جاڭارعان زاۋىتتان كۇتەر جاقسىلىق مول

قورشاعان ورتانى قورعاۋ, اۋا مەن اۋىز سۋدىڭ ساپاسى تاۋ-تاۋ بولىپ جينالىپ, قاتتى جەلمەن قالانىڭ دا, دالانىڭ دا كوركىن كەتىرىپ, بەرەكەسىن الاتىن تۇرمىستىق قالدىقتاردى رەتتەۋ اسەم اقتاۋ ءۇشىن وزەكتى ماسەلە بولعالى قاشان. بۇل ماڭىزدى ماسەلەنىڭ سوڭعى جىلدارى «جەر-تەڭىز-اسپان» مەگاجوباسى اياسىندا قولعا الىنۋدا ەكەندىگى قۇپتارلىق تا قۋانارلىق جاي. ولاي دەيتىنىمىز, وتكەن جىلعى كوكتەمدە وبلىس اكىمدىگى مەن ەۋروپا قايتا قۇرۋ جانە دامۋ بانكى «اقتاۋ قالاسىنىڭ سۋمەن قامتۋ جانە ءبولۋ جۇيەلەرىن  جاڭعىرتۋ» جانە «اقتاۋ قالاسىندا قوقىستاردى وڭدەۋ كەشەنىن سالۋ» جوبالارى بويىنشا نەسيەلىك كەلىسىمگە قول قويعان-دى. سونىڭ ناتيجەسىندە, بۇل كۇندەرى وبلىس­تا جالپى سوماسى 5,6 ملرد. تەڭگە بولاتىن ەكى ءىرى جوبا جۇزەگە اسىرىلۋ ۇستىندە ەدى. ەندى وسى اپتادا وبلىس اكىمدىگى مەن اتالمىش بانك اراسىندا جالپى قۇنى 2,2 ملرد.تەڭگە بولاتىن اقتاۋ قالاسىنىڭ سۋ تۇششىتاتىن زاۋىتىن جاڭعىرتۋ جونىندەگى جوبانى دايىنداۋ بويىنشا مانداتتىق كەلىسىمگە قول قويۋ ءراسىمى بولدى. وبلىستىق ەنەرگەتيكا جانە تۇرعىن ءۇي-كوم­مۋنالدىق شارۋاشىلىق باسقارماسىنىڭ, «كاسپي الەۋمەتتىك-كاسىپكەرلىك كورپوراتسياسى» ۇك, اقتاۋ قالاسى اكىمدىگىنىڭ باسشىلارى مەن ەۋروپا قايتا قۇرۋ جانە دامۋ بانكىنىڭ وكىلى ە.ميروشنيك قول قويعان قۇجات بويىنشا قورشاعان ورتانى قورعاۋ, كاسپي  تەڭىزى سۋىنىڭ لاستانۋىن بولدىرماۋ, ت.ب. وزەكتى ماسەلەلەر ءوز شەشىمىن تاپپاقشى. سونداي-اق, جوبا اياسىندا زاۋىتپەن قاتار سۋ ساقتايتىن ورىن قۇرىلىسىن سالۋ, تاعى ءبىر سۋمەن جابدىقتاۋ تورابىن ىسكە قوسۋ ارقىلى قالامەن ىرگەلەس مۇنايلى اۋدانى, «اقتاۋ تەڭىز پورتى» ارنايى ەكونوميكالىق ايماعىنىڭ بىرنەشە قۇرامداس بولىگىن, كاسپي ەنەرگەتيكالىق حابىن تازا سۋمەن قامتۋ جوسپارلانۋدا. جانە ءبىر اتاپ ايتارلىعى, وسىناۋ جوبانىڭ جۇزەگە اسىرىلۋى بارىسىندا وبلىس ەلدى مەكەندەرى ساپالى اۋىز سۋمەن قامتاماسىز ەتىلۋمەن قاتار ونىڭ تۇتىنۋ تاريفتەرىن تومەندەتۋدىڭ العىشارتتارىن جاساۋعا ءمۇم­كىندىك تۋاتىندىعى بولىپ وتىر. سونداي-اق, وسىناۋ ىنتىماقتاستىقتىڭ ءناتي­جە­سىندە تۇرعىن ءۇي-كوممۋنالدىق شارۋا­شىلىعى سالاسىنىڭ دامۋى, ونىڭ ءتۇرلى قىزمەتتەرىنە ينۆەستيتسيا تارتۋدا باسقا دا وڭ وزگەرىستەر كۇتىلۋدە. جالپى, كوممۋنالدىق سالاداعى وسىناۋ ءۇش يننوۆاتسيالىق جوبانىڭ دا ەلىمىزدەگى قاناتقاقتى جوبا رەتىندە جۇزەگە اسىرىلۋى ايماق­تىڭ ەكولوگيا­سىنىڭ جاقسارۋى مەن حالىقتىڭ تۇرمىس-تىرشىلىگىنە يگى ىقپال ەتەتىندىگىنە كۇ­مان جوق. جولامان بوشالاق. اقتاۋ.