«ادامعا قانشا جەر كەرەك؟»

وتاندىق كينوتۋىندىسى «ادەبيەت جانە كينو» فەستيۆالىنەن جۇلدەلى ورالدى ورىس ادەبيەتىنىڭ كلاسسيگى لەۆ تولس­تويدىڭ وسىدان 100 جىل بۇرىن جازىپ كەتكەن «ادامعا قانشا جەر كەرەك؟» دەيتىن اڭگىمەسىنىڭ جەلىسىمەن تۇسىرىلگەن  قازاقستاندىق رەجيسسەر مىرعالىم ەسىركەپوۆتىڭ تولىقمەتراجدى ءفيلمى جۋىردا سانكت-پەتەربۋرگ قالاسىنىڭ ماڭىنداعى گاتچينودا وتكەن حالىقارالىق كينوفەستيۆالدە  كورەرمەندەر نازارىن اۋدارىپ قانا قويماي, «ۇزدىك دەبيۋت» اتالىمى بويىنشا باس جۇلدەنى جەڭىپ الدى. «مىرعالىم ەسىركەپوۆتىڭ ل. تولس­­­­تويدىڭ وسى اتتاس اڭگىمەسىنىڭ جەلىسى بويىنشا تۇسىرگەن «منوگو لي چەلوۆەكۋ زەملي نۋجنو» ءفيلمى ەڭ ۇزدىك جانە جارقىن دەبيۋت بولعانى ءسوزسىز. ول باسقا تىلدە كورسەتىلگەن جالعىز فيلم بول­عانىنا قاراماستان, (فيلم قازاق تىلىندە ءتۇسىرىلىپ, ورىسشا سۋب­تيترى فەستيۆال قارساڭىندا جا­س­ا­لىنىپ ۇلگەرگەن) كورەرمەندەر زالى ونى قول سوعىپ قارسى الدى», – دەپتى جۇلدەنى تاپسىراردا قازىلار القاسىنىڭ مۇشەسى, رف حالىق ءارتىسى اللا دەميدوۆا. بۇل – م. ەسىركەپوۆتىڭ شەتەلدەن العان العاشقى جۇلدەسى. سونىمەن, فەستيۆالگە قاتىس­قان 70-تەن استام كارتينانىڭ ىشىنەن قازاق رەجيس­سەرىنىڭ جۇمىسى جەڭىسكە جەتۋىنىڭ سىرى نەدە؟ – بۇل جۇمىستىڭ ۇناعانى, تولستويدىڭ   فيلوسوفيالىق تۋىن­دىسى ءالى دە ماڭىزىن جويعان جوق. ويتكەنى, ونداعى رۋحاني يدەيا – ادامزات ءۇشىن ماڭگىلىك قۇندىلىق بولىپ قالا بەرمەك, ءيا, ادام قا­ناعاتتى ءبىلۋ كەرەك. تويىم­سىز­دىق جاقسىلىققا اكەلمەيدى. وسى­نى اركىم كوكەيگە ءتۇيۋى كەرەك. ءفيلم­نىڭ نەگىزگى ايتار ويى وسى. كار­تينانىڭ جەڭىسكە جەتۋىنىڭ سىرى وسىندا بولار, – دەيدى فيلم رەجيسسەرى. الايدا, لەۆ تولستويدىڭ   في­لو­سوفيالىق اڭىزىن كينو تىلىندە سويلەتكەن, اتالمىش ءفيلمنىڭ ءوز وتانىندا پرەمەرا­سى ءالى وتە قويعان جوق. ەسىمى قازاقستاندىق كينەماتوگرافيادا ەستىلە باستاعان ەسىركەپوۆ كىم دەسەڭىز, ول – ۆيكتور پۇسىرمانوۆتىڭ شاكىرتى. ەكىنشى كۋرستا وقىپ جۇرگەندە-اق «قازاق­ستان-موڭعوليا» ءفيلمىنىڭ تۇسى­رى­لىمىنە اتسالىسقان ول ودان كەيىن دە «قازاقفيلم» كينوستۋ­ديا­سىندا قوسالقى رەجيسسەر رەتىندە بىرقاتار ءفيلمنىڭ تۇسىرىلۋىنە قاتىسىپتى. ال سوڭعى 10 جىل بويى تەلەۆيزيادا قىزمەت جاساپ كوپتەگەن دەرەكتى فيلمدەردىڭ اۆتورى بولعانى ءوز الدىنا ءبىر اڭگىمە. بۇل ەڭبەكتەرى دە ەسكەرۋسىز قالماي, «التىن جۇلدىز» جۇل­دەسىمەن ماراپاتتالعان ەكەن. ايناش ەسالي. الماتى.