ماڭىزى ارتقان باسقوسۋ

«ريا نوۆوستي» اگەنتتىگىندە ەلوردادا مامىردىڭ 3-4-ىندە وتپەك ءىV استانا ەكونوميكالىق فورۋمىنا ارنالعان ءباسپاسوز كونفەرەنتسياسى ءوتتى. وعان ەكو­نوميكالىق دامۋ جانە ساۋدا ۆيتسە-ءمينيسترى تيمۋر ءسۇ­لەي­مەنوۆ, «عالىمداردىڭ ەۋرا­زيا­لىق ەكو­نوميكالىق كلۋبى» قاۋىم­داس­تىعى توراعاسىنىڭ ورىن­باسارى باقىتگۇل سارينا, «ەكونوميكا­لىق زەرتتەۋلەر ينس­تيتۋتى» اق پرەزيدەنتىنىڭ مىندەتىن اتقارۋ­شى ءجاميلا بوپيەۆا قاتىستى. ولار الدا بولاتىن ءىV استانا ەكو­نوميكالىق فورۋمىنىڭ كۇن تارتىبىنە شىعارىلىپ وتىرعان تاقىرىپتار مەن تالقىلايتىن ماسەلەلەردى باياندادى. ءدال قازىرگى كۇنى ەلوردادا وتەتىن فورۋمعا قاتىسۋعا قىزى­عۋ­شىلىق تانىتىپ وتىرعاندار سا­نى 3 مىڭنان استام ەكەن. ونىڭ ىشىندە 900 شەتەلدىكتەر بار. ەكو­نوميكالىق فورۋمعا نوبەل سىي­لىعىنىڭ لاۋرەاتتارى دجەيمس ميرليس, روبەرت اۋمانن, روبەرت ماندەلل, فينن كيدلاند, دجون نەش, ەريك ماسكين جانە رودجەر كورنبەرگتەر كەلەدى دەپ جوسپار­لانىپ وتىر. بۇل فورۋمنىڭ بىرەگەيلىگىن ارتتىرا تۇسپەك. استانا ەكونوميكالىق فورۋمى ەۋرازيا­لىق كەڭىستىكتە ءداستۇرلى ۇنقاتىسۋ الاڭىنا اينالدى. ءبىزدىڭ سانكت-پەتەربۋرگ فورۋمى, ازيالىق باوس فورۋمى بەينەسىندە باسەكەلەس­تەرىمىز بار. الايدا ولاردا كوتە­رىل­مەگەن نەمەسە جەتكىلىكتى تال­قى­لانباعان بوس كەڭىستىك ءبىز ءوت­كىزگەلى وتىرعان فورۋمدا تول­تى­رى­لادى. سونداي-اق استانا ەكو­نو­ميكالىق فورۋمى تەك قازاق­ستانعا, ورتالىق ازيا جانە تمد تۋرالى عانا ەمەس, حالىقارالىق ەكونوميكالىق دامۋ, ازىق-ت ۇلىك قاۋىپسىزدىگى, ەكولوگيالىق دامۋدى دا تالقىلايدى, دەدى ءباسپاسوز كون­فەرەنتسياسىندا ەكونومي­كا­لىق دامۋ جانە ساۋدا ۆيتسە-ءمينيسترى تيمۋر سۇلەيمەنوۆ. ۆيتسە-ءمينيستردىڭ ايتۋىنشا, بيىلعى جىلعى فورۋم جۇگى ءۇش باعىتتا قاراستىرىلماق: الەمدىك ەكو­نوميكا, بيزنەس جانە ينۆەستيتسيا, قوعام جانە تۇراقتى دامۋ. 3-4 مامىردا يندۋستريالىق-يننوۆاتسيالىق جوبالار كورمەسىن وتكىزۋ جوسپارلانۋدا. فورۋم اياسىندا ءىرى قازاقستاندىق جانە شەتەلدىك ۇيىمدار اراسىندا كەلىسىم-شارتتار مەن مەموراندۋمدار بەكىتۋ, ينفراقۇرىلىمعا جانە بانك سەكتورىنا ينۆەستيتسيا تارتىلۋ كۇتىلۋدە. ۆەنەرا تۇگەلباي.