كوزىم بۇلاپ.
ماڭعىستاۋدا پاتشاداي سەزىنەمىن,
نەگە ەكەنىن بىلمەيمىن ءوزىم بىراق.
مىنە, وسىلاي دەپ ماڭعىستاۋىن جىرعا قوساتىن ازامات اقىندى ايماق باسشىلارى, ونەر-مادەنيەت وكىلدەرى اۋەجايدا تاعاتسىزدانا توسىپ, القىزىل گۇلدەرمەن, ءان-جىرمەن قۋانا قارسى الدى. ايماقتاعى العاشقى قادام شاپاعاتتى شوپان اتا ارقىلى ەل يەسى, جەر كيەسى ءپىر بەكەت اتانىڭ ماڭگى دامىلداعان وعىلاندى جەر استى عيماراتىنا بارىپ زيارات ەتۋدەن باستالدى. شالعايداعى تۇششىقۇدىق اۋىلىنداعى كەزدەسۋدە:
قۇمى – مامىق بۇل جەردىڭ, سۋى بالداي,
ءجۇر بىرەۋلەر كيەسىن ۇعىنا الماي.
بالقايماعىن, شۇباتىن توسىپ الدان,
بارساڭ ءبارى كۇتەدى دىمى قالماي.
سوندا سەندە سەزەسىڭ ماڭعىستاۋدىڭ
شىڭى قانداي, شىڭ تەكتەس ۇلى قانداي - دەپ جىر توكتى اقيىق اقىن.
قازىنالى تۇبەكتىڭ ءتۇپ قازىعى فورت-شەۆچەنكو قالاسىندا, اقتاۋداعى ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىندەگى ستۋدەنت-جاستارمەن كەزدەسۋلەر دە اسەم, اسەرلى بولدى. قايراتكەر اقىن ايماقتاعى تاريحي ورىندار, تابيعاتى كورىكتى جەرلەر مەن ءوركەندى وزگەرىستەردى دە نازاردان تىس قالدىرمادى. ال كەشە وبلىس ورتالىعىندا «ولەڭ, مەن سەنى ايالاپ وتەم...» اتتى پوەزيا كەشىنە جينالعاندار مادەنيەت سارايىنا سىيماي كەتتى. العاشقى ءسوز العان حالىق جازۋشىسى, قازاقستاننىڭ ەڭبەك ەرى ءابىش كەكىلباي ۇلى: فاريزا ماڭعىستاۋدىڭ كيەلى توپىراعىنان قۋات العان جىر پاديشاسى, قازاق پوەزياسىنىڭ تۇندىگىن جەلپىلدەتىپ تۇرعان تۇلعا. فاريزامەن بىرگە ءجۇرىپ, ءومىر كەشىپ, قۇرداس قىلعان تاعدىرعا ءدان ريزامىن – دەپ تەبىرەنە, تولعاي سويلەپ, «سىزدەردى قاتتى ساعىنىپ كەلىپ ەدى. ەل دە سولاي ەكەن, توبەلەرىنە كوتەرۋدە», – دەپ جينالعاندارعا ريزاشىلىق سەزىمىن جەتكىزدى. وبلىس باسشىسى قىرىمبەك كوشەرباەۆ «بۇل ءبىر ولكەمىزگە ەرەكشە نۇر توگىلگەن كۇندەر بولىپ تۇر. ايساۋلە انامىز «قوس ق ۇلىنىم» دەپ ەركەلەتكەن ادەبيەتىمىزدىڭ قوس الىبىنىڭ ايماعىمىزعا اتباسىن تىرەۋى بىزدەر ءۇشىن ۇلكەن قۋانىش. جىر الاۋىن جالىنداتا بەرىڭىز. جان جادىراتار جاۋھار جىرلارىڭىز كوپ بولسىن, فاريزا اپاي!», دەگەن يگى تىلەگىن ايتىپ, اقىنعا ۇلتتىق داستۇرمەن يىعىنا قازاقى كامزول جاۋىپ, تەمىر تۇلپاردىڭ كىلتىن تاپسىردى.
بۇل كەشتە ولكەنىڭ ايتۋلى ونەرپازدارى ر.ايدارباەۆا, ت.اسار, ە.قۇليەۆ, ج.كوشكىنوۆ, ا.ەرىمبەتوۆا, ا.كوشەروۆ فاريزا اپايدىڭ سوزىنە جازىلعان, اقىنعا ارنالىپ شىعارىلعان اندەر مەن كۇيلەردى ناقىشىنا كەلتىرىپ ورىنداسا, ايتۋلى ايتىس اقىنى م.قوسىمباەۆ ءوز ارناۋىن, اقىندار ءا.بيماعانبەتوۆ, ر.قوسبارماقوۆ, س.شورتانوۆا, «جانارتاۋ» جاس اقىندار كلۋبىنىڭ مۇشەلەرى, مەكتەپ وقۋشىلارى اقىننىڭ شىعارمالارىمەن ءوز تۋىندىلارىن وقىدى.
جينالعاندار اقىننىڭ ءوزى وقىعان ماڭعىستاۋ تۋرالى جازىلعان جاڭا جىرلارىن جىلى قابىلداپ, قول سوعىپ قوشەمەت كورسەتتى. جىرسۇيەر قاۋىم قۇشاق-قۇشاق القىزىل گۇل سىيلاپ, ازاماتتىق اۋەنگە تولى اسقاق جىرلارى ءۇشىن اقىنعا العىس سەزىمدەرىن ءبىلدىردى. سىي-قۇرمەتتە شەك بولمادى. قىسقاسى, ماڭعىستاۋلىقتار ءۇشىن جىر پاتشايىمى اتانعان فاريزا وڭعارسىنوۆانىڭ ولەڭدەرىن تىڭداپ, ونىمەن ەمەن-جارقىن اڭگىمەلەسۋ ايماعىمىزدىڭ مادەني-رۋحاني ومىرىندەگى ەرەكشە ەستە قالاتىن وقيعا بولدى. ونەرسۇيەر قاۋىم ءبىر جەلپىنىپ, ءبىر سەرپىلىپ قالىستى.
جولامان بوشالاق.
ماڭعىستاۋ وبلىسى.
