ەت ءوندىرىسىن ەسەلەۋ ءۇشىن

ەلىمىزدەگى ماڭىزدى سالالار قا­تارىنان سانالاتىن اۋىل شا­رۋا­شىلىعى, ونىڭ ىشىندە مال شا­رۋاشىلىعىنىڭ كوتەرەر جۇگى ءۇل­كەن ەكەنى بەلگىلى. ال ونى دامىتۋ ءۇشىن جاسالىپ جاتقان  جۇمىس­تار­دىڭ جۇيەلى جۇرگىزىلىپ تۇرۋى قا­شاندا كەزەك كۇتتىرمەيتىن ماسەلە­لەر ەكەندىگى دە انىق. قازاقتىڭ وڭ جامباسىنا كەلەتىن اتالعان سا­لا­نى ۇقساتۋدا سان قىرلى تۇستا­رى­نان قۇلاعدار بولۋ ماقساتىندا كوپ­شىلىك پىكىرىنىڭ دە تيگىزەر پاي­داسى از بولمايدى. وسىنداي نەگىزدە استانادا اۋىل شارۋاشى­لى­عى مينيسترلىگىنىڭ ۇيىمداستى­رۋى­مەن «ەت جانە ءسۇت شارۋا­شى­لىعىن دامىتۋ جۇمىسىن عىلىمي-اقپاراتتىق جاعىنان قامتاماسىز ەتۋ» اتتى تاقىرىپتا حالىق­ارالىق عىلىمي-تاجىريبەلىك كونفەرەنتسيا ءوتتى. وعان اقش, كانادا, فرانتسيا, گەرمانيا, يتاليا, رەسەي جانە ليتۆا سىندى مەملەكەتتەردەن كەلگەن عالىمدار مەن ساراپشى-ماماندار قاتىسىپ, ءوز­ارا تاجىريبە الماستى. باسقوسۋدى اشقان اۋىل شا­راۋاشىلىعى ۆيتسە-ءمينيسترى ساق­تاش حاسەنوۆ مال شاراۋاشى­لى­عى­نىڭ قازىرگى حال-احۋالىنا توقتا­لىپ, بۇل سالانىڭ عىلىمي الە­ۋ­ە­تىن كوتەرۋ قاجەتتىگىن اتادى. سون­داي-اق ول ۇدەمەلى يندۋستريالىق-يننوۆاتسيالىق دامۋ باعدار­لاما­سى اياسىندا وتاندىق ەت شارۋا­شى­لىعىن دامىتۋدى كوزدەيتىن ءبىر­قا­تار جوبالاردى جۇزەگە اسىرۋ جوس­پارلانىپ وتىرعاندىعىن ايتا كەلە, 2015 جىلى ەكسپورتقا شىعا­رى­لاتىن ءىرى قارا مالدىڭ ەتىن 60 مىڭ تونناعا دەيىن جەتكىزۋ كوز­دەل­گەنىن دە نازاردان تىس قال­دىرمادى. كونفەرەنتسيانىڭ نەگىزگى ماق­ساتى – سالا بويىنشا الەمدە قانداي جاڭالىقتار بولىپ جاتىر, ولار قانداي جولدى تاڭداپ الدى, بۇگىنگى جەتىستىكتەرگە قانداي جولمەن كەلدى دەگەن ساۋالدار ءتوڭى­رە­گىندە تاجىريبە الماسۋ. سوندىق­تان دا بۇل وتىرىستىڭ ماڭىزى ەرەكشە بولدى. ءبىز وسى تاجىريبەلەرگە سۇيەنە وتىرىپ, ەلباسىنىڭ العا قويعان ماقساتتارىن ءتيىمدى ءجۇ­زەگە اسىرۋعا بار كۇش-جىگەرىمىزدى جۇمسايمىز, – دەيدى «اسىل ت ۇلىك» رەسپۋبليكالىق مال تۇقىمىن اس­ىل­داندىرۋ ورتالىعى» اق باس­قار­­ما توراعاسى ايبىن تورەحانوۆ. ەكى كۇنگە سوزىلعان حالىق­ارا­لىق باسقوسۋ اياسىندا شەتەلدىك ما­مانداردىڭ قاتىسۋىمەن ءىرى قا­رانىڭ گەرەفورد, انگۋسس, شارولەز, سيممەنتال, وبراك, ليمۋزين جانە باسقا دا تۇرلەرىنىڭ سيپاتتاماسى جان-جاقتى تالقىلاندى. ءابدىراحمان قىدىربەك.