23 ءساۋىر، 2011

قولداۋ كورسەتۋدى سۇرادى

215 رەت كورسەتىلدى
ءماجىلىستىڭ جالپى وتى­رى­سىندا دەپۋتات قابيبوللا جاقىپوۆ ارىپتەستەرى ۆيك­تور كيانسكي، ەلەنا تاراسەنكو، امانجان جامالوۆ، شاۆحات وتەمىسوۆ، يراك ەلەكەەۆ اتىنان ۇكىمەت پەن پار­لامەنت دەپۋتاتتارىنا ءۇن­دەۋ جولدادى. ول سۋ تاس­قىنىنان زارداپ شەككەن با­تىس قازاقستان وبلىسىنىڭ بۇگىنگى جاي-كۇيىن باياندادى. جۋىردا پارلامەنتشىلەر اق­جايىق وڭىرىنە ارنايى بارىپ قايتقان بولاتىن. سول ساپاردا تۇسىرىلگەن بەينەتاسپا كورسەتىلدى. دەپۋتات ق.جاقىپوۆ ورال قالاسى مەن وبلىستىڭ اقجايىق، زەلەنوۆ، تاسقالا، تەرەكتى اۋدان­دا­رى­نىڭ سۋ استىندا قالعانىن ايتتى. قازىر ارنايى كوميسسيا تابيعات اپاتىنان كەلگەن ماتەريالدىق شى­عىندى ەسەپتەۋ ۇستىندە. سۋعا كەتكەن ۇيلەردىڭ سانى – 1 مىڭ 478. سونىمەن قاتار، 7 مىڭ 146 ساياجاي ءۇيى، 26 ءبىلىم بەرۋ نى­سانى، 8 ەمدەۋ مەكەمەسى، 5 مادە­نيەت كەشەنى سۋ استىندا قالعان. مۇنىڭ سىرتىندا سۋ جايىل­عان ەلدى مەكەندەردىڭ ينفراقۇ­رىلىمدارى، اۆتوكولىك جولدارى، ەلەكتر جەلىلەرى، ستانسالار، تەلەفون بايلانىسى، گازبەن قامتۋ سالالارى ىستەن شىقتى. اۋىل شارۋاشىلىعى ايتارلىقتاي زارداپ شەكتى. ديقاندار كوكتەمگى ەگىسكە قاجەتتى تۇقىمنان ايىرىل­دى. مال شارۋاشىلىعى دا شى­عىنعا ۇشىرادى. بۇگىنگى تاڭدا اپات اۋماعىنان 9 مىڭداي ادام كوشىرىلگەن. وسى جاعدايعا بايلانىستى ال­عاشقى كۇننەن باستاپ قولداۋ بىلدىرگەنى ءۇشىن دەپۋتاتتار ەلبا­سى­نا، قازاقستاننىڭ بارشا تۇرعىن­دارىنا العىستارىن جەتكىزدى. دەگەنمەن، الدىمىزدا اپات­تىڭ زاردابىن قالپىنا كەلتىرۋ جۇمىستارى كۇتىپ تۇر. قانشا قارجى قاجەت ەكەنى انىقتالۋدا. وسى ورايدا رەسپۋبليكالىق بيۋدجەتتەن قارجى بولۋگە ىقپال ەتۋ سۇرالدى. ءماجىلىس توراعاسى ورال مۇ­حامەدجانوۆ بۇل ماسەلەگە باي­لا­نىستى جۋىردا «نۇر وتان» حدپ فراكتسياسىنىڭ تورالقاسى «نۇر وتان» حدپ فراكتسياسى اتىنان سۋ تاسقىنىنان زارداپ شەككەن با­تىس قازاقستان وبلىسىنىڭ تۇر­عىندارىنا ءبىر كۇندىك ەڭبەكاقى كولەمىندە كومەك كورسەتۋ تۋرالى شەشىم قابىلداعانىن جەتكىزدى. ايباتىر سەيتاق، جۋرناليست.
سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار