اكىم سەرگەكتىك تانىتتى

جازۋشىنىڭ تاڭدامالى ەرتەگى-حيكاياتتارى جارىق كوردى جۋىردا ەلدە تۇ­را­تىن ەرتەگىشى-جا­زۋ­شى تاۋپىق رىم­جا­نوۆتىڭ «ەرتەگى – حيكاياتتار» دەگەن اتپەن ەكى تومدىق تاڭ­دامالى شىعار­مالا­رى جارىق كوردى. ون­ىڭ ارقايسىسىنا ەكى حيكاياتتان ءتورت شى­عارماسى جاريا­لان­عان. بۇلاردىڭ ال­عاش­قىسى وسىدان شي­رەك عاسىردان استام بۇرىن «جالىن» باس­پاسىنان جا­رىق كور­گەن بولاتىن. سولاردىڭ ىشىنەن «زايتۇنقار­لى­عاشتىڭ ەرلىگى» ات­تى ەرتەگى-حي­كايا­سى بۇعان دەيىن ءۇش رەت جارىق كورگەن بو­لاتىن. سو­نىڭ ءۇشىنشى­سىن­دە 2003 جىلى رەسپۋبليكا ءبىلىم جانە عىلىم مي­نيسترلىگىنىڭ باع­دارلا­ماسى بوي­ىن­شا «جازۋ­شى» باسپا­سىنان شىق­­قان «قازاق بالالار ادە­بيە­تىنىڭ قازىناسى» اتتى سە­ريا­لىق جيىر­ما تومدىققا ەنگەن-ءدى. ەرتەگىشى-جازۋشىنىڭ شىعار­ماشىلىعى تۋرالى كەزىندە بەلگىلى سىنشى-عالىمدار مىرزابەك ءدۇي­سەنوۆ, تۇرسىن سىدىقوۆ, بەكەن ىبىرايىم ارنايى ءسوز قوزعاسا, بۇل جولعى قوس تومدىقتىڭ ال­عى­سوزىن فيلولوگيا عىلىمدارىنىڭ دوكتورى, پروفەسسور باۋىرجان ەر­دەنبەكوۆ جازعان ەكەن. ول ەلدە تۇراتىن ەرتەگىشى جازۋشىنىڭ كوپ جىلدىق ەڭبەگى تۋرالى كەڭىنەن تالداپ جازىپتى. بالالار ادەبيە­تى سالاسىنداعى حالىقارالىق «دارابوز» كونكۋرسىنىڭ ەكى رەت قا­تا­رى­نان جەڭىمپازى اتانعان جا­زۋشى ەڭ­بەگى وعان ابدەن لايىق دەپ بىلەمىز. شىندىعىندا ماماندىعى ءجو­نىنەن فيزيك-ماتەماتيك مۇعالىم­نىڭ, ونىڭ ۇستىنە سوڭعى ونداعان جىلداردان بەرى نەگىزىنەن ورىس ءتىلدى بورودۋليحا وڭىرىندە تۇرا­تىن تاۋكەڭنىڭ تۋعان ادەبيەتى­مىزدىڭ ەرتەگى سىندى جانرىمەن شۇعىلدانىپ كەلە جاتقانى ۇلكەن ەرلىك. سونى ەسكەرگەن بورودۋليحا اۋداندىق اكىمدىگى اتالعان قوس تومدىققا دەمەۋشىلىك جاساپتى. «مىنە, سوڭعى ەكى جىلدان بەرى وبلىس اكىمى بەردىبەك ساپار­باەۆ­تىڭ  باستاماسىمەن «تۋعان جەرگە تاعزىم» جانە «تۋعان جەر – التىن بەسىگىم» دەگەن اتپەن ەكى بىردەي اكتسيا تۇراقتى تۇردە ءوتىپ كەلەدى. سوعان وراي جىل باسىنان بەرى جەرلەس جازۋشىمىزدىڭ ءتورت توم­دىق شىعارمالار جيناعىنىڭ ەكى تو­مىن شىعارىپ ۇلگەردىك. بۇي­ىرتسا قالعان ەكى تومى دا جارىق كورەتىن بولادى»  دەيدى اۋدان اكى­مى تالاپ قاسىموۆ. بۇل ەندى قۇپ­تاۋعا تۇ­رارلىق قامقورلىق دەپ بىلەمىز. داۋلەت سەيسەن ۇلى. سەمەي.