كوك شىققانعا ءبىر قۋانىپ...

استانا قالاسىنىڭ بالالار پسي­حونەۆرولوگيالىق مەدي­تسي­نا­­لىق-الەۋمەتتىك مەكەمەسى رەسپۋبليكا كولەمىندە العاشقى بو­لىپ ءوز اۋماعىندا قىسقى ورانجەرەيا اش­قان بولاتىن. ەندى جال­پى اۋ­ماعى 52 شارشى مەتر­دى قۇرايتىن جىلىجايدان بالالار ءوز قول­دا­رىمەن وتىرعىز­عان العاشقى ءونىم­دەردى جيناي باستادى. مۇمكىندىگى شەكتەۋلى بالا­لار­عا ارنالعان بۇل جوبا «ەكسون موبيل كازاحستان ينك» كورپورا­تسيا­سىنىڭ دەمەۋشىلىك قولداۋىنىڭ ارقاسىندا جۇزەگە اسىپ وتىر. ءاسى­رەسە, بۇل جەردە كومپانيانىڭ قوعاممەن بايلانىس جونىندەگى كەڭەسشىسى گۇلنار نۇعماننىڭ وسى ورانجەرەيانى اشۋعا كوپ ەڭبەگى سىڭگەنگە ۇقسايدى. بالالار وتكەن جىلدىڭ جەلتوقسان ايىندا مۇندا قىزاناق, قيار, ءسابىز, اقجەلكەك, ۋكروپ, شالعان, بۇرشاق وتىرعىز­سا, بيىلعى جىلدىڭ ناۋرىز ايى­نان باستاپ ونىمدەرىن جيناۋعا كىرىسىپ كەتكەن. «بۇل, ءبىر جاعىنان, بالالارعا «ءبىزدىڭ دە قولىمىزدان ەڭبەك ەتۋ كەلەدى ەكەن-اۋ» دەگەن سەنىم ۇيالاتسا, ەكىنشىدەن, ولار­دىڭ ەڭبەك داعدىلارىن قالىپتاس­تىرىپ, قوعامعا بەيىمدەلۋىنە جول اشادى. وسى ورايدا ورانجەرەيانى اشۋعا قولۇشىن بەرىپ, قارجىلاي دەمەۋشىلىك جاساعان كورپوراتسياعا العىسىمىز شەكسىز», – دەيدى ءمۇ­گەدەك بالالار مەكەمەسىنىڭ ديرەك­تورى سەرىك بوپەجانوۆ. مۇمكىندىگى شەكتەۋلى بالالار­دىڭ وسىلاي ءوز بەتىنشە ەڭبەك­تە­نۋىن مەديتسينادا اگروتەراپيا دەي­دى. بۇل – ولاردىڭ بۇلشىق ەتتەرىن قاتايتۋعا, بۋىندارىندا قي­مىل-ارەكەتتى كوبەيتۋگە باعىت­تال­عان جاڭا ءادىس. سونداي-اق, تابي­عات­پەن ەتەنە بولۋ ءجاسوسپىرىم­دەر­دىڭ ومىرگە دەگەن قۇلشىنىسىن ارت­تىرىپ, تازالىقتى, اسەمدىكتى سەزىندىرەتىنى دە انىق. سوندىقتان قىسقى باقتى اشۋداعى تۇپكى ماق­سات – جىلىجايدان تەك ءونىم جيناۋ عانا ەمەس, ءسابي جۇزدەرىن ەرتەرەك مۇڭ شالعان بالالاردى قو­عامدىق ومىرگە بەيىمدەۋ, سول ار­قىلى دەنساۋلىقتارىنىڭ, كوڭىل-كۇيلەرىنىڭ تۇزەلۋىنە ىقپال جاساۋ. «قىسقى ورانجەرەيانىڭ اشىل­عانى بالالار ءۇشىن قۋانىش, دەي تۇرا, بۇل جەردە مىنا ءبىر ءما­سە­لەنى ايتپاي كەتۋگە بولماس. قازىرگى كۇنى مۇگەدەك بالالاردى ەڭبەككە باۋلۋ, ولاردىڭ قوعامدىق ورتادا ەڭبەك ەتۋىنە مۇمكىندىك جاساۋ جا­عى كەمشىن. ءبىز ءۇشىن كوبىنەسە ولاردىڭ الەمى قۇپيا ءارى «جابىق» كۇيىندە قالىپ كەلەدى. ماسەلەنىڭ بۇل تۇ­سىن انىق اڭعارعان استانا قالا­سىنىڭ اكىمدىگى 2000 جىلى جۇمىس بەرۋشىلەردى مۇمكىندىگى شەك­تەۋلى جاندارعا 3 پايىزدىق كۆو­تا بەرۋگە مىندەتتەگەنى دە ەستە. بىراق جۇمىس بەرۋشىلەردىڭ ءمۇد­دەلى بولماعانى­مەن قويماي, مۇگە­د­ەك بالالاردىڭ ەڭبەك ەتۋگە قا­بىلەتتەرى تومەندى­گىنەن دە بۇل نورما ورىندالىپ وتىرعان جوق», – دەيدى ەڭبەك جانە حالىقتى الەۋمەتتىك قورعاۋ مينيسترلىگى ءال­ەۋمەتتىك باعدارلامالار دەپار­تا­مەنتىنىڭ باستىعى قايني ماناباەۆا. ونىڭ ايتۋىنشا, مەملەكەتتىك قۇرىلىمدار مەن بيزنەس وكىلدەرىنىڭ بىرلەسىپ وسىنداي ءال­ەۋ­مەتتىك جوبالاردى ىسكە اسىرۋى ءوز­گە­لەرگە ۇلگى بولۋى ءتيىس. ءويت­كەنى, ەلىمىزدە مۇمكىندىگى شەكتەۋلى جان­دار­دىڭ مەكەمەسى بىرەۋ عانا ەمەس, سون­داي-اق, ازاماتتىق تانى­تاتىن كور­پوراتسيا باسشىلارى دا جەتەرلىك. ايگۇل سەيىلوۆا.