مۇنايشىلار قيىن ساتتە قولداۋ كورسەتتى

«قازمۇنايگاز» بارلاۋ ءوندىرۋ» اكتسيونەرلىك قوعامىنىڭ قىز­مەت­كەرلەرى ەلباسىنىڭ باتىس قازاقستان وبلىسى حالقىنا كومەك كورسەتۋگە شاقىرۋىنا ءۇن قوستى. «نۇر وتان» حدپ قمگ ءبو ورتالىق اپپاراتىنىڭ پارتيالىق توبى ەل پرەزيدەنتى نۇرسۇلتان نازارباەۆتىڭ ۇندەۋىنە كومپانيانىڭ بارلىق قىزمەتكەرلەرىنە وزدەرىنىڭ ءۇن تاستاۋىن ۇسىندى. ەلباسى وندا سۋ تاس­قىنىنان زارداپ شەككەن حالىققا قازاقستاندىقتاردى كومەك كورسەتۋگە شاقىرعان بولاتىن. «كەلىڭىزدەر, قولداۋعا ناقتى مۇقتاجداردىڭ بارلىعىنا جاردەم قولىمىزدى سوزايىق. بارلىق قازاقستاندىقتاردىڭ ناعىز باۋىرلاس­تىعى وسىلايشا عانا بەكي تۇسەتىن بولادى. ادامدار قازا تاپقان قىزىلاعاشتا وسىلاي بولدى. بارلىعى ءۇن قاتتى, ادامدار سوڭعى سايلاۋداعىداي بىرلىك تانىتتى, ءبىز تەككە جۇمىس ىستەمەيتىنىمىزدى كورسەتتىك», دەدى وتكەن ءدۇي­سەنبىدە قازاقستان حالقى اسسامبلەياسىنىڭ XVII سەسسياسىندا ەلباسى. قمگ ءبو باس ديرەكتورى اسكار بالجانوۆ اتىراۋ وبلىسىنا وسى اپتادا بارعان ساپارىندا جانە «جىلىويمۇنايگاز», «قاينار­مۇ­ناي­گاز», «دوسسورمۇنايگاز» مۇناي-گاز ءوندىرۋ باسقارمالارىنىڭ ەڭبەك ۇجىم­دا­رىمەن جانە باسقا مۇنايشىلارمەن كەزدەسۋ كەزىندە ول زارداپ شەككەن وتانداستارىمىزعا ءبىر كۇندىك جالاقىلارىن اۋدارۋ باستاماسىن كوتەردى. مەملەكەت باسشىسىنىڭ, «نۇر وتان» پارتياسىنىڭ شاقىرۋلارىن جانە وزدەرىنىڭ ارىپتەستەرىنىڭ باستامالارىن قمگ ءبو ورتالىق اپپا­راتىنىڭ قىزمەتكەرلەرى, اتىراۋ وبلىسىنداعى «ەمبىمۇنايگاز» جانە ماڭعىستاۋ وبلىسىنداعى «وزەنمۇنايگاز» وندىرىستىك فيليال­دا­رىنىڭ, سونداي-اق ەنشىلەس جانە تاۋەلدى ۇيىمداردىڭ قىزمەتكەرلەرى قولدادى. سۋ تاسقىنىنىڭ سالدارىن جويۋ ءۇشىن كومەك قورىنا ءبىر كۇندىك جالاقى اۋدارىلاتىن بولدى. اپات ايماعىندا قالعان ادامدارعا قولداۋ كورسە­تۋ­گە الدىن الا ەسەپتەر بويىنشا, كەمىندە 50 ميلليون تەڭگە جىبەرىلەدى.